ബേബി ആശുപത്രിയിലെ ചികിത്സക്കിടെ കുട്ടിയുടെ മരണം; അനസ്തേഷ്യക്ക് പിന്നാലെ തലച്ചോറില് ഓക്സിജന് കിട്ടാത്തത് മരണകാരണമെന്ന് പോസ്റ്റ്മോര്ട്ടം റിപ്പോര്ട്ട്
കണ്ണൂര്: പയ്യന്നൂര് ബേബി മെമ്മോറിയല് ആശുപത്രിയില് ഒന്നര വയസുകാരന്റെ മരണത്തില് പോസ്റ്റ്മോര്ട്ടം റിപ്പോര്ട്ട് പുറത്ത്. ജനറല് അനസ്തേഷ്യ നല്കിയതിനെ തുടര്ന്ന് തലച്ചോറില് ആവശ്യത്തിന് ഓക്സിജന് കിട്ടാത്തതാണ് മരണ കാരണമെന്ന് പോസ്റ്റ്മോര്ട്ടം റിപ്പോര്ട്ടില് പറയുന്നു.
ജനറല് അനസ്തേഷ്യ നല്കിയുള്ള ശസ്ത്രക്രിയയുടെ ആവശ്യം ഇല്ലായിരുന്നുവെന്നും പോസ്റ്റ്മോര്ട്ടം റിപ്പോര്ട്ടില് ചൂണ്ടിക്കാട്ടുന്നു. ചുണ്ടിലും താടിയിലുമുള്ള മുറിവുകള് ആഴത്തിലുള്ളതല്ലെന്നും പോസ്റ്റ്മോര്ട്ടം റിപ്പോര്ട്ടില് പരാമര്ശമുണ്ട്.
ചുണ്ടിലും താടിയിലും പരിക്കേറ്റ ഒന്നര വയസുകാരന് പയ്യന്നൂര് എരമത്തെ സൂരജ്-വിജിഷ ദമ്പതികളുടെ മകന് ദേവാന്ഷ് ശൗര്യക്ക് അനസ്തേഷ്യ നല്കേണ്ട ആവശ്യം ഉണ്ടായിരുന്നില്ലെന്നാണ് പരിയാരം മെഡിക്കല് കോളേജില് നടത്തിയ പോസ്റ്റ്മോര്ട്ടത്തില് വ്യക്തമായത്.
അനസ്തേഷ്യ നല്കി 10 മിനിട്ടിനകം, തലച്ചോറിലേക്കുള്ള രക്തയോട്ടം കുറഞ്ഞു. ഇതോടെയാണ് കുട്ടി ബോധരഹിതനായതും അഞ്ച് ദിസത്തിന് ശേഷം മരിച്ചതും. പയ്യന്നൂര് ബേബി മെമ്മോറിയില് ആശുപത്രിയില് കുട്ടിക്ക്അനസ്തേഷ്യ നല്കിയ ഡോ. അഞ്ജലി പൊതുവാളിനെതിരെയാണ് നിലവില് കേസെടുത്തിരിക്കുന്നത്. പീഡിയാട്രിഷ്യന് ഡോ. ആശ നിര്മ്മല്, പ്ലാസ്റ്റിക് സര്ജന് ഡോ. ആരതി എന്നിരും അന്വേഷണ പരിധിയിലുണ്ട്. ഇവരുടെ ഫോണ് സ്വിച്ച് ഓഫാണ്.
മൂന്നുപേരും ചോദ്യം ചെയ്യലിന് ഹാജരാകണമെന്ന് പയ്യന്നൂര് ബേബി മെമ്മോറിയല് ആശുപത്രി മാനേജ്മെന്റിനെ പൊലീസ് അറിയിച്ചിട്ടുണ്ട്. മെഡിക്കല് ബോര്ഡ് രൂപീകരിക്കാന് കണ്ണൂര് ഡി.എം.ഒക്ക് അന്വേഷണ ഉദ്യോഗസ്ഥനായ പയ്യന്നൂര് ഡിവൈ.എസ്.പി കത്ത് നല്കിയിരുന്നു. പൊലീസ് ശേഖരിച്ച ചികിത്സാ രേഖകള് മെഡിക്കല് ബോര്ഡിന് കൈമാറും. ഇവരുടെ റിപ്പോര്ട്ട് ലഭിച്ചശേഷമാകും പൊലീസ് തുടര് നടപടികളേക്ക് കടക്കുക.
Comments
Post a Comment