കുറുമാത്തൂർ വാർത്തകൾ, നാറാത്ത് വാർത്തകൾ, പാപ്പിനിശ്ശേരി വാർത്തകൾ

  കേരള വ്യാപാരി വ്യവസായി മുൻ ജില്ലാ സിക്രട്ടറിയും പാപ്പിനിശ്ശേരിയിലെ സീനിയർ വ്യാപാരി നേതാവുമായ മൊയ്തീൻ നിര്യാതനായി. 82 വയസ്സ് ആയിരുന്നു. ഭാര്യ. പി.ടി.പി. റംല മക്കൾ :. ബിഷർ. റിജാസ്. റിഷാന  മരുമക്കൾ : സുഹലത്ത്,സജീറ,ഫർഹാദ് ഖബറടക്കം രാവിലെ . 10 മണിക്ക് അറത്തിൽ ജുമാ മസ്ജിദ്

  മട്ടന്നൂർ: രാജ്യസഭാ എം.പി സദാനന്ദൻ മാസ്റ്ററുടെ മകളുടെ വിവാഹ സൽകാര ചടങ്ങിൽ പങ്കെടുക്കാൻ ഉപരാഷ്‌ട്രപതി സി.പി. രാധാകൃഷ്ണൻ മട്ടന്നൂരിൽ എത്തി.  വായുസേനയുടെ വിമാനത്തിൽ കണ്ണൂർ വിമാനത്താവളത്തിൽ എത്തിയ ഉപരാഷ്‌ട്രപതിയെ ഗവർണർ രാജേന്ദ്ര വിശ്വനാഥ് അർലേക്കർ, മന്ത്രി സണ്ണി ജോസഫ്, ഡിഐജി യതീഷ് ചന്ദ്ര, കലക്ടർ പി വിഷ്ണുരാജ് എന്നിവർ ചേർന്ന് സ്വീകരിച്ചു.

  തളിപ്പറമ്പ്: പോസ്റ്റോഫീസുകൾ ഉൾപ്പടെയുള്ള പൊതുമേഖലാ സ്ഥാപനങ്ങൾ കോർപ്പറേറ്റുകൾക്ക് തീറെഴുതുന്ന നടപടികളെ ചെറുക്കാൻ തപാൽ ജീവനക്കാരും ജനങ്ങളും കൈകോർക്കണമെന്ന് ടി.കെ.ഗോവിന്ദൻ മാസ്റ്റർ എം.എൽ.എ. പറഞ്ഞു. ഫെഡറേഷൻ ഓഫ് നാഷണൽ പോസ്റ്റൽ ഓർഗനൈസേഷൻ (എഫ്.എൻ.പി.ഒ.) കണ്ണൂർ ഡിവിഷണൽ സമ്മേളനം തളിപ്പറമ്പ് വ്യാപാര ഭവനിൽ ഉദ്ഘാടനം ചെയ്യുകയായിരുന്നു അദ്ദേഹം.പോസ്റ്റോഫീസുകൾ ആധുനികവത്കരണത്തിന് വിധേയമായിക്കൊണ്ടിരിക്കുന്ന ഘട്ടത്തിൽ തന്നെ പോസ്റ്റോഫീസുകൾ അടച്ചുപൂട്ടുന്ന നയം ഒരിക്കലും വെച്ചു പൊറുപ്പിക്കാനാവില്ലെന്ന് അദ്ദേഹം ചൂണ്ടിക്കാട്ടി. എഫ്. എൻ.പി.ഒ. ഡിവിഷണൽ ചെയർമാൻ വി.പി.ചന്ദ്രപ്രകാശ് അദ്ധ്യക്ഷത വഹിച്ചു.സർക്കിൾ കൺവീനർ കെ.വി.സുധീർ കുമാർ പ്രതിനിധി സമ്മേളനം ഉദ്ഘാടനവും മുഖ്യപ്രഭാഷണവും നടത്തി.സംസ്ഥാന സെക്രട്ടറി കെ. മഹേഷ് ഉപഹാര സമർപ്പണം നടത്തി. സർക്കിൾ അസി.സെക്രട്ടറിമാരായ പി.വി.രാമകൃഷ്ണൻ , ദിനു മൊട്ടമ്മൽ, ഡിവിഷണൽ സെക്രട്ടറിമാരായ ഉണ്ണികൃഷ്ണൻ കാമ്പ്രത്ത്, ഇ മനോജ് കുമാർ, പി.ടി.രന്ദീപ്, ജില്ലാ പ്രസിഡന്റ് കെ.വി. വേണുഗോപാലൻ, വനിത ജില്ലാ കൺവീനർ കെ.സുമ, കരിപ്പാൽ സുരേന്ദ്രൻ , പി.പ്രേമദാസൻ എന്നിവർ പ്രസംഗിച്ചു. സർവ്വീസിൽ നിന്...

  ബെംഗളൂരു: മലയാളി യുവാവിനെ ബെംഗളൂരുവിൽ കാറിൽ മരിച്ച നിലയിൽ കണ്ടെത്തി. മലപ്പുറം മൂന്നിയൂർ ആലിൻചുവട് സ്വദേശി പരേതനായ കുളത്തിൽ പള്ളിയാളി ഹസ്സൻ ഹാജിയുടെ മകൻ ഖലീൽ (42) ആണു മരിച്ചത്. ഊബർ ടാക്സി ഡ്രൈവറായിരുന്ന ഖലീൽ ഒരാഴ്ച മുൻപാണ് ബെംഗളൂരൂവിൽ എത്തിയത്. ട്രിപ് കഴിഞ്ഞ് മുറിയിൽ തിരിച്ചെത്താത്തതിനെ തുടർന്ന് നടത്തിയ പരിശോധനയിലാണ് കാറിൽ മരിച്ച നിലയിൽ കണ്ടെത്തിയത്. ഹൃദയാഘാതമാണ് മരണകാരണമെന്നാണു സൂചന. കബറടക്കം ഇന്ന് ചിനയ്ക്കൽ പള്ളിയിൽ. മാതാവ്: സഫിയ. മക്കൾ: സനീഹ, സാക്കി ഖലീൽ.

  കണ്ണൂർ പാനൂർ പത്തായക്കുന്ന് ശരത് പ്രിയയിൽ അശോകൻ പ്രീതാ ദമ്പതികളുടെ മകൻ അശ്വിൻ അശോക് (30) ബെംഗ്ലൂർ മത്തിക്കരെയിൽ താമസസ്ഥലത്ത് ആത്മഹത്യ ചെയ്തു വിവാഹ ശേഷം മത്തിക്കരെയിൽ താമസിച്ചു വരികയായിരുന്നു അശ്വിൻ ഖത്തറിൽ ജോലി ചെയ്തുവരികയായിരുന്നു ഭാര്യ ബെംഗ്ലുരിൽ ജോലി ചെയ്യുന്നു കഴിഞ്ഞ ദിവസം ഖത്തറിൽ നിന്നും ബെംഗ്ലൂരിൽ എത്തിയ അശ്വിൻ രാത്രിയിൽ താമസ സ്ഥലത്ത് ആത്മഹത്യ ചെയ്യുകയായിരുന്നു പോസ്റ്റ്മോർട്ട കർമ്മങ്ങൾക്ക് ശേഷം ബോഡി നാട്ടിലേക്ക് കൊണ്ടുപോയി

  തിരുവനന്തപുരം: മുൻ കണ്ണൂർ എഡിഎം നവീൻ ബാബുവിന്റെ മരണത്തിൽ അന്വേഷണം സിബിഐക്ക് വിടും. സംസ്ഥാന സർക്കാർ ഉടൻ വിജ്ഞാപനം ഇറക്കും. നവീൻ ബാബുവിന്റെ കുടുംബത്തിന്റ ആവശ്യം പരിഗണിച്ചാണ് നടപടി. വി.ഡി സതീശൻ സർക്കാർ സിബിഐക്ക് വിടുന്ന ആദ്യ കേസാണിത്. പൊലീസ് കുറ്റപത്രം സമർപ്പിച്ച കേസിൽ പി.പി ദിവ്യയാണ് ഏകപ്രതി.പൊലീസ് സമർപ്പിച്ച കുറ്റപത്രത്തിലെ പഴുതുകൾ ചൂണ്ടിക്കാട്ടി കുടുംബം നൽകിയ ഹരജിയിൽ തലശ്ശേരി അഡീഷണൽ ജില്ലാ സെഷൻസ് കോടതി തുടരന്വേഷണത്തിന് ഉത്തരവിട്ടിരുന്നു. ഹരജി ഭാഗികമായി അംഗീകരിച്ച കോടതി, അന്വേഷണ സംഘം വിട്ടുകളഞ്ഞ നിർണായക ഡിജിറ്റൽ തെളിവുകൾ ശേഖരിക്കാൻ ആവശ്യപ്പെട്ടുഅന്വേഷണ ഉദ്യോഗസ്ഥനായ എസിപി രത്നകുമാറിന് രാഷ്ട്രീയ ബന്ധമുണ്ടെന്നും പ്രതിയെ സംരക്ഷിക്കാനാണ് പൊലീസ് ശ്രമിച്ചതെന്നും നവീൻ ബാബുവിന്റെ ഭാര്യ മഞ്ജുഷ കോടതിയിൽ വാദിച്ചിരുന്നു. പി.പി ദിവ്യയുടെ ഫോൺ കോൾ ലിസ്റ്റ് ഉൾപ്പെടെയുള്ളവ കുറ്റപത്രത്തിനൊപ്പം ഹാജരാക്കാത്തത് ഗൂഢാലോചന മറച്ചുവെക്കാനാണെന്നും കുടുംബം ആരോപിച്ചു. ഈ വാദങ്ങൾ മുഖവിലക്കെടുത്താണ് കോടതിയുടെ പുതിയ നടപടി.

  ബൈക്കും പിക്കപ്പ് വാനും കൂട്ടിയിടിച്ച് ചികിത്സയിലായിരുന്ന യുവാവ് മരിച്ചു ശ്രീകണ്ഠാപുരം :ചെങ്ങളായി വളക്കൈയിൽ ബൈക്കും പിക്കപ്പ് വാനും കൂട്ടിയിടിച്ചു ചികിത്സയിലായിരുന്ന വളക്കൈ സ്വദേശി മരിച്ചു. വളക്കൈ മാടത്താനിക്കുന്നേൽ ഹൗസിൽ എം കെ ഗണേശൻ്റെ മകൻ എം കെ അർജുനാ(23) ണ് മരിച്ചത്. മെയ് 28 ന് പുലർച്ചെ രണ്ടരയോടെയായിരുന്നു അപകടം. വളക്കൈയിൽ നിന്ന് കുറുമാത്തൂരിലേക്ക് പോവുകയായിരുന്ന അർജുൻ സഞ്ചരിച്ച ബൈക്കിൽ എതിരേ വന്ന പിക്കപ്പ് വാൻ ഇടിക്കുകയായിരുന്നു.  ഗുരുതരമായി പരിക്കേറ്റ് കണ്ണൂരിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് മരണം. അമ്മ: തങ്കമണി. സഹോദരി: ആര്യ. സംസ്ക്കാരം നാളെ :തിങ്കൾ 

   മുയ്യം ബൂത്ത്‌ കോൺഗ്രസ് കമ്മിറ്റി സ്ഥാപിച്ച ഫ്ലക്സ് ബോർഡ് ആണ് ഇരുട്ടിന്റെ മറവിൽ സാമൂഹ്യദ്രോഹികൾ നശിപ്പിച്ചത്.

  കാസർഗോഡ് ജില്ലയിലെ കാറഡുക്ക കർമ്മംതൊടിയിൽ നാടിനെയാകെ കണ്ണീരിലാഴ്ത്തിക്കൊണ്ട് അത്യന്തം ദാരുണമായ ഒരു സംഭവം കൂടി ഉണ്ടായിരിക്കുകയാണ്.. നാഗാലാൻഡിൽ ജോലി ചെയ്യുന്ന സൈനികനായ രാജേഷിന്റെ ഭാര്യയും 41 വയസ്സുകാരിയുമായ സൗപർണ്ണികയെയാണ് സ്വന്തം വീട്ടിലെ കിടപ്പുമുറിയിലെ ഫാനിൽ ഷാൾ ഉപയോഗിച്ച് തൂങ്ങിമരിച്ച നിലയിൽ ഇന്നലെ പുലർച്ചെ കണ്ടെത്തിയത്.. വെറും ഒരു മാസം മുൻപ് മാത്രമായിരുന്നു മൂടാക്കുളത്ത് ഇവർ പുതിയതായി പണിത വീടിന്റെ ഗൃഹപ്രവേശന ചടങ്ങ് വളരെ സന്തോഷത്തോടെ നടന്നത്.. ഈ ചടങ്ങിൽ പങ്കെടുക്കാനായി നാട്ടിലെത്തിയ രാജേഷ് പിന്നീട് തിരികെ ജോലിസ്ഥലത്തേക്ക് മടങ്ങിപ്പോയിരുന്നു.. എന്നാൽ , ഭാര്യയുടെ ഈ അപ്രതീക്ഷിത മരണവാർത്ത അറിഞ്ഞ് വലിയ ഞെട്ടലോടെ അദ്ദേഹം ഇപ്പോൾ നാട്ടിലേക്ക് തിരിക്കാനുള്ള ഒരുക്കത്തിലാണ്.. ജീവനൊടുക്കാനുള്ള കാരണം എന്താണെന്ന് ഇതുവരെ വ്യക്തമായിട്ടില്ലാത്ത സാഹചര്യത്തിൽ , സംഭവത്തിൽ ആദൂർ പോലീസ് അസ്വാഭാവിക മരണത്തിന് കേസെടുക്കുകയും വളരെ വിശദമായ അന്വേഷണം ആരംഭിക്കുകയും ചെയ്തിട്ടുണ്ട്.. പോലീസിന്റെ പ്രാഥമിക പരിശോധനയിൽ ആത്മഹത്യാക്കുറിപ്പുകളോ മറ്റു തെളിവുകളോ കണ്ടെത്താൻ കഴിഞ്ഞിട്ടില്ല.. അതേസമയം , കാസർഗോഡ് ജില്ലയിൽ അ...

  കമ്പിൽ:പുതിയ അധ്യയനവർഷത്തിൽ അംഗൻവാടികളിലേക്ക് നവാഗതരായെത്തിയ കുരുന്നുകൾക്ക് സ്നേഹസമ്മാനങ്ങളുമായി ജനപ്രതിനിധി. എടക്കാട് ബ്ലോക്ക് പഞ്ചായത്ത് കമ്പിൽ ഡിവിഷൻ മെമ്പർ പി.കെ.പി. നസീറാണ് തന്റെ ഡിവിഷനിലെ കുട്ടികൾക്ക് സമ്മാനങ്ങൾ നൽകി മാതൃകയായത്. ഡിവിഷൻ പരിധിയിൽ വരുന്ന പാമ്പുരുത്തി, കമ്പിൽ, പന്ന്യങ്കണ്ടി, ചെറുക്കുന്ന്, പാട്ടയം, വളവിൽ ചേലേരി, ചേലേരി സെൻട്രൽ എന്നീ വാർഡുകളിലെ പത്ത് അംഗൻവാടികളിലായി പ്രവേശനം നേടിയ അറുപതോളം കുട്ടികൾക്കാണ് സ്നേഹോപഹാരം വിതരണം ചെയ്തത്. ആദ്യമായി അങ്കണവാടിയുടെ പടികയറിയെത്തുന്ന കുട്ടികളിൽ പഠനാന്തരീക്ഷം കൂടുതൽ മനോഹരമാക്കാനും, വിദ്യാലയങ്ങളോടുള്ള ഭയം മാറ്റി സന്തോഷം ഇരട്ടിയാക്കാനും ഈ വേറിട്ട ഇടപെടലിലൂടെ സാധിച്ചതായി അധ്യാപകരും രക്ഷിതാക്കളും അഭിപ്രായപ്പെട്ടു. കുട്ടികളുടെ മാനസിക ഉല്ലാസത്തിന് മുൻഗണന നൽകിക്കൊണ്ട് ജനപ്രതിനിധി നേരിട്ടെത്തിയാണ് സമ്മാനങ്ങൾ കൈമാറിയത്.

ബംഗളൂരു: കർണാടകയുടെ പുതിയ മുഖ്യ മന്ത്രിയായി ഡി.കെ. ശിവകുമാർ ബുധനാഴ്ച സത്യപ്രതിജ്ഞ ചെയ്‌ത്‌ അധികാരമേൽക്കും. ഡി.കെയോടൊപ്പം പത്ത് മന്ത്രിമാ രും സത്യപ്രതിജ്ഞ ചെയ്‌ത്‌ ചുമതലയേൽ ക്കുമെന്നാണ് റിപ്പോർട്ട്. രണ്ട് ഉപമുഖ്യമന്ത്രി മാർ സർക്കാരിൽ ഉണ്ടാകും.ഉപമുഖ്യമന്ത്രിമാർ ദളിത്, ലിങ്കായത്ത് വിഭാ ഗത്തിൽ നിന്നുള്ളവരാകും. എം.ബി.പാട്ടീ ൽ, രാമലിംഗ റെഡ്ഡി, പ്രിയങ്ക് ഖാർഗെ, ഈ ശ്വർ ഖാന്ദ്രേ, കൃഷ്ണ ബൈരെ ഗൗഡ, സ തീഷ് ജാർക്കിഹോളി, ഡോ.യതീന്ദ്ര സിദ്ധരാമയ്യ എന്നിവരാകും ശിവകുമാറിനൊപ്പം സത്യപ്രതിജ്ഞ ചെയ്യുക. സർക്കാർ രൂപീകരണവുമായി ബന്ധപ്പെട്ട് ഡി.കെ. ശിവകുമാർ രാജ്‌ഭവനിലെത്തി ഗവ ർണറുമായി കൂടിക്കാഴ്‌ച നടത്തി. സത്യപ്രതിജ്ഞാ ചടങ്ങിനായി ജൂൺ മൂന്ന്, അഞ്ച് എന്നീ രണ്ട് തീയതികളാണ് ഡി.കെ. ശിവ കുമാർ ഗവർണർക്ക് മുന്നിൽ നിർദേശിച്ച ത് ഇതിൽ ജൂൺ മൂന്ന് ബുധനാഴ് ചടങ്ങുകൾ നടത്താനാണ് നിലവിൽ ധാരണയായിരിക്കുന്നത്. വിധാൻ സൗധയിലോ ലോക് ഭവ നിലോ സത്യപ്രതിജ്ഞാ ചടങ്ങുകൾ നട ത്താമെന്നും ശിവകുമാർ ഗവർണറെ അറി യിച്ചിട്ടുണ്ട്.

 കോട്ടയാട് മല്ലിക്കുന്നിൽ അനിൽകുമാർ (48) വയസ്സ് നിര്യാതനായി. അച്ചൻ : പരേതനായ ഗോവിന്ദൻ, അമ്മ നാരായണി. ഭാര്യ: റീന (കൊളപ്പ) മകൻ യാദവ്. സഹോദരങ്ങൾ: ഹരിദാസൻ ,അജിത (ചൂളിയാട്), അനിത (മാണിയൂർ), ആനന്ദവല്ലി, (ചുഴലി) സംസ്ക്കാരം 1.00 മണിക്ക് കണ്ടക്കൈ ശാന്തി വനം

  തളിപ്പറമ്പിൽ വീണ്ടും മയക്കുമരുന്ന് വേട്ട 2.1 ഗ്രാം എംഡി എം എയുമായി യുവതിയും യുവാവും എക്സൈസ് പിടിയിൽ  പട്ടുവം കുന്നരു സ്വദേശി മുജീബ് റഹ്മാൻ (33) REAL കർണ്ണാടക കോടേഗര സ്വദേശിനി മൈനാസ് മുഷ്കാൻ ( 23 ) .എന്നിവരെയാണ് തളിപ്പറമ്പ് എക്സൈസ് റേഞ്ച് ഇൻസ്പെക്ടർ ജെ ജോസഫിന്റെ നേതൃത്വത്തിൽ പിടികൂടിയത്.

  തളിപ്പറമ്പ്: തളിപ്പറമ്പില്‍ വന്‍ എം.ഡി.എം.എ വേട്ട, യുവാവ് അറസ്റ്റില്‍. 8818.20 ഗ്രാം എം.ഡി.എം.എ സഹിതം തളിപ്പറമ്പ് സലാമത്ത്‌നഗറിലെ ചുള്ളിയോടന്‍ വീട്ടില്‍ സി. മുഹമ്മദ് ദില്‍ഷാദിനെ (31) ആണ് ലഹരിവിരുദ്ധ സേനയായ ഡാന്‍സാഫും തളിപ്പറമ്പ് പോലീസും സംയുക്തമായി പിടികൂടിയത്. ദില്‍ഷാദിന്റെ വീട്ടില്‍ എം.ഡി.എം.എ സൂക്ഷിച്ചതായി റൂറല്‍ ജില്ല പോലീസ് മേധാവിയുടെ കീഴില്‍ പ്രവര്‍ത്തിക്കുന്ന ഡാന്‍സാഫിന് വിവരം ലഭിച്ചതിന്റെ അിസ്ഥാനത്തില്‍ തളിപ്പറമ്പ് പോലീസ് ഇന്നലെ വൈകുന്നേരം 5.25 നാണ് സലാമത്ത്‌നഗര്‍ മാരിയമ്മന്‍ ചിപ്‌സ് കമ്പനിക്ക് സമീപത്തെ ദില്‍ഷാദിന്റെ വീട്ടിലെത്തിയത്. ദില്‍ഷാദിന്റെ മുറിയില്‍ നടത്തിയ പരിശോധനയില്‍ സിപ്‌ലോക്ക് പാക്കറ്റില്‍ സൂക്ഷിച്ച നിലയില്‍ എം.ഡി.എം.എ കണ്ടെത്തിയ മൈസൂരില്‍ പോയപ്പോള്‍ വാങ്ങിയതാണെന്നാണ് ഇയാള്‍ പോലീസിനോട് പറഞ്ഞത്. എം.ഡി.എം.എ തൂക്കാന്‍ ഉപയോഗിക്കുന്ന വെയിംഗ് മെഷീനും 2,26,000 രൂപയും പോലീസ് പരിശോധനയില്‍ പിടിച്ചെടുത്തു. അടുത്തകാലത്ത് തളിപ്പറമ്പില്‍ നിന്നും പിടികൂടിയ വലിയ അളവിലുള്ള എം.ഡി.എം.എ വേട്ടയാണിത്.

  പാപ്പിനിശ്ശേരിയിൽ കാറപകടം. ഇന്നലെ രാത്രി ബലിയപട്ടം ടൈൽസിന് മുൻവശം അതിവേഗത്തിൽ വന്ന കാർ ഇലക്ട്രിക് പോസ്റ്റിൽ ഇടിച്ച് അപകടം സംഭവിച്ചു. ഇലക്ട്രിക് പോസ്റ്റ്‌ മുറിഞ്ഞു പോയി. ആളപായം ഉണ്ടായിട്ടില്ല.

  കൊച്ചി: മുന്‍ എംപിയും കോണ്‍ഗ്രസ് നേതാവുമായ കെ പി ധനപാലന്‍ (76) അന്തരിച്ചു. ശാരീരിക അസ്വസ്ഥതകളെ തുടര്‍ന്ന് വടക്കന്‍ പറവൂരിലെ സ്വകാര്യ ആശുപത്രിയില്‍ ചികിത്സയിലിരിക്കെ ഇന്ന് പുലര്‍ച്ചെയായിരുന്നു അന്ത്യം. ഭൗതികദേഹം പൊതുദര്‍ശനത്തിന് ശേഷം പറവൂരിലെ വസതിയില്‍ സംസ്‌കരിക്കും. 2009ല്‍ ചാലക്കുടി ലോക്‌സഭാ മണ്ഡലത്തെ പ്രതിനിധീകരിച്ചാണ് പാര്‍ലമെന്റിലെത്തിയത്. 2014ല്‍ തൃശ്ശൂര്‍ മണ്ഡലത്തിലും മത്സരിച്ചിട്ടുണ്ട്. കെപിസിസി സെക്രട്ടറി, ജനറല്‍ സെക്രട്ടറി, വൈസ് പ്രസിഡന്റ് എന്നീ പദവികള്‍ വഹിച്ചു. സംസ്ഥാന ക്ഷീരകര്‍ഷക ക്ഷേമനിധി ബോര്‍ഡ് ചെയര്‍മാന്‍ (2005-2006), നോര്‍ത്ത് മലബാര്‍ ഗ്രാമീണ്‍ ബാങ്ക് ഡയറക്ടര്‍ (2007-2009), കൊച്ചിന്‍ യൂണിവേഴ്‌സിറ്റി സെനറ്റ് മെമ്പര്‍ എന്നീ നിലകളില്‍ പ്രവര്‍ത്തിച്ചിട്ടുണ്ട്.

  കൊച്ചി: കൊച്ചി: മുന്‍ മന്ത്രിയും കേരള കോണ്‍ഗ്രസ് ഡെപ്യൂട്ടി ചെയര്‍മാനുമായ ടി യു കുരുവിള അന്തരിച്ചു. 89 വയസായിരുന്നു. കൊച്ചിയിലെ സ്വകാര്യ ആശുപത്രിയില്‍ ഇന്ന് രാത്രി 9.15ഓടെയായിരുന്നു അന്ത്യം. മെയ് പന്ത്രണ്ടിന് ശ്വാസതടസ്സം അടക്കമുള്ള ആരോഗ്യ പ്രശ്‌നങ്ങളെ തുടര്‍ന്നാണ് ടി യു കുരുവിളയെ ആശുപത്രിയില്‍ പ്രവേശിപ്പിച്ചത്. തീവ്രപരിചരണ വിഭാഗത്തില്‍ ചികിത്സയില്‍ കഴിയവെയാണ് അന്ത്യം. 2006ലെ വി എസ് മന്ത്രിസഭയില്‍ പൊതുമരാമത്ത് മന്ത്രിയായിരുന്നു ടി യു കുരുവിള 1936 ഓഗസ്റ്റ് പതിമൂന്നിന് ഉതുപ്പ്-മറിയം ദമ്പതികളുടെ മകനായി കോതമംഗലത്തെ ഊഞ്ഞാപ്പാറയിലായിരുന്നു കുരുവിളയുടെ ജനനം. 1964 മുതല്‍ 1978 വരെ കീരമ്പാറ പഞ്ചായത്ത് പ്രസിഡന്റായിരുന്നു. പ്ലാന്റേഷന്‍ കോര്‍പ്പറേഷന്‍ ഓഫ് കേരള ചെയര്‍മാന്‍ (1982-1987), കേരള സംസ്ഥാന ഭവന നിര്‍മ്മാണ ബോര്‍ഡ് (കെഎസ്എച്ച്ബി) ചെയര്‍മാന്‍, എക്‌സിക്യൂട്ടീവ് ഡയറക്ടര്‍ (1996-2001), റബ്ബര്‍ ബോര്‍ഡ് ഓഫ് ഇന്ത്യ അംഗം (19831987) എന്നീ ചുമതലകള്‍ വഹിച്ചു. 1977 മുതല്‍ 1989 വരെ കേരള കോണ്‍ഗ്രസിന്റെ സംസ്ഥാന ട്രഷററായും, 1989 മുതല്‍ 1992 വരെ സംസ്ഥാന സെക്രട്ടറിയായും പ്രവര്‍ത്തിച്ചു.

  കുറ്റ്യാട്ടൂർ:  ചട്ടുകപ്പാറ ഗവ. ഹയർ സെക്കൻഡറി സ്കൂളിന് സമീപത്തെ പൂഴിയിൽ ഹൗസിൽ പി ശ്രീലത(73) മരിച്ച വിവരം ലഭിച്ചു.

ചുങ്കം ഹൈവേ റോഡിന് സമീപം താമസിക്കുന്ന റഫീഖ്.എ. എന്നവരുടെ ഭാര്യ ഷരീഫ നിര്യാതയായി. റംഷിദ്, റഹീസ്, റാഷിദ്, റംസീന എന്നിവർ മക്കളാണ്. ജമാതാവ് മുസ്തഫ. കബറടക്കം വൈകിട്ട് കാട്ടിലെ പള്ളി കബർസ്ഥാനിൽ.

മയ്യിൽ: പെരുന്നാൾ ദിനത്തിൽ റോഡരികിൽ നിർത്തിയിട്ട സ്‌കൂട്ടറിന് സമീപം നിൽക്കുകയായിരുന്ന കുടുംബത്തിനു നേരെ മിനിലോറി ഇടിച്ചുകയറി നാല് വയസ്സുകാരിക്ക് ദാരുണാന്ത്യം. മാതാപിതാക്കൾക്ക് ഗുരുതരമായി പരിക്കേറ്റു. പാവന്നൂർ മൊട്ട പാവന്നൂർ കടവിലെ തശ്‌രീഫ (4) ആണ് മരിച്ചത്. കുട്ടിയുടെ പിതാവ് ഇരിക്കൂർ ദാറുൽ അമാനിലെ പി.കെ. സാജിദ് (46), മാതാവ് പാവന്നൂർ കടവിലെ എ.കെ. മൈമൂനത്ത് (39) എന്നിവർക്കാണ് ഗുരുതരമായി പരിക്കേറ്റിട്ടുള്ളത്. ഇന്നലെ രാത്രി 8.20 മണിയോടെ പാവന്നൂർ കടവിലായിരുന്നു അപകടം നടന്നത്. മൂവരും നിർത്തിയിട്ട സ്‌കൂട്ടറിന് സമീപം നിൽക്കുകയായിരുന്നു. ഈ സമയത്ത് തെറ്റായ ദിശയിൽ അമിതവേഗതയിൽ വന്ന കെ.എൽ. 59 4847 നമ്പർ മിനിലോറി ഇവരെ ഇടിച്ചു തെറിപ്പിക്കുകയായിരുന്നു. ഗുരുതരമായി പരിക്കേറ്റ മൂന്നു പേരെയും ഉടൻ തന്നെ കണ്ണൂരിലെ കിംസ് ശ്രീചന്ദ് ആശുപത്രിയിൽ എത്തിച്ചുവെങ്കിലും രാത്രി 10 മണിയോടെ തശ്‌രീഫ മരണത്തിന് കീഴടങ്ങി. മാതാപിതാക്കൾ നിലവിൽ തീവ്രപരിചരണ വിഭാഗത്തിൽ (ICU) ചികിത്സയിലാണ്. അപകടവിവരമറിഞ്ഞ് മയ്യിൽ പോലീസ് സ്ഥലത്തെത്തുകയും അപകടം വരുത്തിയ വാഹനം കസ്റ്റഡിയിലെടുക്കുകയും ചെയ്തു. മിനിലോറി ഡ്രൈവർക്കെതിരെ മനപ്പൂർവ്വമല്ലാത്ത ...

  കരിമ്പം: നൃത്താധ്യാപികയായ കരിമ്പത്തെ നവവധുവിനെ ഭർതൃവീട്ടിലെ കിടപ്പുമുറിയിലെ ജനല്‍കമ്പിയില്‍ തൂങ്ങിമരിച്ച നിലയിൽ കണ്ടെത്തിയ സംഭവത്തിൽ തളിപ്പറമ്പ് പൊലിസ് അസ്വാഭാവിക മരണത്തിന് കേസെടുത്ത് അന്വേഷണമാരംഭിച്ചു. കരിമ്പത്തെ ആകാശ്‌മോഹന്റെ ഭാര്യയും രമേശന്‍-താര ദമ്പതികളുടെ മകളുമായ സാന്ദ്രതാര(22) യാണ് മരിച്ചത്. ഇന്നലെ വൈകുന്നേരം അഞ്ചരയോടെയാണ് യുവതിയെ മരിച്ച നിലയില്‍ കണ്ടെത്തിയത്. നാലുമാസം മുമ്പാണ് വിവാഹിതയായത്. മൃതദേഹം പരിയാരം കണ്ണൂര്‍ ഗവ.മെഡിക്കല്‍ കോളേജ് മോര്‍ച്ചറിയിലലേക്ക് മാറ്റി. കൊല്ലം സ്വദേശികളായ സാന്ദ്രതാരയുടെ കുടുംബം നേരത്തെ തളിയില്‍ താമസക്കാരായിരുന്നു.ഇപ്പോള്‍ ബാവുപ്പറമ്പിലാണ് താമസം. തളിപ്പറമ്പ് പൊലീസ് ഇൻക്വസ്റ്റ് നടത്തി അസ്വാഭാവിക മരണത്തിന് കേസെടുത്ത് അന്വേഷണം ഊർജ്ജിതമാക്കിയിട്ടുണ്ട്.

  കണ്ണൂർ: കണ്ണൂർ സിറ്റി സ്വദേശി മസ്കറ്റിൽ ഹൃദയഘാതത്തെ തുടർന്ന് മരിച്ചു. കുറുവ സബീനാസിൽ അമീറലി (33) ആണ് മരിച്ചത്. മുസ് ലിം ലീഗ് എടക്കാട് നോർത്ത് കമ്മിറ്റി പ്രസിഡന്റ് മുസ്തഫ ഹാജിയുടെയും മറിയംബിയുടെയും മകനാണ്. ഭാര്യ: മുർഷിദ.( കമ്പിൽ: കുമ്മായക്കടവ് ) ഏക മകൾ: മൂന്ന് വയസ്സുകാരി അംറ മറിയം.  സഹോദരങ്ങൾ: ഷഹീദ്, നൗഷാദ്, ഷരീഫ്, സബീന. ഖബറടക്കം നാളെ (വെള്ളി) രാവിലെ 11 മണിക്ക് മൈതാനപ്പള്ളി ഖബർസ്ഥാനിൽ.

  കണ്ണൂർ സിറ്റി മൈദാനി പള്ളിക്ക് സമീപം റിയാസ് 46 വയസ്സ് നിര്യാതനായി. ( ഹൃദയാഘാതം) പിതാവ് : പരേതനായ അഹമ്മദ്. മാതാവ് : ആയിഷ  ഭാര്യ :നൂർജ  മക്കൾ : റുമാന, ഷംസീർ, റിയ സഹോദരങ്ങൾ : സഹീറ. റഷീദ്. നൗഷാദ്. ഫൈസൽ. കബറടക്കം : ഇന്ന് രാത്രി.

കക്കാട് : കുഞ്ഞിപ്പള്ളി പഴയ ഗായത്രി ടാകിസിനു സമീപം കെ വി ഹൗസിൽ താമസിക്കുന്ന നിസാർ - ജമീല ദമ്പതികളുടെ മകൻ ഫജാസ് കെ വി മരണപെട്ടു അസുഖ ബാധിതനായി ചികിത്സയിലായിരുന്നു. മയ്യിത്ത് നിസ്കാരം വൈകുന്നേരം 5 മണിക്ക് ശാദുലിപള്ളി ജുമാ മസ്ജിദ് ശേഷം ഖബറടക്കം കക്കാട് ജുമാ മസ്ജിദ് ഖബ്ർസ്ഥാനിൽ നടന്നു.

  മലപ്പുറം : കണ്ണൂർ ജില്ലയിലെ പാമ്പുരുത്തി ദ്വീപിനെ മടത്തികൊവ്വലുമായി ബന്ധിപ്പിക്കുന്ന പുതിയ പാലം യാഥാർത്ഥ്യമാക്കണമെന്ന് ആവശ്യപ്പെട്ടുകൊണ്ട് പാമ്പുരുത്തി ശാഖ മുസ് ലിം ലീഗ് നേതാക്കൾ പൊതുമരാമത്ത് വകുപ്പ് മന്ത്രി പി.കെ ബഷീറിന് നിവേദനം നൽകി. പുതിയ പാലത്തിന്റെ നിർമാണവുമായി ബന്ധപ്പെട്ട് നേരത്തേ സാധ്യത പഠനം നടത്തുകയും നാട്ടുകാർ സ്ഥലം വിട്ടുനൽകുകയും ചെയ്തിരുന്നു. എന്നാൽ ഫണ്ട് ലഭ്യമല്ലെന്ന് ചൂണ്ടിക്കാട്ടി പദ്ധതി പാതി വഴിയിൽ കുടുങ്ങിക്കിടക്കുകയായിരുന്നു.  യു.ഡി.എഫ് സർക്കാർ അധികാരത്തിൽ തിരിച്ചെത്തിയതോടെ പുതിയ പാലം എന്ന സ്വപ്നം യഥാർത്യമാകുമെന്ന പ്രതീക്ഷയിലാണ് നാട്ടുകാർ. പുതിയ പാലത്തിന്റെ ആവശ്യകതയെ കുറിച്ച് മന്ത്രിയെ നേതാക്കൾ ബോധ്യപ്പെടുത്തി. പാലം നിർമാണം അനുഭാവപ്പൂർവം പരിഗണിക്കാമെന്ന് മന്ത്രി ഉറപ്പു നൽകി. മുസ് ലിം ലീഗ് കൊളച്ചേരി പഞ്ചായത്ത് പ്രസിഡണ്ട് എം അബ്ദുൽ അസീസ്, പാമ്പുരുത്തി ശാഖ പ്രസിഡണ്ട് എം ആദം ഹാജി, ജനറൽ സെക്രട്ടറി കെ.പി അബ്ദുൽസലാം, കൊളച്ചേരി പഞ്ചായത്ത് യു.ഡി.എഫ് കൺവീനർ മൻസൂർ പാമ്പുരുത്തി, യൂത്ത് ലീഗ് പഞ്ചായത്ത് ജനറൽ സെക്രട്ടറി കെ.സി മുഹമ്മദ് കുഞ്ഞി, എം അനീസ് മാസ്റ്റർ എന്നിവർ നിവേ...

  കാസർകോട്: ആദൂർ പള്ളപ്പാടിയിൽ ഭർതൃവീട്ടിൽ യുവതി ആത്മഹത്യ ചെയ്തു. കർണാടക പുത്തൂർ സ്വദേശി സെറീന (27)യെ ആണ് ഭർതൃവീട്ടിൽ തൂങ്ങിമരിച്ച നിലയിൽ കണ്ടെത്തിയത്. സംഭവത്തിൽ ഭർതൃമാതാവിനെതിരെ ആരോപണവുമായി യുവതിയുടെ കുടുംബം രം​ഗത്തെത്തി. കുട്ടികൾ ഉണ്ടാകത്തതിന്റെ പേരിൽ ഭർതൃമാതാവിന്റെ മാനസിക പീഡനം ഉണ്ടായിരുന്നു എന്ന് യുവതിയുടെ കുടുംബം ആരോപിച്ചു.ഭർത്താവിനോടൊപ്പം താമസിക്കുന്ന സെറീനയെ പള്ളപ്പാടിയിലെ വീടിനോട് ചേർന്നുള്ള ഷെഡിലാണ് കെട്ടിത്തൂങ്ങിയ നിലയിൽ കണ്ടെത്തിയത്. ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആൾക്കാരുടെ മുന്നിൽ അപമാനിക്കാറുണ്ടെന്നും പരാതിയുണ്ട്. മാനസിക പീഡനം സഹിക്കാതെ വന്നതോടെയാണ് ആത്മഹത്യ ചെയ്തതെന്ന് സെറീനയുടെ സഹോദരൻ അബ്‌ദുൾ റഹ്മാൻ പറഞ്ഞു.മരണത്തിൽ ദുരൂഹത ഉണ്ടെന്നു ചൂണ്ടിക്കാട്ടി ആദൂർ പോലീസിൽ പരാതി നൽകി.സെറീന മരണപ്പെട്ട വിവരം ഭർത്താവിന്റെ വീട്ടുകാരാണ് ഫോൺ മുഖേന യുവതിയുടെ ബന്ധുക്കളെ അറിയിച്ചത്. സംഭവത്തിൽ ആദൂർ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. ഇൻക്വസ്റ്റ് നടപടികൾക്ക് ശേഷം മൃതദേഹം കാസർകോട് ജനറൽ ആശുപത്രിയിൽ പോസ്റ്റ്മോർട്ടം നടത്തി.

  ആലുവ :പെരുമ്പാവൂരില്‍ പരസ്യ ചിത്രീകരണത്തിന് എത്തിയ മോഡല്‍ മുങ്ങി മരിച്ചു. ഡല്‍ഹി അംബേദ്കര്‍ നഗര്‍ സ്വദേശി ദിയാന്‍ഷു ജോഷിയാണ് മരിച്ചത്. പാറമടയിലെ വെള്ളക്കെട്ടില്‍ നീന്താന്‍ ശ്രമിക്കുന്നതിനിടയിലായിരുന്നു അപകടം. ഡല്‍ഹി കേന്ദ്രീകരിച്ച് പ്രവര്‍ത്തിക്കുന്ന തുണിമിലിന്റെ പരസ്യ ചിത്രീകരണത്തിനാണ് പെരുമ്പാവൂരില്‍ എത്തിയത്. മൃതദേഹം പെരുമ്പാവൂര്‍ താലൂക്ക് ആശുപത്രി മോര്‍ച്ചറിയിലേക്ക് മാറ്റി. ഇതിന് മുന്‍പും ഇതേ പാറമടയില്‍ യുവാക്കള്‍ മരിച്ച സംഭവങ്ങള്‍ ഉണ്ടായിട്ടുണ്ട്. തുടർന്ന് പാറമടയിലേക്കുള്ള പ്രവേശനം നിരോധിച്ചിരുന്നു.

  കൊല്ലം: മുൻ മന്ത്രി വീണാ ജോർജുംകുടുംബവുംസഞ്ചരിച്ചിരുന്നകാർഅപകടത്തിൽപ്പെട്ടു. കൊല്ലം മടത്തറക്ക് സമീപമാണ് സംഭവം. പത്തനംതിട്ടയിൽ നിന്നു തിരുവനന്തപുരത്തേക്ക് യാത്ര ചെയ്യുന്നതിനിടയിലാണ് അപകട‌മുണ്ടായത്. കനത്ത മഴയെ തുടർന്ന് വാഹനം തെന്നി മാറിയതാണ് അപകടകാരണം.നിയന്ത്രണംവിട്ട കാർ സമീപത്തു പാർക്ക് ചെയ്തിരുന്ന ഒരു ബൈക്കിൽ ഇടിക്കുകയും തുടർന്ന് അടുത്തുള്ള ഒരു പോസ്റ്റിൽ ഇടിച്ചുനിൽക്കുകയുമായിരുന്നു. വീണാജോർജുംകുടുംബാംഗങ്ങളുംനിസാരപരിക്കുകളോടെ രക്ഷപെട്ടു. നിലവിൽ കുടുംബംമറ്റൊരുവാഹനത്തിൽ തിരുവനന്തപുരത്തേക്ക് പുറപ്പെട്ടു.

  ബെംഗളൂരു :മലയാളി അഭിഭാഷകയെ മത്തിക്കരെയിലെ താമസസ്ഥലത്ത് മരിച്ച നിലയിൽ കണ്ടെത്തി. അങ്കമാലി തെക്കേടത്ത് വീട്ടിൽ ജോയിയുടെ മകൾ അനുഷ ജോയ് (28) ആണ് മരിച്ചത്. 2 മാസം മുൻപാണ് ഇവർ ബെംഗളൂരുവിലെത്തിയത്. മരണത്തിൽ ദുരൂഹത ആരോപിച്ച് കുടുംബം യശ്വന്തപുര പൊലീസിൽ പരാതി നൽകി. മൃതദേഹം എം.എസ് രാമയ്യ മെഡിക്കൽ കോളജിൽ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടു നൽകി. മാതാവ്: ലിൻസി.

  കണ്ണൂര്‍ : പ്രതിപക്ഷ നേതാവ് പിണറായി വിജയന്റെ കണ്ണൂരിലെ വീട്ടിലെയും മുന്‍ മന്ത്രി പി എ മുഹമ്മദ് റിയാസിന്റെയും വീടുകളില്‍ എന്‍ഫോഴ്‌സ്‌മെന്റ് ഡയറക്ടറേറ്റ് നടത്തിയ റെയ്ഡ് അവസാനിച്ചു.റെയ്ഡ് വിവരമറിഞ്ഞ് കണ്ണൂരില്‍ പിണറായിയുടെ വീടിന് മുന്നിലെത്തിയ സിപിഎം പ്രവര്‍ത്തകര്‍ ഇഡി ഉദ്യോഗസ്ഥരേയും സുരക്ഷാ ഉദ്യോഗസ്ഥരേയും കൂവി വിളിച്ചു. ഉദ്യോഗസ്ഥരുടെ വാഹനം സിപിഎം പ്രവര്‍ത്തകര്‍ അടിച്ചു തകര്‍ത്തു. ഇ ഡിയുടെ മൂന്ന്വാഹനങ്ങളുടെയും ചില്ലുകള്‍ പൂര്‍ണമായി തകര്‍ത്തു കോഴിക്കോട് മുഹമ്മദ് റിയാസിന്റെ വീടിന് മുന്നിലെത്തിയ സിപിഎം പ്രവര്‍ത്തകര്‍ ഇഡി ഉദ്യോഗസ്ഥരുടെ കാര്‍ തടഞ്ഞെങ്കിലും നേതാക്കള്‍ ഇടപെട്ട് പിന്തിരിപ്പിക്കുകയായിരുന്നു. അതേ സമയം പിണറായി വിജയന്റെ തിരുവനന്തപുരത്തെ വീട്ടില്‍ റെയ്ഡ് തുടരുകയാണ്. ഇരുവരുടേയും വസതികളടക്കം 12 ഓളം ഇടങ്ങളില്‍ ഇഡി റെയ്ഡ് നടത്തുന്നുണ്ട്. ഇന്ന് രാവിലെ ആറ് മണിയോടെയാണ് റെയ്ഡ് ആരംഭിച്ചത്.

കണ്ണൂർ: കണ്ണൂർ നഗരത്തിൽ ബസും സ്‌കൂട്ടറും കൂടിയിടിച്ച് വിദ്യാർത്ഥി മരിച്ചു. കണ്ണൂർ സിറ്റി നീർച്ചാൽ സ്വദേശിയും ഇപ്പോൾ തോട്ടട വട്ടക്കുളം ഹൈറൂസ് നിവാസിൽ താമസക്കാരനുമായ മുഹമ്മദ് റാഷിദിൻ്റെ മകൻ പി മുഹമ്മദ് റബീഹ് (17) ആണ് മരിച്ചത്. ഇന്നലെ രാത്രി 9 മണിയോടെ കണ്ണൂർ നഗരത്തിൽ ആശീർവാദ് ആശുപത്രിക്ക് സമീപമായിരുന്നു അപകടം. റബീഹിനൊപ്പം സ്‌കൂട്ടറിൽ യാത്ര ചെയ്ത സുഹൃത്ത് ഫെബിനും അപകടത്തിൽ പരിക്കേറ്റു.

   കോഴിക്കോട്: പന്തീരാങ്കാവില്‍ വിദ്യാര്‍ഥി സ്വയം വെടിവച്ച് ജീവനൊടുക്കി. മനാല്‍ ഹൗസില്‍ കാര്‍ത്തിക് ആണ് മരിച്ചത്. 21വയസ്സായിരുന്നു. ഉടന്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഇന്നലെ രാത്രിയായിരുന്നു സംഭവം. വീടിന്റെ മുകള്‍ നിലയില്‍ നിന്ന് വിദ്യാര്‍ഥി സ്വയം ജീവനൊടുക്കുകയായിരുന്നെന്ന് പൊലീസ് പറഞ്ഞു. കാര്‍ത്തിക് തൊണ്ടയാട് റൈഫിള്‍ ക്ലബില്‍ അംഗമാണ്. എന്താണ് ആത്മഹത്യയിലേക്ക് നയിച്ച കാര്യമെന്ന് വ്യക്തമല്ല. പൊലീസ് വീട്ടിലെത്തി പ്രാഥമിക പരിശോധന നടത്തി. മൃതദേഹം പോസ്റ്റ്‌മോര്‍ട്ടം നടപടികള്‍ക്കായി കോഴിക്കോട് മെഡിക്കല്‍ കോളജിലേക്ക് മാറ്റി. ഇന്ന് പോസ്റ്റ് മോര്‍ട്ടം നടപടികള്‍ക്ക് ശേഷം മൃതദേഹം ബന്ധുക്കള്‍ക്ക് വിട്ടുനല്‍കുമെന്ന് പൊലീസ് അറിയിച്ചു

മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയന്റെ വീട്ടിൽ ഇഡി റെയ്ഡ്. സിഎംആർഎൽ-എക്സാലോജിക് സാമ്പത്തിക ഇടപാട് കേസുമായി ബന്ധപ്പെട്ടാണ് റെയ്ഡ് നടക്കുന്നത്. പിണറായി വിജയന്റെ തിരുവനന്തപുരത്തെ വാടക വീടും കണ്ണൂരിലെ വീടും സിഎംആർഎൽ ഓഫീസും ഉൾപ്പെടെ 12 ഇടങ്ങളിലാണ് ഇഡി ഉദ്യോഗസ്ഥർ പരിശോധന നടത്തുന്നത്. കേസിൽ ഇഡി അന്വേഷണം തുടരാമെന്ന് ഹൈക്കോടതി ഉത്തരവ് പുറപ്പെടുവിച്ചിരുന്നു. ഇതിന് പിന്നാലെയാണ് ഇഡിയുടെ നടപടി. സിഎംആർഎൽ എംഡി ശശിധരൻ കർത്തയുടെ വീട്ടിലും റെയ്ഡ് നടക്കുന്നുണ്ടെന്നാണ് വിവരം.

  അഞ്ചലിൽ സിവിൽ പോലീസ് ഓഫീസറുടെ ബൈക്ക് കത്തിച്ച സംഭവത്തിൽ രണ്ട് യുവതികൾ പിടിയിൽ. ശൂരനാട് സ്വദേശിനി ആരതി, സുഹൃത്തായ ഇടുക്കി സ്വദേശിനി ഗായത്രി എന്നിവരെയാണ് പോലീസ് പിടികൂടിയത്. തിരുവനന്തപുരത്ത് എൻട്രൻസ് കോച്ചിംഗിന് പഠിക്കുന്നവരാണ് ഇരുവരും. ഇതിനിടെ, പോലീസ് കസ്റ്റഡിയിലിരിക്കെ പ്രതിയായ ആരതി വിഷം കഴിച്ചു. ഇവരെ പാരിപ്പള്ളി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ആറന്മുള സ്റ്റേഷനിലെ സിപിഒ ആയ വിവേകിന്റെ ബൈക്കാണ് കഴിഞ്ഞ ശനിയാഴ്ച വീട്ടുമുറ്റത്ത് കത്തിയ നിലയിൽ കണ്ടെത്തിയത്. വിവേകും ആരതിയും തമ്മിലുള്ള വിവാഹനിശ്ചയം കഴിഞ്ഞിരുന്നതാണെങ്കിലും പിന്നീട് ഈ വിവാഹം മുടങ്ങിയിരുന്നു. ഒത്തുപോകാൻ കഴിയില്ലെന്ന് മനസ്സിലാക്കി വിവേക് വിവാഹത്തിൽ നിന്ന് പിന്മാറുകയും നഷ്ടപരിഹാരം നൽകുകയും ചെയ്തിരുന്നു. എന്നാൽ ഇതിലുള്ള വൈരാഗ്യമാണ് ബൈക്ക് കത്തിക്കാൻ ആരതിയെ പ്രേരിപ്പിച്ചത്. കേസ് രാഷ്ട്രീയ അക്രമമാണെന്ന് വരുത്തിത്തീർക്കാനാണ് പ്രതികൾ ശ്രമിച്ചത്. മൂന്ന് വർഷം മുൻപ് പുനലൂർ കോളേജിലെ കെഎസ്‌യു പ്രവർത്തകരെ വിവേക് ഉൾപ്പെടെയുള്ള പോലീസ് സംഘം ലാത്തിച്ചാർജ് ചെയ്തിരുന്നു. ഇതിന്റെ പ്രതികാരമായാണ് ബൈക്ക് കത്തിച്ചതെന്ന് വ്യക്തമാക്കുന്...

 കക്കാട് കുഞ്ഞിപ്പള്ളി ബത്തക്കപാലത്തിന് സമീപം ഷഫീനാസിൽ സി ബി മുസ്തഫ (81) നിര്യാതനായി.  പരേതരായ കെ ടി സി ഇബ്രാഹിം കുട്ടി - സി ബി ഫാത്തിമ ദമ്പതികളുടെ മകനാണ് . ഭാര്യ പരേതയായ വണ്ണത്താങ്കണ്ടി ഖദീജ. മക്കൾ അബ്ദുൽ റഷീദ്, മനാഫ്, സാദിഖ് (മൂവരും ദോഹ) സഫൂറ സമീറ, റൈഹാനത്ത്, ഫസീന മരുമക്കൾ പി എ ബഷീർ, അബ്ദുൽ റഷീദ്, മുഹമ്മദ് ഷാഫി(ഖത്തർ) സിദ്ദീഖ് ജിദ്ദ, ഹനീസ, സഹല, ഫാത്തിമ , . ഖബറടക്ക വിവരങ്ങൾ അറിവായിട്ടില്ല. സഹോദരങ്ങൾ സി ബി ഖാലിദ് (പ്രസിഡന്റ്, കക്കാട് തഹ്ദീബുൽ ഇസ്ലാബ്‌ സഭ, റിട്ട. സീനിയർ സൂപ്രണ്ട്, സർ സയിദ് കോളേജ്, തളിപ്പറമ്പ) അബ്ദുൽ ഖാദർ, മഹമൂദ്, അഹമ്മദ് കുഞ്ഞി, അബ്ദുൽ ജബ്ബാർ ടി പി (അബുദാബി) ശരീഫ, ഷറഫുന്നിസ, സാറൂമ്മ , പരേതരായ സി ബി ഹമീദ്, അബ്ദുല്ല,

മാനന്തവാടി:സംസ്ഥാനത്ത് വീണ്ടും കാട്ടാന ആക്രമണം. വയനാട് മേപ്പാടിയിൽ കാട്ടാന ആക്രമണത്തിൽ സ്ത്രീ കൊല്ലപ്പെട്ടു. പുത്തുമല സ്വദേശി ജെസ്സിയാണ് മരിച്ചത്. ഭർത്താവുമായി സ്കൂട്ടറിൽ പോകുമ്പോഴാണ് കാട്ടാന ആക്രമിച്ചത്. മേപ്പാടി കള്ളാടിയിൽ വച്ചാണ് കാട്ടാന ആക്രമണമുണ്ടായത്. ഇവരുടെ ഭർത്താവ് ഷാജിക്കും പരിക്കേറ്റു. സംഭവത്തെ തുടർന്ന് വനംവകുപ്പ് ഉദ്യോഗസ്ഥരും പൊലീസും സ്ഥലത്തെത്തി തുടർനടപടികൾ സ്വീകരിച്ചു. പ്രദേശത്ത് മനുഷ്യ-മൃഗ സംഘർഷം പതിവാകുകയാണെന്നും, ജനങ്ങളുടെ ജീവന് സംരക്ഷണം നൽകാൻ വനംവകുപ്പ് അടിയന്തര നടപടികൾ സ്വീകരിക്കണമെന്നും നാട്ടുകാർ നേരത്തെയും ആവശ്യപ്പെട്ടിരുന്നു.

 പയ്യാവൂര്‍: പൈസക്കരി ടൗണിലുണ്ടായ വാഹനാപകടത്തില്‍ കോളജ് വിദ്യാര്‍ത്ഥിക്ക് ദാരുണാന്ത്യം. കുടിയാന്മല പൊന്മലയിലെ തട്ടുകുന്ന് തേവരയില്‍ ആല്‍ബിന്‍ ടി. വിത്സണ്‍ (19) ആണ് മരിച്ചത്. പൈസക്കരി ദേവമാതാ ആര്‍ട്‌സ് ആന്‍ഡ് സയന്‍സ് കോളജില്‍ ഒന്നാം വര്‍ഷ ബി.സി.എ വിദ്യാര്‍ത്ഥിയാണ് ആല്‍ബിന്‍. ഇന്ന് (ചൊവ്വ) രാവിലെ പത്തോടെ ബൈക്കില്‍ കോളജിലേക്ക് വരുമ്പോള്‍ ടോറസ് ലോറിയുടെ അടിയില്‍പെട്ടാണ് അപകടമെന്ന് ദൃക്‌സാക്ഷികള്‍ പറഞ്ഞു.

  തിരുവനന്തപുരം: സംസ്ഥാനത്തെ പ്ലസ് ടു പരീക്ഷാഫലം ഇന്ന് പ്രഖ്യാപിക്കും. വൈകീട്ട് മൂന്ന് മണിക്ക് സെക്രട്ടറിയേറ്റിലെ പി ആര്‍ ഡി ചേംബറില്‍ വിദ്യാഭ്യാസ മന്ത്രി എന്‍ ഷംസുദ്ദീനാണ് പ്രഖ്യാപനം നടത്തുക. രണ്ടാം വര്‍ഷ ഹയര്‍സെക്കന്‍ഡറി ഫലത്തിനൊപ്പം വൊക്കേഷണല്‍ ഹയര്‍സെക്കന്‍ഡറി പരീക്ഷാഫലവും അറിയാനാകും. വിവിധ വെബ്സൈറ്റുകളിലും മൊബൈല്‍ ആപ്ലിക്കേഷനുകള്‍ വഴിയും ഫലം ലഭ്യമാകും.  *ഈ വെബ്സൈറ്റുകൾ വഴി ഫലമറിയാം*  nammudekeralam.kerala.gov.in www.results.hse.kerala.gov.in

  ആലപ്പുഴ: ഹരിപ്പാട് താലൂക്ക് ആശുപത്രിയിൽ വയറു വേദനയെ തുടർന്നു എത്തിയ യുവതി ശുചിമുറിയിൽ പ്രസവിച്ചു. പ്രസവത്തിനു പിന്നാലെ യുവതി കുഞ്ഞിനെ വെന്റിലേഷനിലൂടെ പുറത്തേക്കെറിഞ്ഞു. കുഞ്ഞിന്റെ കരച്ചിൽ കേട്ട് ജീവനക്കാരെത്തി പരിശോധിച്ചപ്പോഴാണ് സംഭവം പുറത്തറിഞ്ഞത് അവിവാഹിതയായ പത്തൊൻപതുകാരി വീട്ടുകാർക്കൊപ്പമാണ് ആശുപത്രിയിൽ എത്തിയത്. യുവതിയേയും കുഞ്ഞിനേയും ആലപ്പുഴ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു

  കണ്ണൂർ: കടന്നൽക്കുത്തേറ്റ് ചികിത്സയിലായിരുന്നയാൾ മരിച്ചു. പയ്യാവൂർ മുത്താറിക്കുളം പുളിമൂട്ടിൽ ശശി (65)യാണ് മരിച്ചത്. ശനിയാഴ്ചയാണ് ശശിക്ക് കടന്നൽക്കുത്തേറ്റത്. മരത്തിൽ കയറി കൊമ്പ് വെട്ടുമ്പോൾ കടന്നൽക്കൂട് ഇളകി ശശിയെ കുത്തുകയായിരുന്നു. ഉടൻ തന്നെ നാട്ടുകാർ പയ്യാവൂരിലെ സ്വകാര്യ ആശുപത്രിയിലെത്തിച്ചു. എന്നാൽ ആരോ​ഗ്യ സ്ഥിതി ഗുരുതരമായതിനെ തുടർന്ന് ശശിയെ പരിയാരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ഭാര്യ : സുഭദ്ര (ഇസ്രായേൽ). മക്കൾ: സുമേഷ്, സുമിത. മരുമക്കൾ: രമ്യ, അശോകൻ (ഖത്തർ).

  കമ്പിൽ തെരുവിലെ ശ്രീശാന്തിയിൽ സൗമ്യ സി 36 വയസ്സ് നിര്യാതയായി. .ഭർത്താവ് ബിജു ടി (ദുബൈയ്). മക്കൾ ആരുഷ് ടി (വിദ്യാർത്ഥി നിത്യാനന്ദ സ്കൂൾ പുതിയതെരു ) ഭാമിക . പിതാവ് ചെവൂരാൻ കൃഷ്ണൻ, അമ്മ വാസന്തി പാലയാടൻ സഹോദരങ്ങൾ രമ്യ പയ്യന്നൂർ കീർത്തന അഴീക്കോട് . പൊതുദർശനം രാവിലെ എട്ടുമണി മുതൽ 11 മണി വരെ കമ്പിലെ വസതിയിലും സംസ്കാരം ഒരു മണിക്ക് മാടായി സമുദായ സ്മശാനത്തിൽ

  കണ്ണാടിപറമ്പ് : ആറാം പീടിക പള്ളേരി പൊലുപ്പിയിൽ ഫൗസിയ (52) മരണപ്പെട്ടു  ഭർത്താവ് :പരേതനായ കെ. ടി. സിദ്ധീഖ് ഹാജി  മക്കൾ :സഫീറ  ശറഫുദ്ധീൻ  ശാക്കിർ  മരുമകൻ  ഷബീർ ( കുഞ്ഞിപ്പള്ളി )

  കാസർകോട്: വിവാഹ വാർഷിക തലേന്ന് ഭർതൃവീട്ടിൽ യുവതി ആസിഡ് കുടിച്ച് ആത്മഹത്യ ചെയ്ത കേസിൽ കൂടുതൽ വിവരങ്ങൾ പുറത്ത്. സുഫൈദയുടെ ശരീരത്തിൽ മർദനമേറ്റ പാടുകളെന്ന് ഇൻക്വസ്റ്റ് റിപ്പോർട്ട്. ശരീരത്തിൽ ഉണ്ടായത് പുതിയ പാടുകൾ എന്നും റിപ്പോർട്ടിൽ പറയുന്നു. മുഖത്തും കൈയിലും രക്തം കല്ലിച്ച പാടുകളുണ്ട്. നഖത്തിന്റെ പാടുകളും ശരീരത്തിലുണ്ടെന്ന് ഇൻക്വസ്റ്റ് റിപ്പോർട്ടിൽ വ്യക്തമാകുന്നു. അതേസമയം ആത്മഹത്യ ചെയ്ത ദിവസം യുവതിയെ മർദിച്ചുവെന്ന് ഭർത്താവ് പൊലീസിനോട് സമ്മതിച്ചു.ഇന്നലെയാണ് പാണലത്ത് ഭർതൃവീട്ടുകാരുടെ മുന്നിൽ യുവതി ആസിഡ് കഴിച്ച് ആത്മഹത്യ ചെയ്തത്. കേസിൽ ഭർത്താവ് ആദിൽ റിമാൻഡിലാണ്. ആത്മഹത്യാപ്രേരണ ഉൾപ്പെടെയുള്ള വകുപ്പുകൾ ചുമത്തിയാണ് ആദിലിനെ അറസ്റ്റ് ചെയ്തത്. ഇന്നാണ് ഇവരുടെ ഒന്നാം വിവാഹ വാർഷികം. ചർലടുക്ക സ്വദേശി ഫാത്തിമത്ത് സുഫൈദ ( 24 ) ആണ് മരിച്ചത്. മരണത്തിൽ ആരോപണവുമായി യുവതിയുടെ കുടുംബം രംഗത്തെത്തിയിരുന്നു. ഭർതൃ വീട്ടുകാരുടെ പീഡനത്തെ തുടർന്നാണ് യുവതി ജീവനൊടുക്കിയതെന്നായിരുന്നു പരാതി. സുഫൈദയുടെ സ്വർണം ആവശ്യപ്പെട്ട് നിരന്തര പീഡനം ഉണ്ടായിരുന്നു എന്ന് കുടുംബം ആരോപിച്ചിരുന്നു .കുടുംബം വിദ്യാനഗർ പൊലീസിൽ പരാതി...

   കണ്ണൂര്‍: ഷുഹൈബ് വധക്കേസില്‍ മുഴുവന്‍ പ്രതികളുടെയും ജാമ്യം റദ്ദ് ചെയ്തു. തലശ്ശേരി അഡീഷണല്‍ സെഷന്‍സ് കോടതിയുടേതാണ് അസാധാരണ നടപടി. ആകാശ് തില്ലങ്കേരി ഉള്‍പ്പെടെ ഉള്ളവരുടെ ജാമ്യമാണ് കോടതി റദ്ദ് ചെയ്തത്. പ്രതികളെ റിമാന്‍ഡ് ചെയ്യാനും കോടതി നിര്‍ദേശിച്ചു. കഴിഞ്ഞയാഴ്ചയാണ് ഷുഹൈബ് കേസില്‍ വിചാരണ ആരംഭിച്ചത്. കുറ്റകൃത്യത്തില്‍ നേരിട്ട് പങ്കെടുത്ത ഒന്ന് മുതല്‍ അഞ്ച് വരെയുള്ള പ്രതികളെ കോടതിയില്‍ സാക്ഷി തിരിച്ചറിഞ്ഞിരുന്നു. കൊലപാതക സമയത്ത് ഷുഹൈബിന് ഒപ്പമുണ്ടായിരുന്ന ആക്രമണത്തില്‍ പരിക്കേറ്റ റിയാസിനെയാണ് കോടതി വിസ്തരിച്ചത്. ആയുധങ്ങളുമായി എത്തിയ സംഘം ഷുഹൈബിനെ തുരുതുരാ വെട്ടി വീഴ്ത്തുകയായിരുന്നു എന്നായിരുന്നു റിയാസിന്റെ മൊഴി. ജൂണ്‍ 14 വരെ വിസ്താരം തുടരും. 2018 ഫെബ്രുവരി 18ന് രാത്രി 10.30നാണ് കേസിന് ആസ്പദമായ സംഭവം. ആകാശ് തില്ലങ്കേരി ഉള്‍പ്പെടെ സിപിഐഎം പ്രവര്‍ത്തകരും അനുഭാവികളുമായ 11 പേരാണ് കേസിലെ ആദ്യ കുറ്റപത്രത്തിൽ ഉണ്ടായിരുന്നത്.  പിന്നീട് തുടരന്വേഷണം നടത്തി ആറ് പ്രതികളെ കൂടി ഉള്‍പ്പെടുത്തി അന്വേഷണ സംഘം കോടതിയില്‍ കുറ്റപത്രം സമര്‍പ്പിക്കുകയായിരുന്നു.

 . കുന്നിരിക്ക .സീക്വൽസാഹിത്യ വേദിയുടെ ആറാമത് കഥാപുരസ്ക്കാരം (15000 രൂപയും ഫലകവും )  സോമൻ കടലൂർ രമ്യ രതീഷിന് സമ്മാനിച്ചു. ഗ്രാമപഞ്ചായത്ത് പ്രസിണ്ടൻ്റ് Cചന്ദ്രൻ അദ്ധ്യക്ഷനായിരുന്നു. M രാജീവൻ പുസ്തക പരിചയം നടത്തി.രാജേന്ദ്രൻ തോണിയോട്ട് സ്വാഗതവും പ്രകാശൻ കുന്നിരിക്ക നന്ദിയും പറഞ്ഞു. Nനാരായണൻ മാസ്റ്റർ - Mശ്രീജിത്ത്, പ്രമീള കാവുള്ളതിൽ എന്നിവർ സംസാരിച്ചു. കഥാ പുരസ്ക്കാരത്തോടനുബന്ധിച്ച് നടത്തിയ ജില്ലാതല കവിതാലാപന മത്സരത്തിൽ റിതു .വി . ,അയൂഖ ബൈജു, സാന്ദ്ര അരവിന്ദ് എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.

  മക്ക:  ലോകത്തിന്റെ വിവിധ കോണുകളില്‍ നിന്നെത്തിയ 18 ലക്ഷത്തോളം വിശ്വാസികള്‍ പങ്കെടുക്കുന്ന ഈ വര്‍ഷത്തെ ഹജ്ജ് കര്‍മങ്ങള്‍ക്ക് ഇന്ന് തുടക്കം. ഇന്ന് മിനായില്‍ താമസിക്കുന്ന ഹാജിമാര്‍ നാളെ നടക്കുന്ന ഹജ്ജിന്റെ പ്രധാന കര്‍മമായ അറഫാ സംഗമത്തിനായി സുബ്ഹി നിസ്‌കാര ശേഷം മക്കയില്‍ നിന്ന് അറഫാത്തിലേക്ക് നീങ്ങും. ഞായറാഴ്ച വൈകീട്ട് മുതല്‍ മിന ലക്ഷ്യമാക്കി നീങ്ങി തുടങ്ങിയിരുന്നു. ഇത്തവണ 162 രാജ്യങ്ങളില്‍ നിന്നുള്ള തീര്‍ഥാടകരാണ് ഹജ്ജിന് എത്തിയിട്ടുള്ളത്. സൗദിയിലടക്കം ഗള്‍ഫ് രാജ്യങ്ങളില്‍ ബുധനാഴ്ചയാണ് ബലി പെരുന്നാള്‍. ഇത്തവണ 15 ലക്ഷത്തിൽ അധികം വിദേശ തീര്‍ഥാടകര്‍ ഉള്‍പ്പെടെ ആകെ 18 ലക്ഷത്തോളം പേരാണ് ഹജ്ജ് നിര്‍വഹിക്കാന്‍ സൗദിയില്‍ എത്തിയത്. എല്ലാ ആഭ്യന്തര തീര്‍ഥാടകരും തിങ്കളാഴ്ച വൈകിട്ടോടെ എത്തും. ചൊവ്വാഴ്ച പകല്‍ അറഫയില്‍ പ്രാര്‍ഥനയില്‍ കഴിയുന്ന തീര്‍ഥാടകര്‍ അസ്തമയത്തോടെ മുസ്ദലിഫയിലേക്ക് നീങ്ങും. രാത്രി അവിടെ അന്തിയുറങ്ങി ബുധനാഴ്ച രാവിലെ വീണ്ടും മിനായില്‍ തിരിച്ചെത്തി മൂന്ന് ദിവസത്തെ രാപ്പാര്‍പ്പും ബലി കര്‍മവും ജംറകളിലെ കല്ലേറും പൂര്‍ത്തിയാക്കുന്നതോടെ ഹജ്ജ് കര്‍മങ്ങള്‍ക്ക് സമാപനമാകും. ഇന്ത്യയില്‍...

ചേലേരി |സംസ്ഥാനത്തു ടനീളം സുന്നി വിദ്യാഭ്യാസ ബോർഡ് മദ്റസകൾ കേന്ദ്രീ കരിച്ച് നടക്കുന്ന പത്ത് ദിവസത്തെ ബി ഫ്രണ്ട് വെക്കേഷൻ ക്യാമ്പിന് ചേലേരി മദ്റസതു മുനയിൽ സമാപിച്ചു. എബിസിക്ലാസ് റൂം,മാ തൃക ദർസ്, തജ്‌വീദ് പഠനം, ഹദീസ് പഠനം,ഖുർ ആൻ വ്യാഖാന പഠനം, ഖിദ്‌മ, പുലരി, കൈയെഴുത്ത് മാസിക നിർമാണം, എന്റർറ്റൈൻമെൻ്റ്, സെന്റിനറി പ്രചാരണം തുടങ്ങിവ്യത്യസ്‌ത സെഷനുകളിലായാ ണ് ക്യാമ്പ് ക്രമീകരിച്ചിരിച്ചത് നടന്നത്. സ്വദർ മുഅല്ലിം സയ്യിദ് അബ്ദുറഹ്മാൻ ജമലുല്ലൈലി,  അബ്ദു റഹ്മാൻ ഫാളിൽ മിസ്ബാഹി,  ഉദ്ഘാടനം ചെയ്തു. മുഹമ്മദ് സൽമാൻ അദനി വെന്നിയൂർ, മുഹമ്മദ് സിനാൻ അദനി കൊയ്യം നേത്യത്വം നൽകി. വെക്കേഷൻ ക്യാമ്പ് ക്ലോസ്സിംഗ് സമാപന സെറിമണി പി.മുസ്‌തഫ സഖാഫി അദ്യക്ഷതയിൽ  എസ് വൈ എസ് ജില്ലാ സെക്രട്ടറി അംജദ് മാസ്റ്റർ ഉദ്ഘാടനം നിർവഹിച്ചു.കായച്ചിറ വാർഡ് മെമ്പർ  കെ വി യൂസഫ് , കൊളച്ചേരിപ്പറമ്പ് വാർഡ് മെമ്പർ ഓ ദിനേശൻ, മുൻ ബ്ലോക്ക് പഞ്ചായത്ത് മെമ്പർ  കെ അനിൽകുമാർ,  മദ്രസ വിദ്യാർത്ഥികൾ തയ്യാറാക്കിയ പുലരി കയ്യെത്തും മാസിക സ്വദർ മുഅല്ലിം സയ്യിദ് അബ്ദുറഹ്മാൻ ജമലുല്ലൈലി എസ് വൈ എസ് ജില്ല സെക്രട്ടറി അംജദ് മാസ്റ്റർക്...

കണ്ണൂർ:സി എം പി കണ്ണൂർ ജില്ലാ സെക്രട്ടറിയായി സുധീഷ് കടന്നപ്പള്ളിയെ തെരഞ്ഞെടുത്തു നിലവിലുള്ള സെക്രട്ടറി പി സുനിൽകുമാർ ഗതാഗത വകുപ്പ് മന്ത്രി സിപി ജോണിൻ്റെ ഓഫീസിലേക്ക് പേഴ്‌സനൽ സ്റ്റാഫിലേക്ക് നിയമിക്കപ്പെട്ടതിനെ തുടർന്നാണ് പുതിയ സെക്രട്ടറിയെ തെരഞ്ഞെടുത്തത്. മാണിക്കര ഗോവിന്ദന്റെ അധ്യക്ഷതയിൽ സി എം പി കണ്ണൂർ ജില്ലാ ആസ്ഥാനമായ ഇ പി സ്മാരക മന്ദിരത്തിൽ ചേർന്ന ജില്ലാ കൗൺസിൽ യോഗമാണ് പുതിയ സെക്രട്ടറിയെ തെരഞ്ഞെടുത്തത്. സുധീഷ് കടന്നപ്പള്ളി നിലവിൽ സിഎംപിയുടെ യുവജന സംഘടനയായ കേരള സ്റ്റേറ്റ് യൂത്ത് ഫെഡറേഷൻ സംസ്ഥാന സെക്രട്ടറിയാണ്.

  കാസര്‍കോട്: കാസര്‍കോട് ഭര്‍തൃവീട്ടുകാരുടെ മുന്നില്‍വെച്ച് യുവതി ആസിഡ് കുടിച്ച് ജീവനൊടുക്കി. പാണലത്താണ് സംഭവം നടന്നത്. ചര്‍ലടുക്ക സ്വദേശി ഫാത്തിമത്ത് സുഫൈദ (24) ആണ് മരിച്ചത്. മരണത്തില്‍ ആരോപണവുമായി സുഫൈദയുടെ കുടുംബം രംഗത്തെത്തി. ഭര്‍തൃ വീട്ടുകാരുടെ പീഡനത്തെ തുടര്‍ന്നാണ് യുവതി ജീവനൊടുക്കിയതെന്നാണ് കുടുംബം പറയുന്നത്. സുഫൈദയുടെ സ്വര്‍ണം ആവശ്യപ്പെട്ട് നിരന്തര പീഡനം ഉണ്ടായിരുന്നതായും കുടുംബം ആരോപിച്ചു. വിദ്യാനഗര്‍ പൊലീസില്‍ കുടുംബം പരാതി നല്‍കിയിട്ടുണ്ട്. ഭര്‍ത്താവ് ആദിലിനെ പൊലീസ് കസ്റ്റഡിയിലെടുത്തു.