കണ്ണൂർ വിമാനത്താവളത്തിൽ വീണ്ടും സ്വർണ്ണ വേട്ട ; പാപ്പിനിശ്ശേരി സ്വദേശി പിടിയിൽ.
കണ്ണൂർ: കണ്ണൂർ വിമാന താവളത്തിൽ വീണ്ടും സ്വർണ്ണ വേട്ട. മലദ്വാരത്തിൽ ഒളിപ്പിച്ച് കടത്താൻ ശ്രമിച്ച 18,86,994 രൂപ വില വരുന്ന 355.5 ഗ്രാം സ്വർണ്ണമാണ് കണ്ണൂർ കസ്റ്റംസ് ഉദ്യോഗസ്ഥർ പിടികൂടിയത്.
കണ്ണൂർ പാപ്പിനിശ്ശേരി സ്വദേശി എ.നിയാസ് (30) ആണ് പിടിയിലായത്.
ഷാർജയിൽ നിന്നെത്തിയ ഐ എക്സ് 746 വിമാനത്തിലെ യാത്രക്കാരൻ ആയിരുന്നു നിയാസ്.
കണ്ണൂർ കസ്റ്റംസ് അസിസ്റ്റൻ്റ് കമ്മിഷണർ ഇ. വി ശിവരാമൻ, സൂപ്രണ്ട് അസീബ് ചെന്നാട്, ഇൻസ്പെക്ടർമാരായ സൂരജ് ഗപ്ത, പങ്കജ് സന്ദീപ്,ഹവീൽദാർ ഗിരീഷ് തുടങ്ങിയവരുടെ നേതൃത്വത്തിൽ ആയിരുന്നു സ്വർണ്ണo പിടികൂടിയത്.
Comments
Post a Comment