പ്രവാസിയുടെ ഭാര്യയേയും മൂന്ന് മക്കളേയും അക്രമി വീട്ടിൽ അതിക്രമിച്ച് കയറി വെട്ടിക്കൊന്നു

144 കുപ്പി മാഹി മദ്യം പിടികൂടി

കണ്ണൂർ: മാഹിയിൽ നിന്നു മദ്യംകടത്തുകയായിരുന്ന സംഘം വാഹന പരിശോധന നടത്തുകയായിരുന്ന പോലീസ് സംഘത്തെ കണ്ട് ഓട്ടോ നിർത്താതെ പോയി പോലീസ് പിൻതുടരുന്നത് കണ്ട് മദ്യ കടത്തുകാർ മദ്യ ശേഖരവും ഓട്ടോയും ഉപേക്ഷിച്ച് ഓടി രക്ഷപ്പെട്ടു. ഇന്നലെ രാത്രി 10.30 മണിയോടെ സിറ്റി പോലീസ് സ്റ്റേഷൻ പരിധിയിൽ പടന്ന റോഡിൽ നിന്നാണ് പോലീസ് പിടികൂടിയത്. സിറ്റി സ്റ്റേഷൻ എസ്.ഐ.എൻ. സുനിൽ കുമാറിൻ്റെ നേതൃത്വത്തിൽ ജൂനിയർ എസ്.ഐ. ആൽബി ,എസ് ഐ. വിനോദ്, സീനിയർ സിവിൽ പോലീസ് ഓഫീസർമാരായ രാഗേഷ് ,രാജേഷ്, സ്നേഹേഷ്, സജിത്ത്, , ഡ്രൈവർബൈജു എന്നിവരടങ്ങിയ സംഘമാണ് മദ്യ ശേഖരം പിടികൂടിയത്. എട്ട്കെയ്സുകളിലായി സൂക്ഷിച്ച അര ലിറ്ററിൻ്റെ 144 കുപ്പി മാഹി മദ്യ ശേഖരമാണ് പോലീസ് പിടികൂടിയത്. കെ.എൽ.58.എഫ്.2785 നമ്പർഓട്ടോയും മദ്യവും പോലീസ് കസ്റ്റഡിയിലെടുത്തു പ്രതികൾക്കായി പോലീസ് അന്വേഷണം ഊർജിതമാക്കി.