കണ്ണാടിപ്പറമ്പ്: കണ്ണാടിപ്പറമ്പ് ഗവൺമെന്റ് ഹയർ സെക്കൻഡറി സ്കൂളിന്റെ സൽപേരിന് കളങ്കം വരുത്തുന്ന രീതിയിൽ സാമൂഹ്യ മാധ്യമങ്ങളിലൂടെ കുപ്രചരണങ്ങൾ നടത്തുന്ന ചിലരുടെ ദുഷ്പ്രവൃത്തിയിൽ സ്കൂൾ പിടിഎ ശക്തമായ പ്രതിഷേധം രേഖപ്പെടുത്തി. കുട്ടികൾക്കിടയിൽ ഉണ്ടാകുന്ന അച്ചടക്ക പ്രശ്നങ്ങളെയോ റാഗിംഗ് പോലുള്ള ഗുരുതരമായ വിഷയങ്ങളെയോ നിയമപരമായും കർശനമായും നേരിടുമെന്നും, ഇത്തരം കാര്യങ്ങളിൽ വിട്ടുവീഴ്ച ഉണ്ടാകില്ലെന്നും പിടിഎ വ്യക്തമാക്കി. അതേസമയം, ഇതിന്റെ മറവിൽ സ്കൂളിന്റെ എല്ലാ പ്രവർത്തനങ്ങളിലും സജീവമായി ഇടപെടുന്ന മികവാർന്ന പിടിഎ ഭരണസമിതിയെ രാഷ്ട്രീയ ലക്ഷ്യങ്ങളോടെ അപകീർത്തിപ്പെടുത്താനും, അധ്യാപകരെ ഒറ്റതിരിഞ്ഞ് സമൂഹമാധ്യമങ്ങളിലൂടെ അധിക്ഷേപിക്കാനും ചിലർ നടത്തുന്ന ഗൂഢശ്രമങ്ങൾ പ്രതിഷേധാർഹമാണെന്ന് യോഗം വിലയിരുത്തി. അസൂയാലുക്കളായ ഈ വിഭാഗം ആൾക്കാരുടെ പ്രവർത്തനങ്ങൾ തിരിച്ചറിഞ്ഞ് അവരെ ഒറ്റപ്പെടുത്തണമെന്നും, സ്കൂളിനെ സ്നേഹിക്കുകയും മുൻകാലങ്ങളെപ്പോലെ പ്രതാപത്തോടെ നിലനിന്നു കാണാൻ ആഗ്രഹിക്കുകയും ചെയ്യുന്ന മുഴുവൻ നല്ലവരായ രക്ഷിതാക്കളോടും നാട്ടുകാരോടും സ്കൂളിൽ വെച്ചുചേർന്ന പിടിഎ എക്സിക്യൂട്ടീവ് കമ്മിറ്റി യോഗം അഭ്യർത്ഥിച്ചു...
