വളപട്ടണം: മദ്യലഹരിയില് കാറോടിച്ച് മറ്റൊരു കാറിന് ഇടിച്ച് അപകടമുണ്ടാക്കിയതിന് അഞ്ചാംപീടിക സ്വദേശിയുടെ പേരില് വളപട്ടണം പോലീസ് കേസെടുത്തു.
വളപട്ടണം: മദ്യലഹരിയില് കാറോടിച്ച് മറ്റൊരു കാറിന് ഇടിച്ച് അപകടമുണ്ടാക്കിയതിന് അഞ്ചാംപീടിക സ്വദേശിയുടെ പേരില് വളപട്ടണം പോലീസ് കേസെടുത്തു.
അഞ്ചാംപീടിക കെ.എന് ഹൗസില് കെ.എം.അജയന്റെ(56)പേരിലാണ് കേസ്.
ഇന്നലെ രാത്രി 9.30 നാണ് കേസിനാസ്പദമായ സംഭവം നടന്നത്.
പാപ്പിനിശ്ശേരി പെട്രോൾ പമ്പിന് സമീപത്തായിരുന്നു അപകടം.
കെ.എല്-13 എ.ഡി-909 നമ്പര് കാറോടിച്ച അജയന് പാപ്പിനിശേരി ജംഗ്ഷനില് എത്തിയപ്പോള് പെട്ടെന്ന് കാര് നിര്ത്തി പിറകോട്ടെടുക്കുമ്പോള് പിറകില് ഉണ്ടായിരുന്ന കെ.എല്-59 വി-4193 നമ്പര് കാറില് ഇടിക്കുകയായിരുന്നു.
മാട്ടൂല് സൗത്ത് പള്ളിവളപ്പില് വീട്ടില് പി.വി.അല്ത്താഫാണ് ഈ കാര് ഓടിച്ചിരുന്നത്.
നാട്ടുകാര് ഓടിക്കൂടിയപ്പോള് അജയന് മദ്യപിച്ചതായി സംശയം തോന്നിയതിനെ തുടര്ന്ന് വളപട്ടണം പോലീസിനെ അറിയിച്ചു.
എസ്.ഐ ടി.എം വിപിന് സ്ഥലത്തെത്തി ആല്ക്കോമീറ്റര് ഉപയോഗിച്ച് പരിശോധിച്ചപ്പോഴാണ് 97mg/100 ml എന്ന അളവില് മദ്യപിച്ചതായി റീഡിംഗ് കാണിച്ചത്.
വാഹനം പോലീസ് കസ്റ്റഡിയിലെടുത്തു. ഇയാള് ഒരു സ്വകാര്യ ചാനല് നടത്തിപ്പുകാരനാണെന്ന് പോലീസ് പറഞ്ഞു.
Comments
Post a Comment