സംവിധായകന് ഷാഫി ഗുരുതര അവസ്ഥയില്.
കൊച്ചി ആന്തരിക രക്തസ്രാവത്തെ തുടർന്ന് കൊച്ചിയിലെ സ്വകാര്യ ആശുപത്രിയില് ചികിത്സയിലുള്ള സംവിധായകന് ഷാഫി ഗുരുതര അവസ്ഥയില്.
വെന്റിലേറ്റര് സഹായത്തോടെയാണ് ജീവന് നിലനിര്ത്തുന്നത്. കഴിഞ്ഞ 16-നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്.
ഷാഫിയെ ന്യൂറോ സര്ജിക്കല് ഇന്റന്സീവ് കെയര് യൂണിറ്റില് പ്രവേശിപ്പിച്ചിരിക്കുക ആണെന്നും അദ്ദേഹത്തിന്റെ ആരോഗ്യനില ഗുരുതരം ആണെന്നും 'ദ ഹിന്ദു' റിപ്പോര്ട്ട് ചെയ്തു.
ആശുപത്രിയിൽ അധികൃതര് ഷാഫിയുടെ ആരോഗ്യസ്ഥിതി സൂക്ഷ്മമായി നിരീക്ഷിച്ച് വരികയാണ്. വിദഗ്ധ ഡോക്ടര്മാരുടെ സംഘമാണ് ഷാഫിയെ ചികിത്സിക്കുന്നത്.
കല്യാണ രാമന്, പുലിവാല് കല്യാണം, തൊമ്മനും മക്കളും, മേരിക്കുണ്ടൊരു കുഞ്ഞാട്, മയാവി തുടങ്ങിയ നിരവധി ബോക്സോഫീസ് ഹിറ്റ് ചിത്രങ്ങളുടെ സംവിധായകനാണ് ഷാഫി.
2001-ൽ വൺ മാൻ ഷോ എന്ന ചിത്രത്തിലൂടെ സംവിധായകനായി അരങ്ങേറ്റം കുറിച്ചു. രണ്ട് പതിറ്റാണ്ട് നീണ്ട തന്റെ കരിയറിൽ പത്തിൽ അധികം ചിത്രങ്ങൾ അദ്ദേഹം സംവിധാനം ചെയ്തു.
Comments
Post a Comment