കുറുമാത്തൂർ വാർത്തകൾ, നാറാത്ത് വാർത്തകൾ, പാപ്പിനിശ്ശേരി വാർത്തകൾ

വായനക്കാർ പുതിയ എഴുത്തുകാരെ പ്രോത്സാഹിപ്പിക്കണം കൂനം ഗ്രാമീണ വായനശാല & ഗ്രന്ഥാലയം രജി: നമ്പർ 52 65 ചുരുങ്ങിയ കാലം കൊണ്ട് മൂന്ന് പുസ്തകങ്ങൾ പ്രസിദ്ധീകരിക്കുകയും നാലാമത്തെ പുസ്തക പ്രസിദ്ധീകരണത്തിന് തയ്യാറെടുക്കുകയും ചെയ്യുന്നയുവ എഴുത്തുകാരി രമ്യ രതീഷിന് കൂനം ഗ്രാമീണ വായനശാല & ഗ്രന്ഥാലയം നൽകിയ പ്രൗഢഗംഭീരമായഅനുമോദന സദസ്സിൽ കുറുമാത്തൂർ ഗ്രാമപഞ്ചായത്ത് വൈസ് പ്രസിഡണ്ട് ശ്രീ പാച്ചേനി രാജീവൻ ആദരിച്ചു  പുതിയ എഴുത്തുകാരെ വായനക്കാർ പ്രോത്സാഹിപ്പിക്കണമെന്ന് അനുമോദന സദസ്സ് ഉൽഘാടനം ചെയ്ത് കൊണ്ട് സംസാരിച്ചു. ചടങ്ങിൽ സി വി പ്രഭാകരൻ അദ്ധ്യക്ഷത വഹിച്ചു.വിവിധ മത്സര പരിപാടികളിലെ വിജയികൾക്ക് വാർഡ് മെമ്പർ പി കെ പ്രേമലത സമ്മാനം നൽകി. പരിപാടിക്ക് ശ്രീ പി.വി ബാലചന്ദ്രൻ മാസ്റ്റർ സ്വാഗതവും ടി യം പ്രകാശൻ നന്ദിയും പറഞ്ഞു .

ജുമാ മസ്ജിദ് ഉൽഘാടനം. തളിപ്പറമ്പ: കുറുമാത്തൂർ ടൗണിലെ ഹംസത്ത് ജുമാ മസ്ജിദ് ഉൽഘാടനവും       ഒക്ടോബർ 14 അസർ നിസ്കാരത്തിന് നേതൃത്വം നൽകികൊണ്ട് സയ്യിദ് നാസർ ഹയ്യ് ശിഹാബുദ്ദിൻ തങ്ങൾ പാണക്കാട് ഉൽഘാടനകർമ്മം നിർവഹിച്ചു.      16 ന് ദ്വിദിന പ്രഭാഷണം നടക്കും.

   .കുറുമാത്തൂർ : കുറുമാത്തൂർ സ്വദേശിയും പയ്യന്നൂർ തായിനേരിയിൽ താമസക്കാരനുമായ കൊവ്വൽ പുതിയ പുരയിൽ ഇബ്രാഹിം കുട്ടി മാസ്റ്റർ (71) നിര്യാതനായി. കബറടക്കം നാളെ രാവിലെ 9 മണിക്ക് തായിനേരി ജുമാ മസ്ജിദ് കബർസ്ഥാനിൽ. പരേതൻ ദീർഘകാലം കുറുമാത്തൂർ ഹിദായത്തുൽ ഇസ്ലാം മദ്രസ സെക്രട്ടറി, കുറുമാത്തൂർ സർവീസ് സഹകരണ ബേങ്ക് ഭരണസമിതി അംഗം, കുറുമാത്തൂർ യു.പി.സ്ക്കൂൾ ഉറുദു അധ്യാപകൻ എന്നീ നിലകളിൽ പ്രവർത്തിച്ചിരുന്നു. ഭാര്യ: അസ്മ ബീവി. മക്കൾ: സുനൈഷ, ഹന്നത്ത്, നൗഫൽ, ഷാഹിദ്. മരുമക്കൾ: ഹംസ, മജീദ്.

പോക്സോ: പ്രതിക്ക് 12 കൊല്ലം തടവും പിഴയും തളിപ്പറമ്പ് പ്രായപൂർത്തിയാകാത്ത പെൺകുട്ടിയെ ലൈംഗികാതിക്രമത്തിന് ഇരയാക്കിയ കേസിൽ പ്രതിക്ക് 12 കൊല്ലം തടവും ലക്ഷം രൂപ പിഴയും ശിക്ഷ വിധിച്ചു. ഉളിക്കൽ സ്വദേശി എൻ. ദീപകിനെയാണ് തളിപ്പറമ്പ് പോക്സോ അതിവേഗ കോടതി ജഡ്ജി ആർ. രാ ജേഷ് ശിക്ഷിച്ചത്. 2018 ഒക്ടോബറിലാണ് കേസിന് ആസ്പദമായ സംഭവം. തളിപ്പറമ്പ് പൊലീസ് സ്റ്റേഷൻ പരിധിയിൽ വെച്ച് പെൺകുട്ടിയെ പുതിയ മൊബൈൽ ഫോൺ തരാമെന്ന് പറഞ്ഞ് പ്രലോഭിപ്പിച്ച് കാറിൽ കയറ്റി കൊണ്ടുപോയി ലൈംഗികാതിക്രമത്തിന് ഇരയാക്കിയെന്നാണ് പരാതി. അന്നത്തെ തളിപ്പറമ്പ് എസ്.ഐ കെ.കെ. പ്രശോഭ് ആണ് കേസ് രജിസ്റ്റർ ചെയ്ത് അന്വേഷണം നടത്തി കുറ്റപത്രം സമർപ്പിച്ചത്. നാലു വകുപ്പുകളിലായാണ് തളിപ്പറമ്പ് പോക്സോ അതിവേഗ കോടതി ശിക്ഷ വിധിച്ചത്. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ ഷെറിമോൾ ജോസ് ഹാ.ജരായി.

കരിമ്പം:കണിച്ചാമിലെ വേലിക്കകത്ത് പത്മനാഭന്‍ (68) നിര്യാതനായി. മാതാവ് ജാനകി ( പടപ്പേങ്ങാട്) പിതാവ്:പരേതനായ കണ്ണന്‍. ഭാര്യ: പരേതയായ വി.യശോദ. മക്കള്‍: ബൈജു (അലുമിനിയം ഫാബ്രിക്കേഷന്‍),ശ്രീജ. മരുമക്കള്‍: പ്രദീപന്‍ (കുറ്റിക്കോല്‍ ), വിപിന (ച വനപ്പുഴ). സഹോദരങ്ങള്‍: സരോജിനി, അരവിന്ദന്‍, രാഗിണി, പ്രസന്ന, വത്സല, അശോകന്‍, റീന. കണിച്ചാമല്‍

ഈ വർഷത്തെ ഓൾ ഇന്ത്യ ട്രേഡ് ടെസ്റ്റിൽ കുറുമാത്തൂർ ഐടിഐയിൽ നിന്നും മെക്കാനിക്ക് അഗ്രികൾച്ചർ മെഷിനറിയിൽ സംസ്ഥാനതലത്തിൽ ഉന്നത വിജയം കൈവരിച്ച മൃദുൽ പി പി അധ്യാപകനായ ശ്രീ മനു എം എം എന്നിവർക്കുള്ള പുരസ്കാരം തിരുവനന്തപുരത്ത് വി ജെ ടി ഹാളിൽ വച്ച് മന്ത്രി വി ശിവൻകുട്ടി അവർകൾ ഉദ്ഘാടനം ചെയ്ത ചടങ്ങിൽ പുരസ്കാരങ്ങൾ നൽകി ആദരിച്ചു

 തളിപ്പറമ്പ് പാലകുളങ്ങരയിലെ കെ.തങ്കമണി (60) നിര്യാതയായി പരേതനായ ഗോവിന്ദന്റെയും ദേവിയുടെയും മകളാണ്. സഹോദരങ്ങൾ: രാജൻ, കൃഷ്ണൻ, ബാലൻ, രമേശൻ, നളിനി. സംസ്ക്കാരം ഇന്ന് (13.10.2023) ഉച്ചക്ക് 12 മണിക്ക് പട്ടപ്പാറ ശ്മശാനത്തിൽ.

ഗാന്ധി ജയന്തിയുടെ ഭാഗമായി ആൾ കേരള ഫോട്ടോഗ്രാഫേഴ്സ് അസോസിയേഷൻ തളിപ്പമ്പ് വെസ്റ്റ് യൂണിറ്റ് തളിപ്പറമ്പ് ബി.ഇ.എം ൽ പി സ്കൂളിൽ ഗാന്ധി സ്മൃതി സംഘടിപ്പിച്ചു. അതിന്റെ ഭാഗമായി കുട്ടികൾക്ക് ഓൺ ലൈൻ പ്രസംഗമൽസരവും വിജയി കൾക്കുള്ള സമ്മാനദാനവും പായസ ദാനവും നടത്തി. യൂണിറ്റ് പ്രസിഡന്റ് ഹരി കീഴാറ്റൂരിന്റെ അധ്യക്ഷതയിൽ സംസ്ഥാന സെക്രട്ടറി ഉണ്ണി കൂവോട് ഉൽഘാടനം നിർവഹിച്ചു ആശംസകളർപ്പിച്ചു കൊണ്ട് അനുശാന്ത് ( യൂണിറ്റ് സെക്രട്ടറി | രഞ്ജിത്ത് ആർ.കെ (മേഖല ട്രഷറർ) വിനീഷ് കുമാർ (ജില്ലാ കമ്മിറ്റി) ആൽവിൻ ജോയി ആർ (അധ്യാപകൻ) എന്നിവർ സംസാരിച്ചു. ഹെഡ് ടീച്ചർ കൊച്ചുറാണി എം.എൻ സ്വാഗതവും യൂണിറ്റ് ട്രഷറർ ഉഷ ദിനേശൻ നന്ദിയും പറഞ്ഞു.

മഹാത്മാ സ്വാശ്രയ സംഘം ഗാന്ധിജയന്തിയും സ്വാശ്രയ സംഘത്തിൻ്റെ ജൻമദിനവുമായ oct02 നു കാട് കയറിയ നട വഴി വെട്ടി തെളിച്ച് കട്ട പാകിയും സ്കൂളിന് മുൻ വശം രൂപ പെട്ട കുഴികൾ അടച്ചും യാത്രാ യോഗ്യമാക്കി. സംഘം പ്രസിഡണ്ട് എം എം കൃഷ്ണൻ. സിക്രട്ടറി മധുസൂദനൻ കെ.വി കരയോഗം സിക്രട്ടറി രാജഗോപാലൻ പി.വി എം എം പവിത്രൻ പി കെ ചന്ദ്രൻ പി കൃഷ്ണൻ കെ ആർ രമേശൻ പി.വി ഗിരിഷ് രാജേഷ് കെ വിജയൻ കാവളാൻ തുടങ്ങിയവർ പങ്കെടുത്തു.

       നടുവിൽ ഹൈസ്ക്കൂൾ റിട്ട. അധ്യാപകൻ തവ റൂൽ പുതിയേടത്ത് കമ്മാരൻ നമ്പ്യാർ [86] അന്തരിച്ചു. സ്ഥലം- കുറുമാത്തൂർ പൊക്കുണ്ട്.ഭാര്യ സാവിത്രി M.ടി. മക്കൾ ശ്രീലത നാരായണൻ, ജഗദീഷ് M.T ( ടെക്നിക്കൽ ഓഫീസർ നേവി കാർ വാർ  ) ശ്രീകുമാർ  ലാബ് അസി. നടുവിൽ ഹൈസ്ക്കൂൾ  കൃഷ്ണപ്രസാദ് (സോഫ്റ്റ് വയർ എഞ്ചിനിയർ TCS എറണാകുളം) മരുമക്കൾ M V നാരായണൻ Ex ആർമി [ നെല്ലിപ്പറമ്പ് ] ഷീന (കക്കറ ) നവീന ചവനപ്പുഴ , അനുപമ അഴീക്കോട് സംസ്ക്കാരം ചൊവ്വാഴ്ച രാവിലെ 10 ന് സഹോദരങ്ങൾ :ടി പി ചന്ദ്രമോഹനൻ, ടി പി നളിനി, ടി പി സത്യഭാമ, പരേതനായ ടി പി നാരായണൻ നമ്പ്യാർ, ടി പി ഗംഗാധരൻ നമ്പ്യാർ.സംസ്കാരം നാളെ രാവിലെ 10 മണിക്ക് കുറുമാത്തൂർ NSS സമുദായ ശ്മശാനത്തിൽ

ഗാന്ധി ജയന്തി ദിനാചരണത്തോട് അനുബന്ധിച്ച് ആശ്രയ സ്വയം സഹായ സംഘം പാറക്കാടിയുടെ നേതൃത്വത്തില്‍ റോഡും പരിസരവും ശുചീകരിച്ചു.

ബക്കളം പുന്നക്കുളങ്ങര ഗ്രാമീണ വായനശാലക്ക് സമീപത്തെ പി വി ശാന്ത (77) അന്തരിച്ചു. ഭർത്താവ്: പരേതനായ കൃഷ്ണൻ നായർ. മക്കൾ: ഇന്ദിര, പി രാമകൃഷ്ണൻ (സിപിഐ എം പുന്നക്കുളങ്ങര കിഴക്ക് ബ്രാഞ്ചംഗം), അനിൽ (ഡ്രൈവർ), ജയശ്രീ. മരുമക്കൾ: പ്രീത (കോൾമൊട്ട), രജനി (ഇരിണാവ്), അജയൻ (ചേലേരി ഇടക്കേതോട്) സഹോദരങ്ങൾ: പരേതരായ രാധ, ലീല, ലക്ഷ്മണൻ. സംസ്കാരം ശനിയാഴ്ച വൈകിട്ട് 6 മണിക്ക് പുന്നക്കുളങ്ങര ശ്മശാനത്തിൽ.

കടമ്പേരി :വിനോദയാത്ര സംഘത്തിലെ യുവാവ് ബക്കളം കടമ്പേരി ചിറയിൽ മുങ്ങി മരിച്ചു. മംഗലാപുരത്ത് നിന്ന് വയനാട്ടിലേക്ക് വിനോദയാത്ര പുറപ്പെട്ട സംഘത്തിലെ പുത്തൂർ സ്വദേശി മുഹമ്മദ് അസീൻ (21) ആണ് മരിച്ചത്. വിദ്യാർത്ഥികൾ കടമ്പേരി ചിറയിൽ കുളിക്കുമ്പോഴാണ് അപകടത്തിൽപ്പെട്ടത്.

കണ്ണൂർ  പ്രവാചകനായ മുഹമ്മദ് നബിയുടെ ജന്മദിന ആഘോഷത്തിന്റെ ഭാഗമായി മസ്ജിദുകളും മദ്രസകളും അലങ്കരിച്ചു. വ്യാഴാഴ്ച മസ്ജിദുകളിൽ പ്രവാചക കീർത്തനങ്ങളുമായി വിശ്വാസികൾ പ്രത്യേക പ്രാർഥന നടത്തും. ജില്ലയിലെ മദ്രസകൾ കേന്ദ്രീകരിച്ച് കുട്ടികളുടെ നബിദിന റാലികളും കലാപരിപാടികളും ഉണ്ടാകും. സമസ്ത കേരള ജംഇയ്യത്തുൽ ഉലമ, കേരള മുസ്‌ലിം ജമാഅത്ത് തുടങ്ങി വിവിധ സംഘടനകളുടെ നേതൃത്വത്തിൽ മീലാദ് സംഗമവും ഘോഷയാത്രയും നടക്കും. മസ്ജിദുകളിൽ പുലർച്ചെ മുതൽ പ്രത്യേക മൗലീദ് പാരായണവും ഭക്ഷണ വിതരണവും ഉണ്ടാകും. ഏവർക്കും കുറുമാത്തൂർ വാർത്തകളുടെ നബിദിന ആശംസകൾ.

കൂവേരി ആറാം വയലിൽ സ്ഥിതി ചെയ്യുന്ന ,ഏഴോം കൊട്ടില സ്വദേശി ടി.പി. ദാമോദരന്റെ ഉടമസ്ഥതയിലുള്ള ഫാമിലെ പശുവാണ് ഇന്ന് പുലർച്ചെ നാലു മണിയോടെ തൊഴുത്തിലെ വല്ലത്തിൽ വീണ് കുടുങ്ങിയത്. സംഭവസമയത്ത് രണ്ട് തൊഴിലാളികൾ മാത്രമേ സ്ഥലത്തുണ്ടായിരുന്നുള്ളൂ. അവർ വിളിച്ചറിയതനുസരിച്ച് ഉടമ തളിപ്പറമ്പ് അഗ്നി രക്ഷാനിലയത്തിൽ ബന്ധപ്പെടുകയായിരുന്നു. ഗ്രേഡ് അസിസ്റ്റന്റ് സ്റ്റേഷൻ ഓഫീസർ കെ.വി സഹദേവന്റെ നേതൃത്വത്തിൽ ഫയർ ആന്റ് റെസ്ക്യൂ ഓഫീസർമാരായ ഗിരീഷ് പി.വി , അനൂപ് കെ.വി , രാജീവൻ കെ.വി , ഹോംഗാർഡ്മാരായ സജീന്ദ്രൻ കെ , രവീന്ദ്രൻ സി.വി എന്നിവർ ചേർന്ന് രണ്ടുമണിക്കൂറോളം പരിശ്രമിച്ചാണ് പശുവിനെ വല്ലം പൊളിച്ച് പുറത്തെടുത്ത് രക്ഷപ്പെടുത്തിയത്.

കണ്ണൂർ: കൈക്കൂലി വാങ്ങിയ സി.ബിജുവിനെ സർവീസിൽ നിന്ന് സസ്പെന്റ് ചെയ്തു. പ്രവാസിയായ സംരംഭകനിൽ നിന്ന് 25,000 രൂപ കൈക്കൂലി വാങ്ങുന്നതിനിടെ പിടിയിലായി തലശേരി സ്പെഷ്യൽ ജയിലിൽ റിമാന്റിൽ കഴിയുന്ന പയ്യന്നൂർ നഗരസഭ ബിൽഡിംഗ് ഇൻസ്പെക്ടർ ബിജുവിനെയാണ് സസ്പെന്റ് ചെയ്തത്. കെട്ടിടനിർമ്മാണ പെർമിറ്റിനായി നിരവധിതവണ അപേക്ഷകനെ ബിജു വട്ടംകറക്കിയിരുന്നു. അടുത്തമാസം ബിൽ ഡിംഗ് സെക്ഷൻ എൻജിനിയറായി പ്രൊമോഷൻ ലഭിക്കാനിരിക്കെയാണ് ഇയാൾ അറസ്റ്റിലായത്.

 ഹരിത വിദ്യാലയം പദ്ധതി : ശുചീകരണം നടത്തി ഹരിതവിദ്യാലയം പദ്ധതിയുമായി ബന്ധപ്പെട്ട് തൃച്ചംബരം യു.പി.സ്കൂളിലെ പി.ടി.എ , മാനേജ്മെന്റ് കമ്മിറ്റികളുടെ നേതൃത്വത്തിൽ നടന്ന ശുചീകരണം പി.ടി.എ പ്രസിഡന്റ് നൗഷാദ് ബ്ലാത്തൂർ ഉദ്ഘാടനം ചെയ്തു. സ്കൂൾ മാനേജ്മെന്റ് പ്രസിഡന്റ് സി.വി.സോമനാഥൻ, ഹെഡ്മാസ്റ്റർ എം.ടി. മധുസൂദനൻ, മദർ പി.ടി.എ പ്രസിഡന്റ് ദീപ രഞ്ജിത്ത്, പി.ടി.എ എക്സിക്യൂട്ടീവ് അംഗങ്ങളായ സി.പി. ശ്രീധരൻ, വി.വി. രാജേഷ്, കെ.രഞ്ജിന, കെ. നിഖില, ടി. ഷാനി, എം.വി. ശോഭന, ടി. അംബരീഷ്,അനിൽകുമാർ , ക്ലാസ അധ്യാപകർ എന്നിവർ നേതൃത്വം നൽകി

കണ്ണൂർ  മുണ്ടയാട് ഇൻഡോർ സ്റ്റേഡിയത്തിൽ നടന്ന 23മത് സംസ്ഥാന പവർ ലിഫ്റ്റിംഗ് ചാമ്പ്യൻഷിപ്പിൽ വനിതകളുടെ സീനിയർ 84 കിലോഗ്രാം വിഭാഗത്തിൽ സ്വർണ്ണ മെഡൽ നേടി അഭിമാനകരമായ നേട്ടം സ്വന്തമാക്കി മുല്ലക്കൊടി സ്വദേശിനി ഉമൈറ അശ്രഫ്. ഇന്ത്യൻ റെയിൽവെയിൽ പോലീസ് ഉദ്യോഗസ്ഥനായ അശ്രഫ് ആണ് ഭർത്താവ്

  കുറുമാത്തൂർ : കണ്ണപിലാവ് കോടല്ലൂർ അമ്പലത്തിനു സമീപം താമസിക്കുന്ന അരുൺ കൃഷ്ണ (33) നിര്യാതനായി. അച്ഛൻ : പരേതനായ കൃഷ്ണൻ കുട്ടി. അമ്മ : രാജി ഏക സഹോദരി : അഹല്യ. എറണാകുളം ഹോസ്പിറ്റലിൽ ചികിത്സയിലിരിക്കെ യാണ് മരണപ്പെട്ടത്   സംസ്കാരം ഇന്ന് രാവിലെ 9 30 ന് കോടല്ലൂർ പൊതുശ്മശാനത്തിൽ

പൊതു ജന വായനശാല & ഗ്രന്ഥാലയം ബാവുപ്പറമ്പിന്റെ നേതൃത്വത്തിൽ ക്യാരംസ്ടൂർണമെന്റ് സംഘടിപ്പിച്ചു.   വായനശാല പ്രസിഡണ്ട് പ്രസാദിന്റെ അദ്ധ്യക്ഷതയിൽ ചേർന്ന ഉദ്ഘാടനയോഗത്തിൽ ഏഴാം വാർഡ് മെമ്പർ ശ്രീമതി. രമ്യ ഉദ്ഘാടനം നിർവ്വഹിച്ചു. ശ്രീ.പ്രസീൻ സ്വാഗതം പറഞ്ഞു.  ക്യാരംസ് ടൂർണമെന്റ് പുരുഷ വിഭാഗം വിജയികൾ: സനോജ്&അജസ് രണ്ടാം സ്ഥാനം :  ഷാജി & ഷിബിന്ദ് വനിതാ വിഭാഗം വിജയികൾ:  മിഷ & ബിന്ദു രണ്ടാം സ്ഥാനം :  രഞ്ജിനി & അനുഷ വിജയിച്ചവർക്കുള്ള സമ്മാന വിതരണം ഏറ്റവും പ്രായം കുറഞ്ഞ ക്യാരംസ് കളിക്കാരൻ ഋതുദേവ് വിജേഷ് നിർവ്വഹിച്ചു