കണ്ണൂർ : സീനിയർജേർണലിസ്റ്റ് സമ്മേളനം: എടക്കാട് ലക്ഷ്മണനെയും ഉബൈദുല്ലയെയും ആദരിച്ചു
സീനിയർജേർണലിസ്റ്റ് സമ്മേളനം:
എടക്കാട് ലക്ഷ്മണനെയും ഉബൈദുല്ലയെയും ആദരിച്ചു
കണ്ണൂർ: നവമ്പർ മൂന്ന് മുതൽ അഞ്ച് വരെ കണ്ണൂരിൽ നടക്കുന്ന സീനിയർ ജേർണലിസ്റ്റ് ഫോറം സംസ്ഥാന സമ്മേളനത്തിെൻറ ഭാഗമായി ഫോറം അംഗങ്ങളായി വിശ്രമത്തിൽ കഴിയുന്ന സീനിയർ ജേർണലിസ്റ്റുകളായ എടക്കാട് ലക്ഷ്മണനെയും, കെ.ഉബൈദുല്ലയെയും അവരുടെ വീട് സന്ദർശിച്ച് ആദരിച്ചു. ഉബൈദുല്ലക്കുള്ള ഫോറം ആദരഫലകം സമ്മേളന സ്വാഗത സംഘം വർക്കിങ്ങ് ചെയർമാൻ പി.ഗോപി കൈമാറി. എടക്കാട് ലക്ഷ്മണനെ സമ്മേളന ജനറൽ കൺവീനർ കെ. വിനോദ്ചന്ദ്രൻ പൊന്നാട അണിയിച്ചു. ആദരവ് സ്വീകരിക്കാൻ രണ്ട് പേരുടെയും പത്തിമാരും ഒരുമിച്ചു ചേർന്നു. പഴയകാല മാധ്യമപ്രവർത്തനത്തിെൻറ പൊള്ളുന്ന അനുഭവങ്ങൾ പങ്ക്വെക്കുന്ന വികാരപരമായ ആശയവിനിമയ കൂടിക്കഴ്ചയായി ചടങ്ങ് മാറി.
തലശ്ശേരി സ്വദേശിയായ ഉബൈദുല്ല ചന്ദ്രികയിലും പിന്നീട് മലയാള മനോരമയിലും മാധ്യമ പരിശീലന വിഭാഗം തലവനായി വിരമിക്കുകയായിരുന്നു. റേഡിയോ പ്രഭാഷണങ്ങളിലും അദ്ദേഹം അറിയപ്പെട്ടു. കോഴിക്കോട് പ്രസ്ക്ലബ്ബിെൻറ പ്രസിഡൻറായും പ്രവർത്തിച്ചിരുന്നു. എടക്കാട് ലക്ഷ്മണൻ മാധ്യമത്തിെൻറ തലശ്ശേരി, കണ്ണൂർ ബ്യൂറൊവിലും പിന്നീട് മലയാള മനോരമയിലും വീക്ഷണത്തിലും സേവനം ചെയ്ത ശേഷമാണ് വിരമിച്ചത്.
ആദരവ് ചടങ്ങിൽ ഫോറം ജില്ലാ പ്രസിഡൻറ് ഹരിശങ്കർ, ട്രഷറർ സി.കെ.എ.ജബ്ബാർ, ജില്ലാ ജോയിൻറ് സെക്രട്ടറി രാജ്കുമാർ ചാല, കമ്മിറ്റി അംഗങ്ങളായ എ.ദാമോദരൻ, ഒ.ഉസ്മാൻ, എം.വി.രവീന്ദ്രൻ, എന്നിവർ പങ്കെടുത്തു.
Comments
Post a Comment