നടനും തിരക്കഥാകൃത്തും സംവിധായകനുമായ ശ്രീനിവാസന് (69) അന്തരിച്ചു.
നടനും തിരക്കഥാകൃത്തും സംവിധായകനുമായ ശ്രീനിവാസന് (69) അന്തരിച്ചു.
കൊച്ചിയില് വച്ചായിരുന്നു അന്ത്യം.
48 വര്ഷം നീണ്ട സിനിമാജീവിതത്തില് ഇരുന്നൂറിൽ അധികം ചിത്രങ്ങളില് അഭിനയിച്ചിട്ടുണ്ട്.
നര്മത്തിന് പുതിയഭാവം നല്കിയ ശ്രീനി സ്വന്തം സിനിമകളിലൂടെ സാധാരണക്കാരന്റെ പ്രശ്നങ്ങള് നര്മത്തിന്റെ സഹായത്തോടേ വെള്ളിത്തിരയിൽ എത്തിച്ചവരില് മുന്നിലാണ്.
1976ല് പിഎ ബക്കര് സംവിധാനം ചെയ്ത മണിമുഴക്കം എന്ന ചിത്രത്തിലൂടെയാണ് അഭിനയരംഗത്ത് എത്തുന്നത്. 1984-ല് ഓടരുതമ്മാവാ ആളറിയും എന്ന സിനിമക്ക് കഥ എഴുതി തിരക്കഥാ രംഗത്തെത്തി.
പല സാധാരണ സാമൂഹിക പ്രശ്നങ്ങളും കുറിക്ക് കൊള്ളുന്ന സംഭാഷണങ്ങള് കൊണ്ടും അതിന്റെ സന്ദര്ഭപ്രാധാന്യം കൊണ്ടും അവിസ്മരണീയമാക്കുക എന്നത് ശ്രീനിവാസന്റെ സിനിമകളുടെ പ്രത്യേകതയാണ്. വടക്കുനോക്കിയന്ത്രം, ചിന്താവിഷ്ടയായ ശ്യാമള എന്നീ ചിത്രങ്ങളും സംവിധാനം ചെയ്തു.
Comments
Post a Comment