രാത്രിയിൽ വാതിലിൽ മുട്ടി, കൈപ്പത്തി പതിപ്പിച്ച് അജ്ഞാതൻ; ഇരുട്ടിൽതപ്പി നാട്ടുകാരും പോലീസും
രാത്രിയിൽ വാതിലിൽ മുട്ടി, കൈപ്പത്തി പതിപ്പിച്ച് അജ്ഞാതൻ; ഇരുട്ടിൽതപ്പി നാട്ടുകാരും പോലീസും
ചെറുപുഴ : രാത്രിയിൽ വിലസുന്ന അജ്ഞാതൻ നാട്ടുകാരുടെ ഉറക്കംകെടുത്തുന്നു. രണ്ടാഴ്ച മുൻപ് ആലക്കോട് പഞ്ചായത്തിലെ രയരോത്ത് ആരംഭിച്ച അജ്ഞാതന്റെ ‘യാത്ര’ ഇപ്പോൾ പ്രാപ്പൊയിൽ ഭാഗത്ത് എത്തി.
രാത്രിയിൽ വീടുകളിലെത്തി കതകിൽ തട്ടിവിളിക്കുക, കതകുകളിലും ഭിത്തികളിലും കരിഓയിൽ തേച്ച കൈപ്പത്തി പതിപ്പിക്കുക, വീടുകളുടെ ജനൽപ്പാളികൾ കുത്തിത്തുറക്കുക, ബൾബുകൾ ഊരിമാറ്റുക തുടങ്ങിയവയാണ് ഇയാൾ ചെയ്യുന്നത്.
രയരോം-കോടോപ്പള്ളി ഭാഗത്തായിരുന്നു ആദ്യം ഇയാളുടെ ശല്യം. പിന്നീട് കുണ്ടേരിയും പെരുവട്ടവും കഴിഞ്ഞാണ് ഇപ്പോൾ പ്രാപ്പൊയിൽ ഭാഗത്ത് എത്തിയത്..
Comments
Post a Comment