കണ്ണൂർ താണ വാട്ടർ അതോറിറ്റി കാൻ്റീനിൽ പഴകിയ നിലയിൽ അജ്ഞാത മൃതദേഹം കണ്ടെത്തി.

 

കണ്ണൂർ: താണയിലുള്ള വാട്ടർ അതോറിറ്റി ഓഫീസിലെ കാന്റീൻ വർക്ക് ഏരിയയിൽ നിന്ന് അഴുകിയ നിലയിൽ അജ്ഞാത മൃതദേഹം കണ്ടെത്തി. കാന്റീൻ പരിസരത്തുനിന്ന് ശക്തമായ ദുർഗന്ധം വമിച്ചതിനെ തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്.മൃതദേഹത്തിന് ഏകദേശം രണ്ട് ദിവസത്തെ പഴക്കമുണ്ടെന്നാണ് പ്രാഥമിക നിഗമനം. പുഴു അരിച്ച നിലയിലാണ് മൃതദേഹം കാണപ്പെട്ടത്. കഴിഞ്ഞ മൂന്ന് ദിവസമായി ഈ കാന്റീൻ അടഞ്ഞുകിടക്കുകയായിരുന്നു.മരിച്ചയാൾ ഇടുക്കി കട്ടപ്പന സ്വദേശിയാണെന്ന് സംശയമുണ്ട്. ഇയാൾ കാന്റീനിലെ ജീവനക്കാരനാണോ അതോ മറ്റാരെങ്കിലും ആണോ എന്നത് സംബന്ധിച്ച് വ്യക്തത വന്നിട്ടില്ല. സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്.