പള്ളിക്കര: വാർഷികാഘോഷം
പള്ളിക്കര ; മൂല്യബോധവും ആത്മാർത്ഥതയുമുള്ള കൂട്ടുചേരൽ ഒരു നല്ല സമൂഹത്തെയാണ് സൃഷ്ടിക്കുന്നതെന്നും സമസ്ത മേഖലയിലും മാറ്റത്തിന്റെ കാറ്റു വീശാൻ ബേക്കൽ ആർട്ട് ഫോറത്തിന് സാധിക്കട്ടെയെന്നും കലാകാരനും ചരക്കു സേവന നികുതി റിട്ട. അസിസ്റ്റന്റ് കമ്മീഷണർ ടി. ഗോപാലൻ അഭിപ്രായപെട്ടു. ബേക്കൽ ആർട്ട് ഫോറം ഒന്നാം വാർഷികാഘോഷ പരിപാടി ഉദ്‌ഘാടനം ചെയ്തു സംസാരിക്കുകയായിരുന്നു അദ്ദേഹം. പ്രസിഡന്റ് അബു ത്വാ ഈ അധ്യക്ഷനായി.
വാർഷികാഘോഷത്തിന്റെ ഭാഗമായി രക്ഷാധികാരി കെ ഇ എ ബക്കർ കേക്ക് മുറിച്ചു. സെക്രട്ടറി സുകുമാരൻ പൂച്ചക്കാട്, ട്രഷറർ ബപ്പിടി മുഹമ്മദ് കുഞ്ഞി, എം എ ഹംസ, ദാമോദരൻ ആലക്കോട്, കെ എൻ രാജേന്ദ്രൻ പ്രസാദ്, രാജേഷ് കൂട്ടകനി, സാലിം ബേക്കൽ, ഖാലിദ് പള്ളിപ്പുഴ, രാജേഷ് പള്ളിക്കര എന്നിവർ സംസാരിച്ചു.
തുടർന്ന് ആർട്ട് ഫോറം കലാകാരന്മാരുടെ സംഗീത വിരുന്നും ഉണ്ടായിരുന്നു.
Comments
Post a Comment