കുറുമാത്തൂർ വാർത്തകൾ, നാറാത്ത് വാർത്തകൾ, പാപ്പിനിശ്ശേരി വാർത്തകൾ

                                          തലശേരി: ദേശീയ പാതയിൽ തലശ്ശേരി കൊടുവള്ളിയിൽ വാഹനാപകടത്തിൽ യുവാവിന് ദാരുണാന്ത്യം. ധർമടം ചാത്തോടം സ്വദേശി റാഷിഫ് (42) ആണ് മരിച്ചത്. ഇന്നലെ രാത്രി ജോലി കഴിഞ്ഞ് വീട്ടിലേക്ക് മടങ്ങവേ റാഷിഫ് സഞ്ചരിച്ച ബൈക്കും സ്വകാര്യബസും കൂട്ടിയിടിക്കുകയായിരുന്നു. തലശ്ശേരി പുതിയബസ്റ്റാന്റ് പരിസരത്ത് ബൂട്സ് ലൈനിൽ ഫൂട്ട്പാത്ത് ജോലിക്കാരനാണ്.

  തസ്‌ലീമിന്റെ വിയോഗം നാടിനെ കണ്ണീരിലാഴ്ത്തി. ബാംഗ്ലൂരിൽ നിന്ന് വരും വഴി മൈസൂരിൽ നിന്ന് സുബ്ഹി നേരത്ത് ഉമ്മാനോട് പറഞ്ഞിരുന്നു തസ്ലീം.. പൊന്നുമോന് വേണ്ടി ഉമ്മ ഇഷ്‌ട ഭക്ഷണം ഉണ്ടാക്കി കാത്തിരുന്നിട്ടുണ്ടാവും.. പക്ഷേ രാവിലെ 8.30 മണിക്ക് മട്ടന്നൂരിൽ വെച്ച് അവൻ യാത്രയായി.. പോസ്റ്റിൽ ഇടിച്ച് ഓടയിലേക്ക് തെറിച്ച് വീണ് , മുകളിൽ ബൈക്കും വീണതിനാൽ ലോക്കായി..ഇലക്‌ട്രിക് ലൈൻ പൊട്ടി അവന് മുകളിലേക്കും വീണു.. സുബ്ഹിക്ക് വിളിച്ച് നാസ്‌ത ഉണ്ടാക്കാൻ ഉമ്മയോട് പറഞ്ഞ മോൻ.. മഗ്‌രിബ് കഴിഞ്ഞ് ആറടി മണ്ണിലേക്ക് യാത്രയായി.. പെരിങ്ങത്തൂർ ജുമാ മസ്ജിദിൽ ആയിരങ്ങൾ കണ്ണീരോടെ അവനെ യാത്രയാക്കി..

  കൊളച്ചേരി: വരൾച്ചയെ തുടർന്ന് ഉണ്ടാകാവുന്ന ജലക്ഷാമം നേരിടുന്നതിനും കുടിവെള്ള വിതരണവുമായി ബന്ധപ്പെട്ട നിലവിലെ പ്രശ്നങ്ങൾ വിലയിരുത്തുന്നതിനുമായി കൊളച്ചേരി ഗ്രാമ പഞ്ചായത്ത് ഉന്നതതല യോഗം ചേർന്നു. ജൽജീവൻ മിഷൻ പദ്ധതികളുടെ പുരോഗതിയും കുടിവെള്ള വിതരണം സുഗമമാക്കാനുള്ള നടപടികളും യോഗത്തിൽ ചർച്ച ചെയ്തു. ഗ്രാമപഞ്ചായത്ത് പ്രസിഡണ്ട് ടി.വി. ഷമീമയുടെ അധ്യക്ഷതയിൽ ചേർന്ന യോഗം ജില്ലാ പഞ്ചായത്ത് കൊളച്ചേരി ഡിവിഷൻ അംഗം മുസ്തഫ കോടിപ്പൊയിൽ ഉദ്ഘാടനം ചെയ്തു. വൈസ് പ്രസിഡണ്ട് കെ. വത്സൻ, കേരള വാട്ടർ അതോറിറ്റി കൊളച്ചേരി സെക്ഷൻ അസിസ്റ്റന്റ് എൻജിനീയർ ഇൻ ചാർജ് എൻ.എ. ബിൻഷ എന്നിവർ പങ്കെടുത്തു. സ്റ്റാൻഡിങ് കമ്മിറ്റി ചെയർപേഴ്സൺമാരായ പി. ഫസീല, ടിന്റു സുനിൽ, വിവിധ വാർഡ് ജനപ്രതിനിധികൾ തുടങ്ങിയവർ യോഗത്തിൽ സംസാരിച്ചു. ഗ്രാമപഞ്ചായത്ത് സെക്രട്ടറി ആന്റണി എൻ സ്വാഗതവും അസിസ്റ്റന്റ് സെക്രട്ടറി ഇ. ജനേഷ് നന്ദിയും പറഞ്ഞു.

  പയ്യന്നൂർ:ഹാസ്യവേഷങ്ങളിലൂടെയും സ്വഭാവ വേഷങ്ങളിലൂടെയും മലയാളികൾക്ക് സുപരിചിതനായി മാറിയ നടനാണ് പയ്യന്നൂർ രാമന്തളി സ്വദേശിയായസുബീഷ് സുധി. 2017 ൽ തീയേറ്ററുകളിലെത്തിയ ടൊവിനോ ചിത്രമായ ഒരു മെക്സിക്കൻ അപാരതയിലൂടെയാണ് സുബീഷിന് കൂടുതൽ ജനശ്രദ്ധ ലഭിച്ചത്. ഇപ്പോഴിതാ സുബീഷ് തന്റെ ദയനീയ അവസ്ഥ തുറന്നുപറഞ്ഞിരിക്കുകയാണ്. 2024 ൽ റിലീസ് ചെയ്ത ഒരു ഭാരത സർക്കാർ ഉൽപ്പന്നമെന്ന ചിത്രത്തിനു പിന്നാലെയുണ്ടായ സാമ്പത്തിക പ്രശ്നങ്ങളെക്കുറിച്ചാണ് നടൻ തുറന്നു പറഞ്ഞിരിക്കുന്നത്.സുബീഷും സുഹൃത്തുക്കളും ചേർന്നാണ് ചിത്രം നിർമിച്ചത്. മികച്ച സിനിമയെന്ന അഭിപ്രായം നേടിയിട്ടും ചിത്രം സാമ്പത്തികമായി വിജയിച്ചിരുന്നില്ല. ഫേസ്ബുക്ക് പോസ്റ്റിലൂടെയാണ് സുബീഷ് ദയനീയാവസ്ഥ തുറന്നുപറഞ്ഞിരിക്കുന്നത്. വല്ലാത്ത അവസ്ഥയിലൂടെയാണ് ഇപ്പോൾ പോകുന്നതെന്നും വീട് ജപ്തിയിലാണെന്നും സുബീഷ് പറയുന്നു. പിടിച്ചുനിൽക്കാൻ കഴിയാതെ വന്നപ്പോൾ രണ്ട് തവണ ആത്മഹത്യയ്ക്ക് ശ്രമിച്ചെന്നും ദൈവത്തിനുപോലും തന്നെ വേണ്ടെന്നും നടൻ കുറിച്ചിട്ടുണ്ട്.  *ഫേസ്ബുക്ക് പോസ്റ്റിന്റെ പൂർണരൂപം*  വലിയ സ്വപ്നങ്ങൾക്ക് പുറകെ പോയി ജീവിതം മുന്നോട്ട് പോകാൻ പറ്റാത്ത അവസ്ഥയിൽ ആണ്...

  കൊച്ചി: പാചക വാതക വിലയില്‍ വന്‍ വര്‍ധന വരുത്തി എണ്ണക്കമ്പനികള്‍. വാണിജ്യ സിലിണ്ടറുകളുടെ വിലയാണ് കൂട്ടിയത്. ഒറ്റയടിക്ക് ആയിരം രൂപയ്ക്ക് അടുത്താണ് വില കൂട്ടിയത്. ഗാര്‍ഹിക സിലിണ്ടര്‍ വിലയില്‍ മാറ്റമില്ല. വാണിജ്യ സിലിണ്ടറിന്റെ (19 കിലോഗ്രാം) വിലയിൽ 993 രൂപയാണ് വര്‍ധിപ്പിച്ചത്. ഇതോടെ സിലിണ്ടര്‍ വില 3000 രൂപ കടന്നു. 3085 രൂപയാണ് കൊച്ചിയിലെ പുതിയ സിലിണ്ടര്‍ വില. തിരുവനന്തപുരത്ത് 3106, കോഴിക്കോട്ട് 3117.5 രൂപ എന്നിങ്ങനെയാണ് നിലവിലെ സിലിണ്ടർ വില. ഒറ്റത്തവണ ഇത്രയും വില കൂട്ടുന്നത് അപൂര്‍വമാണ്.