കുറുമാത്തൂർ വാർത്തകൾ, നാറാത്ത് വാർത്തകൾ, പാപ്പിനിശ്ശേരി വാർത്തകൾ

  അറിവിന്റെ ലോകത്തേക്ക് കുരുന്നുകൾ കൗതുകത്തോടെ കൺതുറന്നു. വേനലവധിയുടെ ചെറുകാലം കഴിഞ്ഞെത്തിയവർ സൗഹൃദക്കൂട്ടത്തിലേക്ക് വീണ്ടും ചേർന്നണഞ്ഞു. നവാഗതരെ സ്‌കൂളുകളിലേക്ക് ആഘോഷപൂർവ്വം സ്വാഗതം ചെയ്തുകൊണ്ടുള്ള പ്രവേശനോത്സവം ജില്ലയിലെ മുഴുവൻ സ്‌കൂളുകളിലും അരങ്ങേറി. സ്‌കൂൾ പ്രവേശനോത്സവത്തിന്റെ ഭാഗമായി ആയിത്തറ മമ്പറം ഗവ.ഹയർ സെക്കൻഡറി സ്കൂൾ, തളാപ്പ് ഗവ. മിക്സഡ് യുപി സ്കൂൾ, ബഡ്സ്/ബിആർസി മുണ്ടേരി ഗ്രാമപഞ്ചായത്ത് എന്നിവടങ്ങളില്‍ പരിപാടിയില്‍ പങ്കെടുത്തു.

  കണ്ണൂർ റെയിൽവേ STU ഓട്ടോ യൂണിറ്റ് അംഗം ഇസ്ഹാഖ് നിര്യാതനായി കണ്ണാടിപറമ്പ : കണ്ണൂർ റെയിൽവേ എസ്‌.ടി.യു (STU) ഓട്ടോ യൂണിറ്റ് അംഗവും സംഘടനാ-തൊഴിൽ മേഖലകളിലെ സജീവ സാന്നിധ്യവുമായിരുന്ന ഇസ്ഹാഖ് നിര്യാതനായി. ഭാര്യ: ഫൗസിയ ടി.കെ (പുല്ലൂപ്പി). മക്കൾ: തൻസ, ഷാസ, സമാൻ ഷാൻ. മയ്യത്ത് നിസ്കാരം ഇന്ന് വൈകുന്നേരം 3 മണിക്ക് പുല്ലൂപ്പി ജുമാ മസ്ജിദിൽ വെച്ച് നടന്നു 

  ​കമ്പിൽ: msf കൊളച്ചേരി പഞ്ചായത്ത് കമ്മിറ്റിയുടെ നേതൃത്വത്തിൽ, കമ്പിൽ മാപ്പിള എൽ.പി സ്കൂളിൽ വെച്ച് സംഘടിപ്പിച്ച പഞ്ചായത്ത് തല പഠന കിറ്റ് വിതരണോദ്ഘാടനം, യൂത്ത് ലീഗ് തളിപ്പറമ്പ് നിയോജകമണ്ഡലം ട്രഷറർ ജാബിർ പാട്ടയം നിർവഹിച്ചു. ​'കുരുന്നു മനസ്സിൽ പുഞ്ചിരി വിടർത്താം' എന്ന ശീർഷകത്തിൽ, msf 'ഹബീബ് എജു കെയർ' കൊളച്ചേരി പഞ്ചായത്ത് വിംഗിന്റെ സഹകരണത്തോടെയാണ് പദ്ധതി നടപ്പിലാക്കിയത്. ​msf തളിപ്പറമ്പ് നിയോജകമണ്ഡലം ട്രഷറർ ആരിഫ് പാമ്പുരുത്തി, msf കൊളച്ചേരി പഞ്ചായത്ത് പ്രസിഡണ്ട് റാസിം പാട്ടയം, ജനറൽ സെക്രട്ടറി ഹാദി ദാലിൽ, പഞ്ചായത്ത് കമ്മിറ്റി അംഗങ്ങളായ റൈഹാൻ ഒ.സി, അർഷാദ് എൽ, കമ്പിൽ സ്കൂൾ മാനേജർ ഷാഹിർ പി.സി, പി.ടി.എ പ്രസിഡണ്ട് നസീർ എന്നിവർ ചടങ്ങിൽ സംബന്ധിച്ചു. ▪️▪️▪️▪️▪️▪️▪️▪️ msf കൊളച്ചേരി പഞ്ചായത്ത് കമ്മിറ്റി

  ന്യൂഡൽഹി: രാജ്യത്തെ വാണിജ്യ എൽപിജി സിലിണ്ടറുകളുടെ വിലയിൽ വീണ്ടും വർധനവ്. 19 കിലോഗ്രാം വാണിജ്യ സിലിണ്ടറുകളുടെ വിലയിൽ മാറ്റം വരുത്തിയതായി ഇന്ത്യൻ ഓയിൽ കോർപ്പറേഷൻ അറിയിച്ചു. 42 രൂപയോടെ വർധനവോടെ ഇനി മുതൽ ഡൽഹിയിൽ സിലിണ്ടറിന് 3,113.5 രൂപ നൽകണം, നേരത്തെ ဧက ഇത് 3,071.5 രൂപയായിരുന്നു. രാജ്യം ഇന്ധന പ്രതിസന്ധി നേരിട്ടേക്കാമെന്ന റിപ്പോർട്ടുകൾക്കിടെയാണ് മറ്റൊരു വിലക്കയറ്റം.കൊൽക്കത്തയിൽ 19 കിലോഗ്രാം വാണിജ്യ എൽപിജി സിലിണ്ടറിന്റെ വില 53.50 രൂപയായാണ് വർധിച്ചത്. ഇതോടെ സിലിണ്ടറിന് 3,255.5 രൂപയായി. കൂടാതെ 5 കിലോഗ്രാം ഫ്രീ ട്രേഡഡ് എൽപിജി സിലിണ്ടറുകളുടെ വില 11 രൂപ വർധിച്ച് ഡൽഹിയിൽ 821.5 രൂപയുമായി. അതേസമയം, ഗാർഹിക സിലിണ്ടർ വിലയിൽ മാറ്റമില്ല.

  എടത്വ (ആലപ്പുഴ) :യുഎസിലെ ജോർജിയയിൽ വിവാഹദിനത്തിൽ പ്രവാസി മലയാളികളായ വധൂവരൻമാർ സഞ്ചരിച്ച ഹെലികോപ്റ്റർ തകർന്നുവീണ് വരനും പൈലറ്റും മരിച്ചു. ഗുരുതരമായി പരുക്കേറ്റ വധുവിനെ ആശുപ്രതിയിൽ പ്രവേശിപ്പിച്ചു. മൂവാറ്റുപുഴയിൽനിന്നു വർഷങ്ങൾക്കു മുൻപേ യുഎസിലേക്കു കുടിയേറിയ കടുവാക്കുഴിയിൽ ഫിജി ജോർജ് ഫേബ ഫിജി ദമ്പതികളുടെ മകൻ ഡേവ് ഫിജിയാണ് മരിച്ചത്. തലവടി ചുടുക്കാട്ടിൽ ജെസ്‌വിൻ വില്ലയിൽ സാം ഉമ്മൻ - ഷീല സാം ദമ്പതികളുടെ മകളാണ് പരുക്കേറ്റ ജെസ്ന‌ി സാം.ജോർജിയയിലെ ഡോൺ കൗണ്ടിയിൽ 29ന് രാത്രി 10.30ന് (ഇന്ത്യൻ സമയം 30ന് രാവിലെ 8) ആയിരുന്നു അപകടം. രണ്ടു കുടുംബങ്ങളും വർഷങ്ങളായി യുഎസിലാണ് താമസം. അറ്റ്ലാന്റ എയർലൈൻസിൽ പൈലറ്റായി ജോലി ചെയ്യുന്ന ഡേവ് ഫിജിയും ജെസ്‌നിയും തമ്മിലുള്ള വിവാഹം 29ന് വൈകിട്ട് 4.30നാണു നടന്നത്. വിവാഹശേഷമുള്ള ഹെലികോപ്റ്റർ യാത്രയാണ് അപകടത്തിൽ കലാശിച്ചത്.

മാലോട്ട് താമസിക്കുന്ന നാറാത്ത് സ്വദേശി വലിയ പുരയിൽ ഫാത്തിമ മരണപ്പെട്ടു  (മക്കൾ ഇബ്രാഹിം, മൊയ്‌ദീൻ, കദീജ, അസ്മ, ബീവി (പരേത ) മയ്യത്ത് നിസ്ക്കാരം *9*മണിക്ക് നാറാത്ത് ടൗണ് പള്ളിയിൽ.

  കണ്ണൂർ:സംസ്ഥാനത്ത് വീണ്ടും മരണാനന്തര അവയവദാനം. വാഹനാപകടത്തില്‍ മരിച്ച ശ്രീകണ്ഠാപുരം വള ക്കൈ സ്വദേശിയായ യുവാവിന്റെ ഹൃദയം ഉള്‍പ്പെടെ നാല് അവയവങ്ങള്‍ നാലുപേര്‍ക്ക് പുതുജീവനേകും. 23 വയസുകാരനായ എം കെ അര്‍ജുന്റെ ഹൃദയമാണ് ദാനം ചെയ്യുന്നത്.  അര്‍ജുന്റെ ഹൃദയം തിങ്കളാഴ്ച്ച രാവിലെ കണ്ണൂരില്‍ നിന്ന് കൊച്ചിയിലേക്ക് എയര്‍ ആംബുലന്‍സ് മാര്‍ഗം എത്തിക്കുമെന്നാണ് അറിയിച്ചിരിക്കുന്നത്. കണ്ണൂര്‍ ആസ്റ്റര്‍ മിംസില്‍ നിന്ന് ആസ്റ്റര്‍ മെഡിസിറ്റി കൊച്ചിയിലേക്കാണ് ഹൃദയം എത്തിക്കുന്നത്. കൊച്ചി ആസ്റ്റര്‍ മെഡിസിറ്റിയില്‍ ചികിത്സയിലുള്ള മലപ്പുറം സ്വദേശിയായ 48 കാരന് ഹൃദയം മാറ്റിവയ്ക്കും. കരള്‍ കോഴിക്കോട് ബേബി മെമ്മോറിയല്‍ ആശുപത്രിയിലേക്ക് കൊണ്ടുപോകും. വൃക്കകള്‍ കണ്ണൂരിലെ ആസ്റ്റര്‍ മിംസ് ആശുപത്രിയിലേക്കും മറ്റൊന്ന് കോഴിക്കോട് മെഡിക്കല്‍ കോളേജിലേക്കും കൊണ്ടുപോയി ചികിത്സയിലുള്ള രോഗികള്‍ക്ക് ദാനം ചെയ്യും. ബൈക്ക് അപകടത്തെ തുടര്‍ന്ന് അര്‍ജുന് മസ്തിഷ്‌ക മരണം സംഭവിക്കുകയായിരുന്നു. ഈക്കഴിഞ്ഞ 28-ാം തിയതിയാണ് അപകടമുണ്ടാകുന്നത്. കഴിഞ്ഞ ദിവസമാണ് അര്‍ജുന്റെ മസ്തിഷ്‌ക മരണം സ്ഥിരീകരിച്ചത്. കണ്ണൂര്‍ ആസ്റ്റര്‍ മിംസ് ആശുപത്ര...