ചെറുപുഴ കെ.എസ്.ആർ.ടി.സി ബസിന്റെ മുൻവശത്തെ ടയർ ഓട്ടത്തിന് ഇടയിൽ ഊരിത്തെറിച്ചു.

 

 രാജഗിരി- ചെറുപുഴ-പയ്യന്നൂർ റോഡിൽ ചൊവ്വാഴ്ച വൈകിട്ട് അഞ്ചോടെ ആണ് അപകടം ഉണ്ടായത്. ഡ്രൈവറുടെ വശത്തെ മുൻഭാഗത്തെ ടയറാണ് ഊരിപ്പോയത്.

ടയർ റോഡരികിൽ വീണതോടെ ബസ് റോഡിന് നടുക്ക് മുൻവശം കുത്തി നിന്നു. പതിനാല് വർഷം പഴക്കമുള്ള ബസാണ്. 2009-ലാണ് ബസ് രജിസ്റ്റർ ചെയ്തിട്ടുള്ളത്. ടയർ പിടിപ്പിച്ചിരുന്ന ഭാഗങ്ങളും താഴെ വീണ് കിടക്കുന്നുണ്ട്.

കയറ്റം കയറുന്നതിന് ഇടയിലായതിനാൽ ബസിന് വേഗം കുറവായിരുന്നു. അതിനാൽ വൻ അപകടം ഒഴിവായി. ഇവിടെ റോഡിന്റെ മറുഭാഗത്ത് വലിയ താഴ്ചയാണ്.