പിലാത്തറ മണ്ടൂരിൽ ലോറികൾ കൂട്ടിയിടിച്ച് കത്തി : രണ്ട് പേർ പൊള്ളലേറ്റ് മരിച്ചു
മണ്ടൂര് പള്ളിക്ക് മുന്വശം ദാരുണ അപകടം; സിമന്റ് ബള്ക്കര് തടിലോറിയില് ഇടിച്ച് തീപിടുത്തം, രണ്ട് മരണം
പിലാത്തറ-പാപ്പിനിശ്ശേരി കെ.എസ്.ടി.പി. റോഡില് മണ്ടൂര് പള്ളിക്ക് മുന്വശം പുലര്ച്ചെയുണ്ടായ ദാരുണ വാഹനാപകടത്തില് രണ്ട് പേര് മരിച്ചു.
കാഞ്ഞങ്ങാട് ഭാരത്ബെന്സ് ഷോറൂമിലെ ജീവനക്കാരായ കാഞ്ഞങ്ങാട് മാവുങ്കാല് സ്വദേശി എബനൈസര് ആന്റോ(24), ട്രെയിനി പാലക്കാട് സ്വദേശി മുഹമ്മദ് ഷെബിന്(22) എന്നിവരാണ് മരിച്ചത്.
ഷെബിന് നാല് ദിവസം മുമ്പ് മാത്രമാണ് ജോലിക്കെത്തിയത്.
റോഡരികില് തകരാറിലായി നിര്ത്തിയിട്ടിരുന്ന തടികയറ്റിയ ലോറിയില് നിയന്ത്രണം വിട്ടെത്തിയ സിമന്റ് ബള്ക്കര് ഇടിക്കുകയായിരുന്നു.
ഇടിയുടെ ആഘാതത്തില് ലോറിയില് തീപിടുത്തമുണ്ടായി വാഹനം പൂര്ണമായും കത്തിനശിച്ചു.
തടികയറ്റിയ ലോറി തകരാർ സംഭവിച്ചതിനെ തുടർന്ന് കഴിഞ്ഞ രണ്ട് ദിവസമായി റോഡരികിൽ നിർത്തിയിട്ടിരിക്കുകയായി രുന്നു.
ഇന്ന് പുലർച്ചെ ഭാരത് ബെൻസിന്റെ മെക്കാനിക്കുമാർ വാഹനത്തിന്റെ തകരാർ പരിഹരിക്കുന്നതിനുള്ള ശ്രമങ്ങൾ നടത്തുന്നതിനിടെയാണ് അപകടമുണ്ടായത്.
ഏകദേശം 50 ടൺ സിമന്റ് കയറ്റിവന്ന കോൺക്രീറ്റ് സിമന്റ് ബൾക്കർ നിയന്ത്രണം വിട്ട് തടിലോറിയിൽ ശക്തമായി ഇടിക്കുകയായിരുന്നു.
ഇടിയുടെ ആഘാതത്തിൽ സമീപത്തുണ്ടായിരുന്നമുഹ മ്മദ് ഷെബിൻ റോഡിലേക്ക് തെറിച്ചുവീണു.
ഗുരുതരമായി പരിക്കേറ്റ് ആശുപത്രിയിലെത്തിച്ച ഇയാൾ പിന്നീട് മരണപ്പെട്ടു.
Comments
Post a Comment