പാപ്പിനിശ്ശേരി മേൽപാലം: ശ്വാശത പരിഹാരം കണ്ടില്ലെങ്കിൽ ശക്തമായ പ്രക്ഷോഭ പരിപാടികൾ സംഘടിപ്പിക്കും : എസ്ഡിപിഐ
പാപ്പിനിശ്ശേരി: വാഹനയാത്രക്കാർക്ക് അപകടക്കെണിയും ഭീഷണിയുമായ പാപ്പിനിശ്ശേരി മേൽപാലത്തിന്റെ അപകടാവസ്ഥ ഉടൻ പരിഹരിച്ചില്ലെങ്കിൽ ബഹുജനങ്ങളെ അണിനിരത്തി റോഡ് തടയൽ അടക്കമുള്ള ശക്തമായ പ്രക്ഷോഭ പരിപാടികൾ സംഘടിപ്പിക്കുമെന്ന് എസ്ഡിപിഐ പാപ്പിനിശ്ശേരി പഞ്ചായത്ത് കമ്മിറ്റി പ്രസ്താവിച്ചു. പുതിയ പാലം നിർമിച്ച് 2018ൽ തുറന്നു കൊടുത്തപ്പോൾ തുടങ്ങിയ പ്രശ്നങ്ങൾ ആറുവർഷമാകുമ്പോൾ കൂടുതൽ സങ്കീർണമാവുകയാണ്. വലിയ കുഴികളും വാഹനങ്ങൾ പോകുമ്പോൾ വലിയ കുലുക്കവും ഉള്ളത് കാരണം നിരവധി അപകടങ്ങളാണ് പാലത്തിന്റെ മുകളിൽ സംഭവിച്ചു കൊണ്ടിരിക്കുന്നത് . തെരുവുവിളക്ക് കത്താതത് കാരണം പാലത്തിലെ കുഴികളിൽവീണ് നിരവധി പേർക്കാണ് ഇതുവരെ പരിക്കേറ്റത്. പ്രതിഷേധം ഉണ്ടാവുമ്പോൾ നടത്തുന്ന തട്ടിക്കൂട്ട് പണികൾക്ക് പകരം ശ്വാശതമായ പരിഹാരമാണ് കാണേണ്ടതെന്നും പഞ്ചായത്ത് കമ്മിറ്റി പ്രസ്താവിച്ചു . പ്രസിഡന്റ് മഹ്റൂഫ് വികെ, സെക്രട്ടറി ഫിറോസ് , വൈസ് പ്രസിഡന്റ് ഹംസക്കുട്ടി , മുബ്സിന,ഷഫീക് , ഷാഫി, റുബീന തുടങ്ങിയവർ യോഗത്തിൽ സംബന്ധിച്ചു .
Comments
Post a Comment