ബൈക്ക് അപകടത്തിൽ ചികിത്സയിലായിരുന്ന ഉദുമ സ്വദേശികളായ രജീഷിനും അമീനും ദാരുണാന്ത്യം

 കുമ്പള ഷിറിയയിൽ നടന്ന ബൈക്ക് അപകടത്തിൽ ചികിത്സയിലായിരുന്ന ഉദുമ സ്വദേശികളായ രജീഷിനും അമീനും ദാരുണാന്ത്യം. തിങ്കളാഴ്ച വൈകീട്ട് 5.15-ഓടെ ദേശീയപാത 66-ൽ വെച്ച് ഇവർ സഞ്ചരിച്ച സ്കൂട്ടർ നിയന്ത്രണം വിട്ട് ഡിവൈഡറിലേക്ക് ഇടിച്ചാണ് അപകടമുണ്ടായത്. രജീഷ് സംഭവസ്ഥലത്ത് വെച്ചും, അമീൻ മംഗലാപുരത്തെ ആശുപത്രിയിൽ വെച്ചുമാണ് മരണപ്പെട്ടത്. കരിപ്പൊടി പള്ളി പരിസരത്ത് പൊതുദർശനത്തിന് വെച്ച മൃതദേഹങ്ങളിൽ രാഷ്ട്രീയ-സാമൂഹിക പ്രവർത്തകരും നാട്ടുകാരുമടക്കം വൻ ജനാവലി അന്തിമോപചാരം അർപ്പിച്ചു.