വിഷം അകത്തുചെന്ന് ആസ്പത്രിയിൽ ചികിത്സയിലായിരുന്ന യുവതി മരിച്ചു

ബദിയടുക്ക: വിഷം അകത്തുചെന്ന് ആസ്പത്രിയിൽ ചികിത്സയിലായിരുന്ന യുവതി മരിച്ചു. നാരമ്പാടി പിലിക്കുവിലെ പരേതനായ മഹാലിംഗനായകിന്റെ മകൾ അങ്കിത(19)യാണ് മരിച്ചത്. ഈ മാസം 11നാണ് അങ്കിതയെ വിഷം കഴിച്ച് അവശനിലയിൽ വീട്ടിനകത്ത് കാണപ്പെട്ടത്. ഉടൻ തന്നെ യുവതിയെ കാസർകോട്ടെ സ്വകാര്യാസ്പത്രിയിലെത്തിച്ചെങ്കിലും നില ഗുരുതരമായതിനാൽ പരിയാരത്തെ കണ്ണൂർ ഗവ. മെഡിക്കൽ കോളേജിലേക്ക് മാറ്റിയിരുന്നു. ഇന്നലെ ഉച്ചയോടെയാണ് മരണം സംഭവിച്ചത്. സാംബവിയാണ് മാതാവ്. സഹോദരങ്ങൾ: നിതിൻ, അവിനാശ്. ബദിയടുക്ക പൊലീസ് ഇൻക്വസ്റ്റ് നടത്തി.