കണ്ണൂർ : കഴുത്തിലെ കുടുക്ക് വിനയായി; കുറുക്കനെ വിഴുങ്ങാനാകാതെ പെരുമ്പാമ്പ് പിന്മാറി.

കഴുത്തിലെ കുടുക്ക് വിനയായി; കുറുക്കനെ വിഴുങ്ങാനാകാതെ പെരുമ്പാമ്പ് പിന്മാറി.

​ചാല: കഴുത്തിൽ കുടുങ്ങിയ ഇരുമ്പ് വളയം കാരണം ഇരയെ വിഴുങ്ങാനാകാതെ പെരുമ്പാമ്പ് പിൻവാങ്ങി. ചാലപ്പാലത്തിന് സമീപമുള്ള ചാലത്തോട്ടിലാണ് കുറുക്കനെ പാതി വിഴുങ്ങിയ നിലയിൽ പെരുമ്പാമ്പിനെ നാട്ടുകാർ കണ്ടത്. വ്യാഴാഴ്ച രാവിലെ ഒൻപതോടെയാണ് സംഭവത്തിൻ്റെ തുടക്കം . കുറുക്കനെ വിഴുങ്ങാൻ പാമ്പ് പരമാവധി ശ്രമിച്ചെങ്കിലും കഴുത്തിലുണ്ടായിരുന്ന ഇരുമ്പ് വളയം വായ വികസിപ്പിക്കുന്നതിന് തടസ്സമാവുകയായിരുന്നു.

​തുടർന്ന് കുറുക്കനെ പുറത്തേക്ക് തള്ളിയ പാമ്പ് തോട്ടിലൂടെ നീന്തി മറുകര പൂകി. പാമ്പിനെയും കുറുക്കനെയും കാണാൻ ആളുകൾ കൂട്ടത്തോടെ എത്തിയതോടെ ചാലപ്പാലം റോഡിൽ വൻ ഗതാഗതക്കുരുക്കാണ് രൂപപ്പെട്ടത്. വിവരമറിഞ്ഞ് സ്ഥലത്തെത്തിയ പോലീസ് ഏറെ പരിശ്രമിച്ചാണ് റോഡിലെ ജനക്കൂട്ടത്തെ മാറ്റി ഗതാഗതം പുനഃസ്ഥാപിച്ചത്.