കുറുമാത്തൂർ വാർത്തകൾ, നാറാത്ത് വാർത്തകൾ, പാപ്പിനിശ്ശേരി വാർത്തകൾ

തളിപ്പറമ്പിലെ ട്രാവൽ ഏജൻസി സ്ഥാപനം കേന്ദ്രീകരിച്ച് കോടികളുടെ വിസ തട്ടിപ്പിനിരയായ യുവാവ് ജീവനൊടുക്കി തളിപ്പറമ്പിലെ ട്രാവൽ ഏജൻസി സ്ഥാപനം കേന്ദ്രീകരിച്ച് കോടികളുടെ വിസ തട്ടിപ്പിനിരയായ യുവാവ് ജീവനൊടുക്കി. വയനാട് പുൽപ്പള്ളി സ്വദേശിയായ ടോമി വിൻസി ദമ്പതികളുടെ മകൻ മുത്തേടത്ത് അനൂപ് ടോമി (24) യെയാണ് ജീവനൊടുക്കിയ നിലയിൽ കണ്ടെത്തിയത്. ജോലി തട്ടിപ്പിനിരയായ യുവാവ് വിദേശത്തെ ജോലി സ്വപ്നം ബാക്കിവെച്ചാണ് ജീവനൊടുക്കിയത്. ആറ് ലക്ഷം രൂപയാണ് യുവാവ് വിസക്കായി നൽകിയിരുന്നത്. കണ്ണൂർ ജില്ലയിലെ വിവിധ സ്ഥലങ്ങളിലുള്ളവരെയും സംസ്ഥാനത്തിൻ്റെ വിവിധ ഭാഗങ്ങളിൽ നിന്നായി 100 ഓളം പേരിൽ നിന്നാണ് തളിപ്പറമ്പ് ചിറവക്ക് കേന്ദ്രീകരിച്ച് പ്രവർത്തിച്ച സ്റ്റാർ ഹൈറ്റസ് ട്രാവൽസ് സ്ഥാപനം കോടികൾ തട്ടിയെടുത്തത്. തളിപ്പറമ്പ് പുളിമ്പറമ്പ് സ്വദേശിയായ പി. പി. കിഷോറിൻ്റെ ഉടമസ്ഥതയിൽ ആയിരന്നു സ്ഥാപനം. യു.കെ.യിലേക്ക് വിസ വാഗ്ദാനം നൽകി നിരവധി പേരിൽ നിന്നായി ബാങ്ക് വഴിയും നേരിട്ടുമായി അഞ്ച് ലക്ഷം മുതൽ ആറരലക്ഷം രൂപ വരെയാണ് കൈപ്പറ്റിയത്. കാലാവധി കഴിഞ്ഞിട്ടും വിസയോ കൊടുത്ത പണമോ ലഭിക്കാതായതോടെ ഉദ്യോഗാർഥികൾ ഇയാളെ തേടിയെത്തുമ്പോഴെക്കും തളിപ്പറമ്പ് ചി

കമ്പിൽ ശാഖ മുസ്‌ലിം ലീഗിന് പുതിയ ഭാരവാഹികൾ  കമ്പിൽ ശാഖ മുസ്‌ലിം ലീഗിനെ ഇനി ഇവർ നയിക്കും നാറാത്ത് പഞ്ചായത്ത് കമ്പിൽ ശാഖ മുസ്‌ലിം ലീഗിന് പുതിയ സാരഥികൾ.

പൂക്കോത്ത് തെരുവിലെ പി.ശങ്കരൻ നമ്പ്യാർ നിര്യാതനായി  പൂക്കോത്ത് തെരുവിലെ CPIM ബ്രാഞ്ച് മെമ്പർ പി.ശങ്കരൻ നമ്പ്യാർ (90) വയസ്സ് (റിട്ടയേർഡ് എയർ ഫോർ സ് , സിണ്ടിക്കറ്റ് ബേങ്ക് ) നിര്യാതനായി. ഭാര്യ ടി.സി. ജാനകി കുട്ടി ടീച്ചർ മക്കൾ :ലത ടി.സി (റിട്ടയേർഡ് ടീച്ചർ M HSS) മോഹനൻ ,ബാബു(ശിവ ശങ്കരൻ ) (റിട്ടയേർഡ് ആർമി ) മരുമക്കൾ : രമേശൻ മാസ്റ്റർ (റിട്ടയേർഡ് ടീച്ചർ M HSS) മഞ്ജുഷ ( എളംമ്പച്ചി , പെരിങ്ങോം പഞ്ചായത്ത് സിക്രട്ടറി, ലീന (ടീച്ചർ മഴൂർ GLPS ) സംസ്ക്കാരം നാളെ(ഞായർ ) 10 മണിക്ക് കീഴാറ്റൂർ പൊതു സ്മശാനത്തിൽ മൃതദേഹം രാവിലെ 8.30 മുതൽ പൂക്കോത്ത് തെരുവിലെ വീട്ടിൽ എത്തിക്കും

 മോക്ഡ്രിൽ ദുരന്തമായി: ബിനു സോമന്റെ സംസ്ക്കാരം ഇന്ന് പത്തനംതിട്ട: വൈകീട്ട് മൂന്ന് മണിക്ക് കല്ലൂപ്പാറ പൊതുശ്മശാന്തിലാണ് സംസ്ക്കാരം. നാട്ടുകാരുടെ നേതൃത്വത്തിലാണ് സംസ്ക്കാര ചടങ്ങുകൾ നടക്കുക. മല്ലപ്പള്ളിയിലെ മോർച്ചറിയിൽ സൂക്ഷിച്ചിരിക്കുന്ന മൃതദേഹം രാവിലെ 11 മണിക്ക് തുരുത്തികാടുള്ള വീട്ടിലെത്തിക്കും.

 അബ്ദുറഹ്മാൻ മാസ്റ്റർ നിര്യാതനായി കണ്ണൂർ ജില്ലാ മുസ്ലിം ലീഗ് പ്രവർത്തക സമിതി അംഗവും, തളിപ്പറമ്പ് മണ്ഡലം മുസ്ലിം ലീഗ് മുൻ പ്രസിഡണ്ടും, തളിപ്പറമ്പ് നിയോജക മണ്ഡലം യു.ഡി.എഫ് ചെയർമാനും, കെ.എസ്.ടി.യു മുൻ ജില്ലാ പ്രസിഡണ്ടും, കുറ്റ്യാട്ടൂർ ഗ്രാമ പഞ്ചായത്ത് മുൻ മെമ്പറും, കണ്ണൂർ ജില്ലയിലെ മുസ്ലിം ലീഗ് സംഘടനാ രംഗത്തെ പ്രമുഖ നേതാവും ആയിരുന്ന മാണിയൂരിലെ കെ.കെ അബ്ദുറഹ്മാൻ മാസ്റ്റർ നിര്യാതനായി. മൃതദേഹം ഇപ്പോൾ തണ്ടപ്പുറത്തുള്ള വീട്ടിലാണ് ഉള്ളത്. ഖബറടക്കം ഇന്ന് പന്ത്രണ്ട് മണിക്ക് പാറാൽ ജുമാഅത്ത് പള്ളിയിൽ നടക്കും.

 സുരേഷൻ നിര്യാതനായി. കുറുമാത്തൂർ എ കെ ജി വായനശാലയ്ക്ക് സമീപം താമസിക്കുന്ന സുരേഷ് കോറോത്ത് (50) നിര്യാതനായി. അമ്മ തമ്പായി, അച്ഛൻ പരേതനായ കൃഷ്ണൻ ഭാര്യ രമണി, മക്കൾ സമ്മർ, സ്വാതിക, സഹോദരങ്ങൾ ശശിധരൻ കെ (വാർഡ് മെമ്പർ, കുറുമാത്തൂർ), ഗൗരി, ഭാനുമതി പരേതനായ രാമകൃഷ്ണൻ. രാവിലെ 9 മണിക്ക് വീട്ടിൽ പൊതുദർശനത്തിന് വയ്ക്കും. സംസ്കാരം രാവിലെ 11 മണിയ്ക്ക് മഞ്ചച്ചാൽ പൊതു ശ്മശാനത്തിൽ.

 പാപ്പിനിശ്ശേരി ചുങ്കം  റെയിൽവേ സ്റ്റേഷൻ റോഡിന് സമീപം വാഹനാപകടം ഒരാൾക്കു പരിക്ക്  പാപ്പിനിശ്ശേരി ചുങ്കം  റെയിൽവേ സ്റ്റേഷൻ റോഡ് വാഹനാപകടത്തിൽ ഒരാൾക്ക് പരിക്ക്. കാറും ബൈക്കും കൂട്ടിയിടിച്ച് ആണ് അപകടം നടന്നത്

യാത്രയയപ്പ് നൽകി   31.12.2022 ന് പാപ്പിനിശ്ശേരി സബ്ജില്ലാ എ ഇ ഒ ഓഫീസിൽ നിന്നും വിരമിക്കുന്ന സീനിയർ സൂപ്രണ്ട് ശ്രീമതി എം.എസ് സ്റ്റേഹലതയ്ക്ക് Kerala Aided School Last Grade Employees Union പാപ്പിനിശ്ശേരി സബ്‌ജില്ലയുടെ യാത്രയയപ്പ് ആർ.കെ.യു.പി.സ്കൂളിൽ നടന്നു. ചടങ്ങിൽ ശ്രീകുമാർ കെ നായർ സ്വാഗതവും സബ് ജില്ലാ സെക്രട്ടറി കെ.എൻ. രാജു അദ്ധ്യക്ഷത വഹിച്ചു. ജില്ലാ പ്രസിഡണ്ട് എം.ജി. സജിത്ത് ഉപഹാരം നൽകി. വിപിൻ വിശ്വനാഥ് നന്ദിയും പറഞ്ഞു.

 ഫുട്ബോള്‍ ഇതിഹാസം പെലെ അന്തരിച്ചു സാവോപോളോ: ഫുട്ബോള്‍ രാജാവ്  പെലെ അന്തരിച്ചു. ആരോഗ്യനില മോശമായതിനെ തുടർന്ന് ഒരു മാസമായി ആശുപത്രിയിലായിരുന്നു. 82 വയസായിരുന്നു. കീമോതെറാപ്പിയോടും മരുന്നുകളോടും പ്രതികരിക്കാത്തതിനാല്‍ പെലെയെ പാലിയേറ്റീവ് കെയറിലേക്ക് മാറ്റിയിരുന്നു. ബ്രസീലിനായി ഏറ്റവും കൂടുതല്‍ ഗോള്‍ നേടിയ താരമായ പെലെ അവരുടെ മൂന്ന് ലോകകപ്പ് വിജയങ്ങളില്‍(1958, 1962, 1970) നിര്‍ണായക സംഭാവന നല്‍കി. 92 മത്സരങ്ങളില്‍ 77 ഗോളാണ് ബ്രസീല്‍ കുപ്പായത്തില്‍ പെലെ നേടിയത്.

  I R P C നാറാത്ത് ലോക്കലിന് ധനസഹായം  കൈമാറി  നാറാത്ത് കോട്ടാഞ്ചേരി സിന്ധു Late ചന്ദ്രൻ എന്നിവരുടെ മകൾ ചാന്ദ്നി ചന്ദ്രന്റെ വിവാഹത്തോട് അനുവന്ധിച്ച് I R P C നാറാത്ത് ലോക്കലിന് ധനസഹായം കെ വി സുമേഷ് M L A ഏറ്റുവാങ്ങുന്നു CPI M നാറാത്ത് ലോക്കൽ സെക്രട്ടറി  N അശോകൻ CPIM ബ കോട്ടാഞ്ചേരി ബ്രാഞ്ച് . സെക്രട്ടറി പി. ചന്ദ്രൻ യു. കെ ഷാജി എന്നിവർ പങ്കെടുത്തു

നാറാത്ത് ഓണപറമ്പ് ശ്രീ ചുള്ളേരി ഭാസ്കരൻ നിര്യാതനായി  നാറാത്ത് ഓണപറമ്പ് ചുള്ളേരി തറവാട് കാരണവർ ശ്രീ ചുള്ളേരി ഭാസ്കരൻ 92നിര്യാതനായി, ഭാര്യ സത്യവതി പി വി മക്കൾ മാലതി, ശ്രീനിവാസൻ, ഗണേശൻ, മരുമക്കൾ രവീന്ദ്രൻ (പെരുമാചേരി )രാഗിണി (ചെങ്ങളായി )സീമ (കണ്ണാടിപറമ്പ് )സഹോദരങ്ങൾ നാരായണി പരേതനായകുഞ്ഞിരാമൻ,ബാലൻ. സംസ്കാരം വെള്ളിയാഴ്ച രാവിലെ 11മണിക്ക് പയ്യാമ്പലം

 കളഞ്ഞു പോയ പണവും മൊബൈൽ അടങ്ങുന്ന ബാഗ് ഉടമസ്ഥൻ തിരിച്ച് നൽകി ഓട്ടോ ഡ്രൈവർ മാതൃകയായി. പഴയങ്ങാടി; ഓട്ടോയിൽ യാത്രക്കാരൻ കളഞ്ഞു പോയ പണവും മൊബൈൽ അടങ്ങുന്ന ബാഗ് ഉടമസ്ഥൻ തിരിച്ച് നൽകി ഓട്ടോ ഡ്രൈവർ മാതൃകയായി. വാടിക്കൽ കടവ് സ്വദേശിയും പുല്ലാനിട താമസക്കാരനുമായ ഓട്ടോ ഡ്രൈവർ പി പി ഉബൈദ് ആണ് മാതൃകയായത്.കഴിഞ്ഞ ദിവസം വൈകിട്ട് ചൂടാട് ബീച്ചിൽ നിന്നും വെല്ലിക്കൾലേക് ട്രിപ്പ് പോയിരുന്നു.തിരിച്ച് വന്നപ്പോഴാണ് ഓട്ടോയിൽ ബാഗ് കണ്ടത്. ബാഗിൽ നിന്ന് കണ്ടെത്തിയ മൊബൈൽ നിന്ന് ഉടമയുടെ നമ്പർ കണ്ടെത്തി.തുടർന്ന് ഉടമയായ വെല്ലികീലിലെ അഷ്റഫിനെ വിളിച്ച് വിവരം അറിയിച്ചു.ഉടമയുടെ വീട്ടിൽ എത്തിയ ഓട്ടോ ഡ്രൈവർ ബാഗ് ഉടമസ്ഥൻ നൽകി.ബാഗിൽ പന്ത്രണ്ടായിരം രൂപയും ഫോണും ആണ് ഉണ്ടായത് .

അപകടത്തിൽപ്പെട്ട് ദീർഘനാളായി ചികത്സിയിലായിരുന്ന എ. സുജിത്ത് 42 വയസ്സ്( കണ്ടക്ടർ ) നിര്യാതനായി  കടമ്പേരി : സി.പി. ഐ.എം റെഡ്സ്റ്റാർ ബ്രാഞ്ച് അംഗം സ: എരയിൽ ചന്ദ്രൻ്റെ അനുജൻ എ. സുജിത്ത് - (42 വയസ്സ്) കണ്ടക്ടർ മരണപ്പെട്ടു. അപകടത്തിൽപ്പെട്ട് ദീർഘനാളായി ചികത്സിയിലായിരുന്നു .. ഭാര്യ: ദിവ്യ .. മക്കൾ: ഹരിത്ത്, അംജിത്ത്, നിവാൻഷി സഹോദരങ്ങൾ: എരയിൽ ചന്ദ്രൻ കടമ്പേരി, രാമകൃഷ്ണൻ കടമ്പേരി, മനോഹരൻ മാങ്ങാട്, ലക്ഷ്മണൻ കൂവേരി, രാജിനി മാങ്ങാട് അരയാല, സജീവൻ കുറുമാത്തൂർ. മൃതദേഹം ഉച്ചയ്ക്ക് 2 മണിക്ക് കടമ്പേരി സി. ആർ.സി. പരിസരത്ത് പൊതുദർശനത്തിന് വയ്ക്കും

 നെല്ലിയോട് P P ഗോവിന്ദൻ സ്മാരക കലാസമിതിക്ക് സമീപം താമസിക്കുന്ന വിജയൻ പി പി നിര്യാതനായി. നെല്ലിയോട് P P ഗോവിന്ദൻ സ്മാരക കലാസമിതിക്ക് സമീപം താമസിക്കുന്ന വിജയൻ പി പി (70 വയസ്സ്, സുരഭി ഹൌസ് )നിര്യാതനായി. ഭാര്യ - കാർത്യയാനി പി പി (Rtd: welfare hostel warden, തളിപ്പറമ്പ ) മക്കൾ - മഞ്ജുള പി പി(ദുബായ് ), നിജുല പി പി (ഇൻഫോ പാർക്ക്‌ ) സഹോദരി - ഭവാനി പി പി  മരുമക്കൾ - സുജിത് (മതുക്കൊത് ), വിനോജ് (അഞ്ചാം പീടിക ) ശവസംസ്കാരംഇന്ന് വൈകുന്നേരം 4 മണിക്ക് മടയിച്ചാൽ ശ്മശാനത്തിൽ...

 ലിജിഷയുടെ മരണം; ഭർത്താവ് മർദിച്ചെന്ന് പരാതി അധ്യാപിക വിഷം കഴിച്ച് മരിച്ച സംഭവത്തിന് പിന്നിൽ ഭർത്താവിന്റെ മർദനമാണെന്ന് പോലീസിന് നൽകിയ പരാതിയിൽ അച്ഛൻ കെ.പി പങ്കജാക്ഷൻ. കുറ്റ്യാട്ടൂർ വടുവൻകുളത്തെ ആരവ് വില്ലയിലെ മുണ്ടേരി സെൻട്രൽ യു.പി സ്കൂൾ അധ്യാപിക ലിജിഷ മരിച്ചത് ഭർത്താവ് പിലാത്തറയിലെ സൈനിക ഉദ്യോഗസ്ഥനായ പി.വി ഹരീഷിന്റെ പീഡനം മൂലമാണെന്ന് മയ്യിൽ പോലീസിൽ നൽകിയ പരാതിയിൽ പറയുന്നു. കഴിഞ്ഞ 21ന് രാത്രിയാണ് ലിജിഷ വിഷം കഴിച്ചത്. അന്ന് ഭർത്താവ് മർദിച്ചെന്ന് പരാതിയിലുണ്ട്. ചെലവിന് പോലും പണം തരാറില്ലെന്ന് ലിജിഷ സൈനിക ഉദ്യോഗസ്ഥർക്ക് കത്ത് എഴുതിയതായും പരാതിയിൽ പറയുന്നു. സംഭവ ദിവസം ഫോൺ എറിഞ്ഞ് ഉടയ്ക്കുകയും ചെയ്തിരുന്നു. എന്നാൽ സംസ്കാര ചടങ്ങിനിടെ ലിജിഷയുടെ ബന്ധുക്കളും നാട്ടുകാരും ഭർത്താവിനെ കൈയേറ്റം ചെയ്യാൻ ശ്രമിച്ചു എന്ന് പ്രചരിക്കുന്ന വാർത്ത അടിസ്ഥാന രഹിതമാണെന്ന്‌ കെ.പി പങ്കജാക്ഷനും ബന്ധുക്കളും അറിയിച്ചു.

 മുസ്‌ലിം ലീഗ് വനിതാ സമ്മേളനം സമാപിച്ചു കമ്പിൽ : നാറാത്ത് പഞ്ചായത്ത് കമ്പിൽ ശാഖ മുസ്‌ലിം ലീഗ് വനിതാ സംഗമം സംസ്ഥാന വനിതാ ലീഗ് സെക്രട്ടറി റോഷ്‌നി ഖാലിദ് ഉദ്ഘാടനം ചെയ്തു. വനിതാ ലീഗ് മണ്ഡലം സെക്രട്ടറി റംസീന മൊയ്‌തീൻ മുഖ്യ പ്രഭാഷണം നടത്തി. മുസ്‌ലിം ലീഗ് ശാഖ വർക്കിങ് പ്രസിഡണ്ട് മുഹമ്മദ്‌ കുഞ്ഞി.വനിതാ ലീഗ് പഞ്ചായത്ത് സെക്രട്ടറി ഹസീന എ വനിതാ ലീഗ് മുൻ മുൻ ജില്ലാ സെക്രട്ടറി ഖയറുന്നിസ കെ റഹ്മത്ത് എം പി, സുമയ്യ കെ എന്നിവർ സംസാരിച്ചു.

 പാപ്പിനിശ്ശേരി പിലാത്തറ  കെ എസ് ടി പി  റോഡിൽ ടാറിംഗ് തുടങ്ങി. പാപ്പിനിശ്ശേരി: പാപ്പിനിശ്ശേരി മുതൽ പിലാത്തറ വരെ നീളുന്ന കെ എസ് ടി പി യുടെ നേതൃത്വത്തിൽ നവീകരിച്ച റോഡ് പൊതുമരാമത്ത് വകുപ്പ് ഏറ്റെടുത്ത് മെക്കാഡം ചെയ്ത് നവീകരിക്കുനതിനാണ് തുടക്കമിട്ടത്.2018 ൽ ഉൽഘാടനം ചെയ്ത റോഡിൽ നാല് വർഷത്തിനിടെ തന്നെ പല ഭാഗത്തും ടാറിംഗ് ഇളകി കുഴികൾ രൂപപ്പെട്ടിരുന്നു.  പൊട്ടിപ്പൊളിഞ്ഞ് കിടക്കുന്ന പാപ്പിനിശ്ശേരി പഴയങ്ങാടി കവല മുതൽ  500 മീറ്റർ നീളത്തിൽ കാട്ടിലേപള്ളിക് സമീപം വരെയാണ് ഇപ്പൊൾ പണി നടത്തിയത്. രണ്ടാം ഘട്ടമായി പാപ്പിനിശ്ശേരി കവലയിൽ നിന്ന് 11 കിലോമീറ്റർ അകലെ 600 മീറ്ററും 17 കിലോമീറ്റർ അകലെ 600 മീറ്ററും മെക്കാഡം ടാറിംഗ് നടത്തും. മൂന്ന് ഘട്ടമായി ചെയ്യുന്ന പ്രവൃത്തിക്ക് 75 ലക്ഷം രൂപയാണ് വകയിരുതിയത്. കണ്ണൂരിലെ സ്വകാര്യ കമ്പനിയാണ് ടെൻഡർ എടുത്തിരിക്കുന്നത്. 

 ആലപ്പുഴയില്‍ ഹൗസ് ബോട്ട് മുങ്ങി ഒരാള്‍ മരിച്ചു.  ആലപ്പുഴ: ആലപ്പുഴയില്‍ ഹൗസ് ബോട്ട് മുങ്ങി ഒരാള്‍ മരിച്ചു. ചുങ്കം കന്നിട്ട ബോട്ടുജെട്ടിക്ക്സമീപമാണ് അപകടമുണ്ടായത് .ആന്ധ്രാ സ്വദേശി രാമചന്ദ്ര റെഡ്ഡി ആണ് മരിച്ചത്.  രാവിലെആറുമണിയോടെയാണ് അപകടമുണ്ടായത്. ആന്ധ്രയില്‍ നിന്നുള്ള നാലംഗസംഘംഇന്നലെയാണ് പുന്നമടക്കായലില്‍ വിനോദസഞ്ചാരത്തിനെത്തിയത്. ടൂര്‍ കഴിഞ്ഞ് രാത്രി ഇവര്‍ ഹൗസ് ബോട്ടില്‍തന്നെകിടന്നുറങ്ങുകയായിരുന്നു.  രാവിലെഅഞ്ചുമണിയോടെയാണ് ബോട്ട് മുങ്ങുന്നത് മറ്റു ബോട്ടു ജീവനക്കാര്‍ കണ്ടത്. ഉടന്‍ തന്നെ ഇവര്‍ ബോട്ടിലുണ്ടായിരുന്ന ടൂറിസ്റ്റുകളെയുംജീവനക്കാരനെയും പുറത്തെത്തിച്ചു. തുടര്‍ന്ന് ആലപ്പുഴ ജനറല്‍ ആശുപത്രിയിലേക്ക് മാറ്റി.   എന്നാല്‍ ഇവരില്‍ ഒരാള്‍ ആശുപത്രിയില്‍ വെച്ച് മരിച്ചു. മറ്റു നാലുപേരും ആശുപത്രിയില്‍ ചികിത്സയിലാണ്. ബോട്ടിന്റെ അടിത്തട്ടിലെ പലക തകര്‍ന്ന് വെള്ളം അകത്തു കയറിയതാണ് അപകടകാരണമെന്നാണ് പ്രാഥമിക നിഗമനം.

 ആനന്ദ വല്ലി ടി. വി. നിര്യാതയായി പരേതനായ സി.വി. സുരേഷ് കുമാറിൻ്റെ ഭാര്യ ഐക്കൽ പള്ളിക്കര വീട്ടിൽ ആനന്ദവല്ലി ടീ വി (56) അന്തരിച്ചു. മക്കൾ നിഖിൽ, അഖിൽ. മാതാപിതാക്കൾ പരേതരായ പി.വി.അച്യുതൻ നമ്പിയാർ, ടീ.വി.ജാനകി അമ്മ. മരുമക്കൾ വിദ്യ (പരിപ്പായി), ശില്പ (അഴീക്കോട്). സഹോദരങ്ങൾ സദാനന്ദൻ, ജയാനന്ദൻ, ഹേമാനന്ദൻ. സംസ്കാരം 29 ന് രാവിലെ 11 മണിക്ക് അരോളി സമുദായ ശ്മശാനത്തിൽ

പി സി രവീന്ദ്രൻ നിര്യാതനായി .   മുൻകാല മാർകിസ്റ്റ് നമ്പ്യാർ പരേതനായ നാരായണൻ നമ്പിയാരുടെ മകൻ പി സി രവീന്ദ്രൻ (72) നിര്യാതനായി . അമ്മ പരേതയായ പി സി നാരായണി അമ്മ. മക്കൾ രതീഷ് , രമ്യ, രജീഷ് മരുമക്കൾ അമൃത, അനിൽ, നീതി സഹോദരങ്ങൾ : പി സി പവിത്രൻ, ദിവാകരൻ , ശശിധരൻ , പ്രീത, രജിത. പരേതനായ പ്രഭാകരൻ, പരേതയായ ശോഭന.. സംസ്കാരം ഇന്ന് 2.30 പുലൂപ്പി ശ്മശാനത്തിൽ

 കണ്ണൂരിൽ ആയിരങ്ങളെ അണിനിരത്തി കോൺഗ്രസ്സ് ജന്മദിന റാലി. കണ്ണൂർ: രാജ്യത്തെ ജനങ്ങളെ ഭിന്നിപ്പിച്ച് അരാജകത്വം സൃഷ്ടിക്കുന്ന മോദി ഭരണത്തിൻ എതിരെ രാജ്യത്തെ ജനങ്ങളെ ഒന്നിപ്പിക്കുകയെന്ന മന്ത്രവുമായി ആണ് ഇന്ത്യൻ നാഷണൽ കോൺഗ്രസ്സ് നേതാവ് രാഹുൽ ഗാന്ധി തെക്ക് കന്യാകുമാരി മുതൽ വടക്ക് ജമ്മുകാശ്മീർ വരെ ഗ്രാമത്തെ തൊട്ടറിഞ്ഞ് ഭാരത് ജോടോ യാത്ര നടത്തുന്നതെന്ന് കെ.പി.സി.സി പ്രസിഡൻ്റ് കെ സുധാകരൻ എം പി കോൺഗ്രസ്സ് 138 ആം ജന്മദിന ആഘോഷത്തിൻ്റെ ഭാഗമായി കണ്ണൂർ ജില്ലാ കോൺഗ്രസ്സ് ജില്ലാ കമ്മിറ്റി നടത്തിയ ആയിരങ്ങൾ അണിനിരന്ന ജന്മ ദിന റാലി സ്റ്റേഡിയം കോർണറിൽ ഉൽഘാടനം ചെയ്തു സംസാരിക്കുക ആയിരുന്നു അദ്ദേഹം. ഇന്ത്യ സ്വാതന്ത്ര്യം നേടുമ്പോൾ ചിനഭിന്നമായി കിടന്ന ഒരു ഒരു നാരുരാജ്യത്തെയാണ് ബ്രിട്ടീഷ് കാർ കയ്യിലേൽ പ്പിച്ചത്. ഇവിടെ ഭരിക്കുന്ന സർക്കരുടെ നെറികെട്ട ഭരണതെ കുറിച്ച് പറഞ്ഞ് പവിത്രത കളയാൻ ഉദ്ദേഷികുനില്ലെനും സുധാകരൻ പറഞ്ഞു. ഡീ സി സി പ്രസിഡൻ്റ് അഡ്വ: മാർട്ടിൻ ജോർജ് അധ്യക്ഷത വഹിച്ചു. നേതാക്കളായ എം നാരായണൻ കുട്ടി,മുഹമ്മദ് ശമ്മാസ്, റഷീദ് കവായി, എം വി മധുസൂദനൻ തുടങ്ങിയവർ നേതൃത്വം നൽകി.

 പട്ടുവം മംഗലശേരിയിൽ താമരപ്പള്ളി പുല്ലായ്ക്കൊടി പരാളിയമ്മ കൊട്ടത് കളിയാട്ടം ഡിസംബർ 28 മുതൽ 30 വരെ ആഘോഷിക്കും. തളിപ്പറമ്പ്: പട്ടുവം മംഗലശേരി താമരപ്പള്ളി പുല്ലായ്ക്കൊടി പരാളിയമ്മ കൊട്ടത് കളിയാട്ടം ഡിസംബർ ഡിസംബർ 28 മുതൽ 30 വരെ ആഘോഷിക്കും. 28 ന് വൈകുന്നേരം 4 മണിക്ക് മുതിർച്ചയോട് കൂടി കളിയാട്ട ആരംഭം.  6 മണിക്ക് ദീപാരാധന തോറ്റങ്ങൾ. തുടർന്ന് തിരുവാതിര കളി കുട്ടികളുടെ നൃതങ്ങൾ എന്നിവ ഉണ്ടായിരിക്കും.  രാത്രി 12 മണിക്ക് വണ്ണാത്തിപോതി തെയ്യം. 29 ന് പുലർച്ചെ ആനാടി പൊതി കമ്മിയമ്മ,രാവിലെ 8 മണിക്ക് പരാലിയമ്മ തെയ്യങ്ങൾ. 30 ന് നേർച്ച തെയ്യവും നടക്കും.

 കരിങ്കൽകുഴിയിലെ നുംബളി യശോദ നിര്യാതയായി. കരിങ്കൽകുഴി: സി യശോദ നുംബളി നിര്യാതയായി.  മക്കൾ: സുകുമാരി,വസന്ത,പ്രസന്ന,സുനില,രാജൻ,ഷാജി,ശ്രീജ,പരേതനായ മനോഹരൻ. മരുമക്കൾ: ഭാസ്കരൻ,( വല്ലുവൻകടവ്)രാജൻ(ചെറുകുന്ന്),ഹരീന്ദ്രൻ(മാതോടം),സീത,( ചെറുകുന്ന്)ശ്രീദേവി(വടക്കാഞ്ചേരി),പരേതനായ ബാലൻ,കണ്ണൻ. സംസ്കാരം വൈകുനേരം 7 മണിക്ക് പാടിക്കുന്ന് ശ്മശാനത്തിൽ.

 കണ്ണൂരിലെ ബോര്‍ഡ് ആര് വെച്ചതായാലും നീക്കം ചെയ്യാൻ പാർട്ടി പ്രവർത്തകരോട്‌ നിർദ്ദേശിച്ച്‌ പി ജയരാജൻ പി ജയരാജനെ അനുകൂലിച്ച് കണ്ണൂരില്‍ ഫ്‌ളെക്‌സ് ബോര്‍ഡ്. അഴീക്കോട് സൗത്ത് കാപ്പിലപീടികയിലെ റോഡ് സൈഡിലാണ് ബോര്‍ഡ് സ്ഥാപിച്ചിരിക്കുന്നത്. 'ഒരു കമ്മ്യൂണിസ്റ്റിന്റെ കയ്യില്‍ 2 തോക്കുകള്‍ ഉണ്ടായിരിക്കണം. ഒന്ന് വര്‍ഗ ശത്രുവിന് നേരെയും രണ്ട് പിഴയ്ക്കുന്ന സ്വന്തം നേതൃത്വത്തിനെതിരെയും' എന്നാണ് ബോര്‍ഡിലുള്ളത്. പി ജയരാജന്‍ കൈവീശി അഭിവാദ്യം ചെയ്യുന്ന ചിത്രവും ബോര്‍ഡിലുണ്ട്. ബോര്‍ഡ് വാര്‍ത്തയായതിനെ തുടര്‍ന്ന് പി ജയരാജന്‍ പ്രതികരണവുമായി രംഗത്തെത്തി. പി ജയരാജന്‍റെ ഫേസ്ബുക്ക് പോസ്റ്റ് പൂർണരൂപം കണ്ണൂർ കപ്പക്കടവിൽ എന്റെ ഫോട്ടൊയുള്ള ഒരു ഫ്ളക്സ് ബോർഡ് പ്രത്യക്ഷപ്പെട്ടു എന്നതാണ് ഇന്നത്തെ വലതുപക്ഷ മാധ്യമ വാർത്ത ! പാർട്ടിയിൽ ഭിന്നത ഉണ്ടെന്നു വരുത്താനാണു വലതുപക്ഷ ശ്രമം. അതിന് വേണ്ടി പല തന്ത്രങ്ങളും അവർ ഉപയോഗിക്കും.സ്വയം പോസ്റ്റർ ഒട്ടിച്ച് വാർത്തയാക്കുന്ന മാധ്യമപ്രവർത്തകർ ഉള്ള നാടാണിത്.അതുകൊണ്ട്തന്നെ പാർട്ടി പ്രവർത്തകർ ജാഗ്രതയോടെ ഇരിക്കണം. ആര് വെച്ചതായാലും ഈ ഫ്ളക്സ് ബോർഡ്‌ ഉടൻ നീക്കം ചെയ്യാൻ പ്രദേശത്തെ പാർ

 സ്നേഹക്കൂട്ട് സഹവാസ ക്യാമ്പ് തുടങ്ങി പാപ്പിനിശ്ശേരി : സമഗ്ര ശിക്ഷാ കേരളം ബി ആർ സി പാപ്പിനിശ്ശേരിയുടെ നേതൃത്വത്തിൽ ഭിന്നശേഷി കുട്ടികൾക്കായുള്ള ദ്വിദിന സഹവാസ ക്യാമ്പിന് കല്ല്യാശ്ശേരി കെ പി ആർ ഗോപാലൻ സ്മാരക ഗവ.ഹയർ സെക്കൻഡറി സ്കൂളിൽ തുടക്കമായി കണ്ണൂർ ബ്ലോക്ക് പഞ്ചായത്ത് പ്രസിഡന്റ് കെ സി ജിഷ ഉദ്ഘാടനം ചെയ്തു. കല്ല്യാശ്ശേരി ഗ്രാമ പഞ്ചായത്ത് പ്രസിഡന്റ് ടി ടി ബാലകൃഷ്ണൻ അധ്യക്ഷത വഹിച്ചു. എസ് എസ് കെ കണ്ണൂർ ഡി പി ഒ അശോകൻ ടി പി പദ്ധതി വിശദീകരണം നടത്തി. പഞ്ചായത്ത് മെമ്പർമാരായ വനജ സി പി , സ്വപന കുമാരി ,  ഡയറ്റ് ഫാക്കൽറ്റി ബീന കെ, പ്രിൻസിപ്പാൾ സുശീല വി , ഹെഡ്മിസ്ട്രസ്സ് ഇൻ ചാർജ് മീര പി വി ,  എ ഇ ഒ വിനോദ് കുമാർ പി വി , പി ടി എ പ്രസിഡന്റ് സതീശൻ എൻ , സ്പെഷ്യൽ എഡ്യുക്കേറ്റർ സുമതി എം വി എന്നിവർ ആശംസകളർപ്പിച്ചു സംസാരിച്ചു. ബി പി സി പ്രകാശൻ കെ സ്വാഗതവും ട്രെയ്നർ സീമ സി നന്ദിയും പറഞ്ഞു.  ലഹരി വിരുദ്ധ സന്ദേശം നൽകുന്ന ഫ്ളാഷ് മോബോടുകൂടി ക്യാമ്പ് ആരംഭിച്ചു. കൊട്ടും പാട്ടും, കരവിരുത്, പ്രകൃതി നടത്തം,   കലാ പരിപാടികൾ, നാടൻ പാട്ട്, തുടങ്ങിയവ നടന്നു.  ക്യാമ്പ് ഫയറോടു കൂടി ഒന്നാം ദിവസത്തെ പ്രവർത്തനങ്ങൾ സമാപിച്

 മുല്ലക്കൊടി ടൂറിസം പാർക്കിന് അഞ്ച് കോടിയുടെ ഭരണാനുമതി മയ്യിൽ മുല്ലക്കൊടി തീരദേശവും ഇനി ടൂറിസം മാപ്പിലേക്ക്. വളപട്ടണം പുഴയുടെ തീരത്തെ പ്രകൃതിരമണീയമായ മുല്ലക്കൊടി പുഴയോര തീരദേശ റോഡ് കേന്ദ്രീകരിച്ച് പാർക്ക് വേ ടൂറിസം പദ്ധതിക്കാണ് അഞ്ച് കോടി രൂപയുടെ ഭരണാനുമതി ലഭിച്ചത്. കുട്ടികളുടെ കളിയിടം, നടപ്പാത, പുൽത്തകിടി, കിയോസ്‌കുകൾ, തുറന്ന റസ്‌റ്റോറന്റുകൾ, കാരവാൻ പാർക്കിങ് ഏരിയ, ആംഫി തിയേറ്റർ തുടങ്ങിയവയുടെ നിർമാണങ്ങൾക്കാണ് അനുമതി ലഭിച്ചിട്ടുള്ളതെന്ന് പഞ്ചായത്തംഗം എം അസൈനാർ അറിയിച്ചു. എം.വി ഗോവിന്ദൻ എം.എൽ.എയുടെ നിർദേശത്തെ തുടർന്നാണ് മുല്ലക്കൊടി ടൂറിസത്തിനായി കരട് പദ്ധതി സമർപ്പിച്ചത്.

 മാട്ടൂൽ സ്വദേശി ദുബൈയിൽ വെച്ച് മരണപ്പെട്ടു  മാട്ടൂൽ മൂസക്കാൻ പള്ളിക്ക് സമിപം M K അബ്ദുല്ല ഹാജിയുടെ മരുമകനും പാറക്കണ്ടി സാലിയുടെ ഭാര്യാ സഹോദരനുമായ എം കെ ശഹനാദ് (32) ദുബായിൽ മരണപ്പെട്ടു

 കർണാടകയിൽ ബസും കാറും കൂട്ടിയിടിച്ച് മൂന്ന് മലയാളികൾ മരിച്ചു കർണാടകയിൽ സ്വകാര്യ ബസും കാറും കൂട്ടിയിടിച്ച് മൂന്ന് മലയാളികൾ മരിച്ചു. കാസർകോട് തളങ്കര നുസ്രത്ത് നഗറിലെ കെ.എ മുഹമ്മദ് കുഞ്ഞി, ഭാര്യ ആയിഷ, പേരക്കുട്ടി എന്നിവരാണ് മരിച്ചത്.  കർണാടകയിൽനിന്ന് നാട്ടിലേക്ക് മടങ്ങുമ്പോഴായിരുന്നു അപകടം. 2014ല്‍ എംജി റോഡിലെ ഫര്‍ണീച്ചര്‍ കടയില്‍ കുത്തേറ്റ് കൊല്ലപ്പെട്ട സൈനുല്‍ ആബിദിന്റെ മാതാപിതാക്കളാണ് അപകടത്തില്‍ മരിച്ചത്. അപകടത്തെ കുറിച്ച് കൂടുതല്‍ അന്വേഷണം നടത്തി വരികയാണെന്ന് ഹനഗല്‍ പൊലീസ് പറഞ്ഞു. മുഹമ്മദ് കുഞ്ഞിയുടെ ഉടമസ്ഥതയിലുള്ള കടയിൽവെച്ചായിരുന്നു സെനുൽ ആബിദിനെ കൊലപ്പെടുത്തിയത്. കട അടക്കാനായി സാധനങ്ങൾ അടുക്കിവെക്കുന്നതിനിടെ രാത്രി 10 മണിയോടെ കടയിലെത്തിയ അക്രമികൾ മുഹമ്മദ് കുഞ്ഞിയുടെ മുന്നിലിട്ടാണ് സൈനുൽ ആബിദിനെ വെട്ടിക്കൊലപ്പെടുത്തിയത്.

കവിണിശ്ശേരി ശ്രീ കൂവ്വപ്പ്രത്ത് കാവിൻ സമീപം പണ്ടാരപ്പുരയിൽ രാഘവൻ നിര്യാതനായി കവിണിശ്ശേരി ശ്രീ കൂവ്വപ്പ്രത്ത് കാവിൻ സമീപം പണ്ടാരപ്പുരയിൽ രാഘവൻ (80) നിര്യാതനായി.  ഭാര്യ:യശോദ  മക്കൾ: ഗീത(നേരുവമ്പ്രം) രാജീവൻ രാജേഷ്(അബുദാബി)ഷാജി(ദുബൈ) ഷൈജു(അബുദാബി)ബൈജു(അബുദാബി) മരുമക്കൾ: രാജൻ( നേരുവംബ്രം)സ(കണ്ണപുരം) സജിന(പൂമംഗലം)ബിന്ദു(കുഞ്ഞിമംഗലം)രശ്മി(കുനെരൂ ) സഹോദരങ്ങൾ: ശാരദ, നാരായണി,ദേവി,പ്രേമ,പരേതനായ ജാനകി. സംസ്കാരം നാളെ (28.12.2022) ന്  രാവിലെ 9:30 ന് കവണ്ണിശ്ശേരി ശ്മശാനത്തിൽ.

 കമ്പിൽ ശാഖ മുസ്ലിം ലീഗ് സമ്മേളനം നാളെ  കമ്പിൽ: കമ്പിൽ ശാഖ മുസ്ലിം ലീഗ് സമ്മേളനം ഡിസംബർ 28 ബുധനാഴ്ച കുമ്മായ ക്കടവ് എ വി മമ്മു ഹാജി സ്ക്വയറിൽ നടക്കും. രാവിലെ 7 മണിക്ക് പതാക ഉയർത്തൽ, ഉച്ചയ്ക്ക് 2 :30 ന് വനിതാ സംഗമം എന്നിവ നടക്കും. വനിതാ ലീഗ് സ്റ്റേറ്റ് സെക്രട്ടറി റോഷ്നി ഖാലിദ് ഉൽഘാടനം ചെയ്യും. വനിതാ ലീഗ് അഴീക്കോട് മണ്ഡലം ജനറൽ സെക്രട്ടറി രംസീന മൊയ്തീൻ മുഖ്യ പ്രഭാഷണം നടത്തും.  വൈകുന്നേരം 6:30 നടക്കുന്ന പ്രതിനിധി സമ്മേളനം നാറാത്ത് പഞ്ചായത്ത് IUML പ്രസിഡൻ്റ് അബ്ദുല്ല മാസ്റ്റർ ഉൽഘാടനം ചെയ്യും. വൈകുന്നേരം 7:30 ന് നടക്കുന്ന സമാപന സമ്മേളനം IUML കണ്ണൂർ ജില്ലാ ജനറൽ സെക്രട്ടറി അബ്ദുൽ കരീം ചേലേരി ഉൽഘാടനം ചെയ്യും. MSF സ്റ്റേജ് കമ്മിറ്റി വൈസ് പ്രസിഡൻ്റ് ഷജീർ ഇഖ്ബാൽ മുഖ്യ പ്രഭാഷണം നടത്തും.

 കുറ്റിയാട്ടൂർ കൂർമ്പ കാവിന് മുൻവശം കാക്കാമണി  ഹൗസിൽ എം വി സാവിത്രി നിര്യാതയായി. കുറ്റിയാട്ടൂർ:കൂർമ്പ കാവിന് മുൻവശം കാക്കാമണി  ഹൗസിൽ എം വി സാവിത്രി( 54) നിര്യാതയായി.  പരേതനായ കാക്കാമണി നാരായണൻ്റെയും ശാന്തയുടെയും മകളാണ്. ഭർത്താവ്: കെ പി പുഷ്പജൻ  മക്കൾ: ശിംന (ചൂളയാട്) ജിംശ (കരിങ്കൽകുഴി)  മരുമക്കൾ: ദിനേശൻ (ചൂളയാട്) രതീശൻ (കരിങ്കൽകുഴി) സഹോദരങ്ങൾ: സുമ (ആയിപ്പുഴ) രജിത (മുഴപ്പാല)  സംസ്കാരം ഇന്ന് വൈകിട്ട് 7 മണിക്ക്  കുറ്റിയാട്ടൂർ പഞ്ചായത്ത് പൊതുശ്മശാനത്തിൽ

 പി.എം.സഈദ് മെമ്മോറിയൽ യൂത്ത് വിങ് പതിനഞ്ചാം വാർഷികാഘോഷം: ഹാസ്യ സംഗീത വിരുന്ന് ഇന്ന് തൈലവളപ്പിൽ. മയ്യിൽ: തൈലവളപ്പ് പി. എം.സഈദ് മെമ്മോറിയൽ യൂത്ത് വിങ് പതിനഞ്ചാം വാർഷികാഘോഷം ഡിസംബർ 27 ഇന്ന് ചൊവാഴ്ച വൈകുന്നേരം 6 മണിക്ക് നടക്കും. അങ്കണവാടി കുട്ടികളുടെ കലാപരിപാടികൾ,സാംസ്കാരിക, സമ്മേളനം, സമ്മാനദാനം തുടങ്ങിയ പരിപാടികൾ നടക്കും.  പ്രശസ്ത സിനിമാ ടി വി താരങ്ങളായ ശിവദാസ് മട്ടന്നൂർ, രാഘേഷ് കലാഭവൻ,ശാർങാധരൻ കൂത്തുപറമ്പ്,ഇസാക്ക് കാസർഗോഡ് തുടങ്ങിയവർ ഒരുക്കുന്ന ഹാസ്യ വിരുന്നും ഉണ്ടാവും.

 ക്രിസ്തുമസ് ദിനത്തിൽ കടലിൽ കുളിക്കാനിറങ്ങി കാണാതായ വിദ്യാർഥികളുടെ മൃതദേഹം 3 ആം ദിനം കണ്ടെത്തി.  തിരുവനന്തപുരം: ക്രിസ്തുമസ് ആഘോഷങ്ങൾക്കിടെ തിരുവനന്തപുരം പുത്തൻതോപ്പിൽ നിന്നും കടലിൽ കാണാതായവരുടെ മൃതദേഹങ്ങൾ കണ്ടെത്തി. കണിയാപുരം ചിറ്റാ റ്റുമുക്ക് ചിറക്കൽ സ്വദേശി ശ്രേയസ് (16) കനിയാൻപുരം മസ്താൻമുക്ക് സ്വദേശി സാജിദ് (19) എന്നിവരുടെ മൃതദേഹങ്ങൾ ആണ് കിട്ടിയത്.  പെരുമാതുറ പുതുക്കുറിചി എന്നിവടങ്ങളിൽ പുലർച്ചയോടെ മൃതദേഹങ്ങൾ കണ്ടെത്തുകയായിരുന്നു. തുടർന്ന് ബന്ധുക്കൾ സ്ഥലത്തെത്തി മൃതദേഹം തിരിച്ചറിഞ്ഞു. കഠിനംകുളം അഞ്ചുതെങ്ങ് കോസ്റ്റൽ പോലീസ് സ്ഥലത്തെത്തി നടപടി ക്രമങ്ങൾ പൂർത്തിയാക്കി മൃതദേഹങ്ങൾ ചിറിയങ്കീഴ് ആശുപത്രിയിലെ മോർച്ചറിയിൽ മാറി. ശ്രേയസ് പ്ലസ് വൺ വിദ്യാർത്ഥിയാണ്. ശ്രേയസിനെ രക്ഷികുന്നതിനിടെയാണ് സാജിദ് തിരയിൽ പെട്ടത്. ഇന്നലെ വൈകിട്ട് 6 മണിയോടെ ആണ് മൃതദേഹങ്ങൾ കണ്ടെത്തിയത്. കോസ്റ്റ് ഗാർഡ് മത്സ്യ തൊഴിലാളികളും ചേർന്ന് ആണ് തിരച്ചിൽ നടത്തിയത്.

 നവ വധു ഭർത്രവീട്ടിൽ തൂങ്ങി മരിച്ച നിലയിൽ.  കൊല്ലം: കൊല്ലം കുമളിയിൽ ഭർത്താവിൻ്റെ വീട്ടിൽ യുവതിയെ തൂങ്ങി മരിച്ച നിലയിൽ കണ്ടെത്തി.  വട്ടതാമര മണ്ണൂർ വിള കത് വീട്ടിൽ ജന്നത് (20) ആണ് മരിച്ചത്. പുലർച്ചെ ആറുമണിയോടെയാണ് യുവതിയെ കിടപ്പു മുറിയിൽ തൂങ്ങിമരിച്ച നിലയിൽ കണ്ടെത്തിയത്. യുവതിയുടെ ഭർത്താവ് റാസിഫ് വിദേശത്താണ്. ഇന്നലെ രാത്രി ഭർത്താവുമായി ഫോണിൽ സംസാരിച്ച ശേഷം മുറിയിലേക് ഉറങ്ങാൻ പോയതായി ബന്ധുക്കൾ പറഞ്ഞു. അഞ്ച് മാസം മുമ്പ് ആണ് ഇവരുടെ വിവാഹം കഴിഞ്ഞത്. സംഭവത്തിൽ പോലീസ് അന്വേഷണം ആരംഭിച്ചു.

ദാമോദരൻ നിര്യാതനായി മാതോടം പുതിയ പറമ്പ് കുറ്റിച്ചി ഹൗസിൽ DSc സെൻറർ റിട്ടയേർഡ് സീനിയർ ഓഡിറ്റർ കുറ്റിച്ചി ദാമോദരൻ (76) നിര്യാതനായി.ഭാര്യ തൊണ്ടിച്ചി വനിത, സഹോദരങ്ങൾ പത്മിനി ,ദിവാകരൻ, ശ്യാമള: സീത, പ്രമീള, ദിനേശൻ, സജീവൻ, സതീശൻ, ജയശ്രീ, വീ ജയശ്രീ' മക്കൾ ലിനീഷ്, ഷ ൽ മ, ഷലിൻ, മരുമക്കൾ സുരേന്ദ്രൻ ചക്കരക്കല്ല്, ജിൽ ന കൊളച്ചേരി സംസ്കാരം മാതോ ടം തീയ്യ സമുദായ ശ്മശാനത്തിൽ ഉച്ചക്ക് 12.30ന്.

 വീഡിയോകോൺ ഗ്രൂപ്പ് ചെയർമാൻ വേണുഗോപാൽ ധൂത് അറസ്റ്റിൽ. ഐ സി ഐ സി ഐ ബാങ്ക് വായ്പ്പ തട്ടിപ്പ് കേസിൽ വീഡിയോകോൺ ചെയർമാൻ വേണുഗോപാൽ ധൂത് അറസ്റ്റിൽ. മുംബൈയിൽ നിന്നാണ് ധൂതിനെ സി ബി ഐ അറസ്റ്റ് ചെയ്ത്. ഐ സി ഐ സി ഐ മുൻ സി. ഇ. ഒ ചന്ദ കൊച്ചാറും ഭർത്താവ് ദീപക് കൊച്ചാറും അറസ്റ്റിലായതിന് പിന്നാലെ ആണിത്. ചന്ദ കൊച്ചാർ ഐ സി ഐ സി ഐ ബാങ്ക് മേധാവി ആയിരുന്ന 2009 മുതൽ 2011 വരെ വീഡിയോകോൺ ഗ്രൂപ്പിന് അനുവദിച്ച 3250 കോടി രൂപയുടെ വായ്പകളും, ക്രമ വിരുദ്ധമായ ഇടപെടൽ ആണ് കേസിനാധാരം. ദീപക് കൊചാറിൻ്റെ നേതൃത്വത്തിലുള്ള വിവിധ കമ്പനികളും കേസിൽ ഉൾപ്പെട്ടിട്ടുണ്ട്. ക്രമക്കേട് സംബന്ധിച്ച് 2019 ലാണ് സി ബി ഐ കേസ് എടുത്തത്. ഇതേ കേസിൽ ഇ ഡീ യും വേണുഗോപാൽ ദൂതിനെ കഴിഞ്ഞ മാസം ചോദ്യം ചെയ്തിരുന്നു.

പാലക്കാട് സ്വദേശിയെ പയ്യന്നൂര്‍ ഗാന്ധിപാര്‍ക്കില്‍ തൂങ്ങിമരിച്ച നിലയില്‍ കണ്ടെത്തി. കണ്ണൂർ പയ്യന്നൂര്‍: പാലക്കാട് സ്വദേശിയെ പയ്യന്നൂര്‍ ഗാന്ധിപാര്‍ക്കില്‍ തൂങ്ങിമരിച്ച നിലയില്‍ കണ്ടെത്തി. പാലക്കാട് ചിറ്റൂര്‍ തത്തമംഗലം സ്വദേശി ഹക്കീമിനെ (45)യാണ് കുട്ടികളുടെ വിനോദത്തിനായി ഗാന്ധിപാര്‍ക്കില്‍ സ്ഥാപിച്ച കളിത്തൊട്ടിലില്‍ തൂങ്ങി മരിച്ചനിലയില്‍ ഇന്നലെ രാവിലെ കണ്ടെത്തിയത്. കാലിന് ശസ്ത്രക്രിയ കഴിഞ്ഞശേഷം വാക്കിംഗ് സ്റ്റിക്ക് ഉപയോഗിച്ചിരുന്ന ഇയാള്‍ രണ്ടുദിവസം മുമ്ബാണ് പയ്യന്നൂരിലെ സഹോദരന്മാരുടെ അടുത്തേക്ക് വന്നത്. പയ്യന്നൂരില്‍ നടന്ന സാഹിത്യോത്സവത്തിന്‍റെ ഗാന്ധിപാര്‍ക്കില്‍ നടന്ന സമാപന സമ്മേളനത്തിനുശേഷം പത്തരയോടെ സംഘാടകര്‍ പോയതിനുശേഷമാണ് ഇയാള്‍ ജീവനൊടുക്കിയതെന്നാണ് അനുമാനം. ഭാര്യയുമായി അകന്നുകഴിയുകയായിരുന്നു. സഹോദരങ്ങള്‍: മുജീബ്,സക്കീര്‍ ഹുസൈന്‍, ശിഹാബുദ്ദീന്‍, മുഹമ്മദ് നസീര്‍.

വീട്ടമ്മയുടെ മൃതദേഹം റബ്ബര്‍ തോട്ടത്തില്‍ ജീര്‍ണ്ണിച്ച നിലയില്‍ കണ്ടെത്തി.  തിരുവന്തപുരം: വീട്ടമ്മയുടെ മൃതദേഹം റബ്ബര്‍ തോട്ടത്തില്‍ ജീര്‍ണ്ണിച്ച നിലയില്‍ കണ്ടെത്തി. കിളിമാനൂര്‍ പഴയ കുന്നുമ്മല്‍ ഊമണ്‍പള്ളിക്കര ഇരുപ്പില്‍ പുഷ്പ നിലയത്തില്‍ എസ് എസ് അജിലിയാണ് [45] മരിച്ച നിലയില്‍ കണ്ടെത്തിയത്. മൃതദേഹത്തിന് തൊട്ടടുത്തായി ഒരു ഇരുചക്ര വാഹനവും കണ്ടെത്തിയിട്ടുണ്ട്. കിളിമാനൂര്‍ പഞ്ചായത്തില്‍ പാങ്ങല്‍ തടത്തില്‍ റബര്‍ തോട്ടത്തിലായിരുന്നു മൃതദേഹം കിടന്നിരുന്നത്. ഇന്ന് വൈകുന്നേരം നാട്ടുകാരാണ് മൃതദേഹം കാണുന്നത് .തുടര്‍ന്ന് പോലീസില്‍ വിവരം അറിയിക്കുകയായിരുന്നു. കെട്ടി തൂങ്ങി നിന്ന മൃതദേഹം ജീര്‍ണ്ണിച്ച താഴെ വീണതാണെന്ന് കിളിമാനൂര്‍ പൊലിസ് അറിയിച്ചു. കിളിമാനൂര്‍ പോലീസ് മഹസ്സര്‍ തയാറാക്കിയ ശേഷം മെഡിക്കല്‍ കോളേജ് ആശുപത്രിയില്‍ പോസ്റ്റ്മോര്‍ട്ടത്തിന് അയക്കും.പോസ്റ്റ് മോര്‍ട്ടം നാളെ നടക്കും.

 അബുദാബി പാപ്പിനിശ്ശേരി പഞ്ചായത്ത് കെഎംസിസിക്ക്‌ പുതിയ നേതൃത്വം  അബുദാബി ഇന്ത്യൻ ഇസ്ലാമിക് സെന്ററിൽ വെച്ച് നടന്ന  ജനറൽ ബോഡി യോഗം സമീർ എംവി മാങ്കടവിന്റെ അധ്യക്ഷതയിൽ അഴീക്കോട് മണ്ഡലം കെഎംസിസി പ്രസിഡണ്ട് സകീർ കൈപ്രത്ത് ഉത്ഘാടനം ചെയ്തു. പാപ്പിനിശ്ശേരി പഞ്ചായത്ത് മുസ്ലിം ലീഗ് പ്രസിഡന്റ് കെപി അബ്‍ദുൾ റഷീദ് മുഖ്യപ്രഭാഷണം നടത്തി.  അബുദാബി സ്റ്റേറ്റ് കെഎംസിസി സെക്ട്ടറി ഇ ടി മുഹമ്മദ് സുനീർ, അബുദാബി കെഎംസിസി കണ്ണൂർ ജില്ലാ ആക്റ്റിംഗ്‌ പ്രസിഡണ്ട് ഏ വി ശിഹാബ് പരിയരം, ജില്ലാ ജന സെക്രട്ടറി ശംസുദ്ധീൻ നരിക്കോടൻ, ഓർഗ സെക്രട്ടറി കെവി ഹാരിസ് നാറാത്ത്, വൈസ് പ്രസിഡണ്ട് താജ് കമ്പിൽ, മണ്ഡലം ജന സെക്ര : ശിഹാബ് കക്കാട്, സിബി റാസിഖ് കക്കാട്, ഉമ്മർ കാട്ടാമ്പള്ളി, സിഎച്ച് മുഹമ്മദ് അലി മാങ്കടവ്, സമീർ കണ്ണാടിപറമ്പ, സവാദ് നാറാത്ത്  പ്രസംഗിച്ചു. നിരീക്ഷകന്മാരായ ഉമ്മർ കാട്ടാമ്പള്ളി, സവാദ് നാറാത്ത് നടപടി ക്രമങ്ങൾ നിയന്ത്രിച്ചു. നൗഷാദ് വിപി സ്വാഗതവും സൽമാൻ പി വി ചുങ്കം നന്ദിയും പറഞ്ഞു  പ്രസിഡണ്ട്:  നൗഷാദ് വിപി (കുട്ടി) ജനറൽ സെക്രട്ടറി:  സുഹൈൽ പി കല്ലൈക്കൽ  ട്രഷറർ :  സൽമാൻ പിവി ചുങ്കം  വൈസ് പ്രസിഡണ്ട് :   സുഹൈൽ ഏ കെ   അബ

 സ്നേഹക്കൂട്ട് സഹവാസ ക്യാമ്പിന് നാളെ തുടക്കമാവും സമഗ്ര ശിക്ഷാ കേരളം പാപ്പിനിശ്ശേരി ബ്ലോക്ക് റിസോഴ്സ് സെന്ററിന്റെ ആഭിമുഖ്യത്തിൽ ഭിന്നശേഷി കുട്ടികൾക്കായി സംഘടിപ്പിക്കുന്ന രണ്ട് ദിവസത്തെ സഹവാസ ക്യാമ്പിന് നാളെ 27.12.2022 ചൊവ്വാഴ്ച രാവിലെ 10 മണി മുതൽ കല്ല്യാശ്ശേരി കെ പി ആർ ഗോപാലൻ സ്മാരക ഗവ.ഹയർ സെക്കണ്ടറി സ്കൂളിൽ തുടക്കമാവും. കണ്ണൂർ ബ്ലോക്ക് പഞ്ചായത്ത് പ്രസിഡന്റ് കെ സി ജിഷ ഉദ്ഘാടനം ചെയ്യും. കല്ല്യാശ്ശേരി പഞ്ചായത്ത് പ്രസിഡന്റ്  ടി ടി ബാലകൃഷ്ണൻ അധ്യക്ഷത വഹിക്കും.   ഭിന്നശേഷി കുട്ടികൾക്കും രക്ഷിതാക്കൾക്കും ശാരീരികമായും മാനസികമായും ഉണർവ് നൽകുന്ന ക്യാമ്പിൽ വിവിധ പ്രവർത്തനങ്ങളും കലാ കായിക പരിപാടികളും നടക്കും. 28 ന് ഉച്ചയ്ക്ക് നടക്കുന്ന സമാപന സമ്മേളനം കല്ല്യാശ്ശേരി ബ്ലോക്ക് പഞ്ചായത്ത് പ്രസിഡന്റ്  പി പി ഷാജിർ ഉദ്ഘാടനം ചെയ്യും.

 നഷ്ടപെട്ട സ്വർണ്ണ ബ്രേസ്ലേറ്റ് ഉടമയ്ക്ക് നൽകി കെ.എസ്.ആർ.ടി.സി ജീവനക്കാർ മാതൃകയായി. കണ്ണൂർ: ബസ്സിൽ നഷ്ടപെട്ട രണ്ടര പവൻ സ്വർണ ബ്രേസ്ലേറ്റ് ഉടമയ്ക്ക് നൽകി കെ.എസ്.ആർ.ടി.സി ജീവനക്കാർ മാതൃകയായി. ഡിസംബർ 22 ന് മംഗലാപുരത്ത് നിന്നും കാസർഗോഡ് യാത്ര മധ്യേ ആണ് കണ്ണൂർ മാതമംഗലം സ്വദേശി പി വി ജിതിൻ്റെ സ്വർണ്ണ കൈ ചെയിൻ നഷ്ടപ്പെട്ടത്. കെ.എസ്.ആർ.ടി.സി കാസർഗോഡ് ഡിപ്പോയിലെ ബസ്സ് കണ്ടക്ടർ പയ്യാവൂർ സ്വദേശി എം ടി പ്രസാദ്, കണ്ണൂർ സ്വദേശി ഡ്രൈവർ കെ രഘൂതമൻ എന്നിവരാണ് ഉടമയ്ക്ക് തിരിച്ചു നൽകാൻ സന്മനസ്സ് കാട്ടിയത്.

 IRPC ക്ക് ധനസഹായം നൽകി കൂടാളി - കാവുന്താഴയിലെ തരംഗ് നിവാസിൽ എ.കെ.സുരേന്ദ്രൻ, ചന്ദ്രിക വല്ലി ദമ്പതികളുടെ മകൻ അഖിൽ സുരേന്ദ്രൻ്റെയും കുറ്റ്യാട്ടൂർ വാരച്ചാൽ സ്വദേശിനി ദീഷ്ണയുടേയും വിവാഹത്തോടനുബന്ധിച്ച് നടന്ന സൽക്കാര ചടങ്ങിൽ വെച്ച് IRPC ക്ക് ധനസഹായം നൽകി.CPI(M) മട്ടന്നൂർ ഏറിയ കമ്മറ്റി അംഗം ഇ.സജീവൻ lRPC കൂടാളി ലോക്കൽ ഗ്രൂപ്പ് കൺവീനർ പി.കെ.വേണുഗോപാലൻ എന്നിവർ ചേർന്ന് തുക ഏറ്റുവാങ്ങി.ചടങ്ങിൽ CPI(M) കൂടാളി ലോക്കൽ സെക്രട്ടറി പി.പി.നൗഫൽ, പഞ്ചായത്ത് മെമ്പർ പി. ജിതിൻ, CPl(M) ബങ്കണപ്പറമ്പ് ബ്രാഞ്ച് സെക്രട്ടറി രജീഷ് എന്നിവർ പങ്കെടുത്തു.

 ടാഗോർ വിദ്യാനികേതൻ എൻഎസ്എസ് യൂണിറ്റിന്റെ സപ്ത ദിന ക്യാമ്പ്.വെളിച്ചം 2022 തൃച്ചംബരം സ്കൂളിൽ നൗഷാദ് ബ്ലാത്തൂർ ഉദ്ഘാടനം ചെയ്തു  ടാഗോർ വിദ്യാനികേതൻ ഹയർ സെക്കൻഡറി സ്കൂളിലെ ഈ വർഷത്തെ എൻഎസ്എസ് യൂണിറ്റിന്റെ ക്യാമ്പ്( വെളിച്ചം 2022 ) തൃച്ചംബരം സ്കൂളിൽ PTA പ്രസിഡണ്ട് നൗഷാദ് ബ്ലാത്തൂർ ഉദ്ഘാടനം ചെയ്തു. ക്യാമ്പിനോട് അനുബന്ധിച്ച് ക്യാമ്പ് അംഗങ്ങൾക്ക് വിവിധ ക്ലാസുകൾ ഉണ്ടായിരിക്കും കാർഷിക വിജ്ഞാന സദസ്സ്, മുതിർന്ന പൗരന്മാരെ ആദരിക്കൽ, സാമൂഹിക വന വൽക്കരണ പദ്ധതിയുടെ ഭാഗമായി വൃക്ഷത്തൈ നടൽ, മുതിർന്ന പൗരന്മാരെ ആദരിക്കൽ, വ്യക്തിത്വ വികസന ക്ലാസ്, ലഹരി വിരുദ്ധ ക്യാമ്പയിൻ എന്നിവ ഉണ്ടായിരിക്കുന്നതാണ്.ടാഗോർ വിദ്യാനികേതൻ പിടിഎ പ്രസിഡണ്ട് പി കെ രാജേന്ദ്രൻ അധ്യക്ഷത വഹിച്ചു, രാജേഷ് സാർ അഷിത ടീച്ചർ മദർ pta പ്രസിഡന്റ് ദീപാ രഞ്ജിത്ത് എന്നിവർ പ്രസംഗിച്ചു പ്രോഗ്രാം ഓഫീസർ കെ വി സജിത ക്യാമ്പിന്റെ വിശദാംശങ്ങൾപരിചയപ്പെടുത്തി.പ്രിൻസിപ്പൽ ഇൻ ചാർജ് ടി ധനേഷ് സ്വാഗതവും എൻഎസ്എസ് വളണ്ടിയർ ലീഡർ വിഗ്നേഷ് ഈ ഡി നന്ദിയും പറഞ്ഞു

സീതി സാഹിബ് സ്കൂളിൻ്റെ NSS ക്യാമ്പ് ഇന്ന്  മുതൽ  സീതി സാഹിബ് സ്കൂളിൻ്റെ NSS Camp പുല്ലാഞ്ഞിയോട് ALP സ്കൂളിൽ തുടങ്ങിയിട്ടുണ്ട്. ഇന്ന് മുതൽ 6 ദിവസവും വൈകിട്ട് 7 മണിക്ക് കൾച്ചറൽ പ്രോഗ്രാം ഉണ്ട്. മുഴുവൻ പേരും പങ്കെടുക്കുമല്ലോ!

 മലപ്പട്ടം കൊളന്തയിലെ എം കുഞ്ഞിക്കണ്ണൻ നിര്യാതനായി. മലപ്പട്ടം: കൊളന്തയിലെ എം കുഞ്ഞിക്കണ്ണൻ നിര്യാതനായി. ഭാര്യ: ലീല (ഇരിട്ടി) മക്കൾ: ലീന,ലയന. മരുമക്കൾ: ഹരീന്ദ്രൻ മാസ്റ്റർ ( പ്രിൻസിപ്പൽ മലപ്പട്ടം എ.കെ. എസ്. ജി.എച്.എസ് ) ദിനേശൻ (എസ്. എൻ കോളജ് കണ്ണൂർ.) സംസ്കാര ചടങ്ങുകൾ ഇന്ന് ഉച്ചക്ക് മലപ്പട്ടം പഞ്ചായത്ത് ശ്മശാനത്തിൽ.

 കുന്നുമ്മല്‍ കുഞ്ഞിരാമന്‍ നിര്യാതനായി  കൂനം:കുന്നുമ്മല്‍ കുഞ്ഞിരാമന്‍(85) നിര്യാതനായി. ഭാര്യ ലക്ഷമി എ കെ.  മക്കള്‍:കണ്ണന്‍,പുരുഷോത്തമന്‍ .അനീഷ് .നിഷ.ദേവന്‍.ഷീബ.സന്തോഷ് സംസ്കാരം  നാളെ രാവിലെ 9 മണിക്ക് സമുദായ സ്മശാനത്തിൽ 

 ഒരു കോടി രൂപയുടെ സ്വർണം കടത്താൻ ശ്രമം; യുവതി പിടിയിൽ കരിപ്പൂർ വിമാനത്താവളം വഴി കടത്താൻ ശ്രമിച്ച ഒരു കോടി രൂപയുടെ സ്വർണം പൊലീസ് പിടികൂടി. സംഭവത്തിൽ ഒരൂ യുവതിയെ പൊലീസ് അറസ്റ്റ് ചെയ്തു. കാസർഗോഡ് സ്വദേശി ഷഹല (19) ആണ് 1884 ഗ്രാം സ്വർണം സഹിതം എയർപോർട്ടിന് പുറത്ത് വച്ച് പൊലീസ് പിടിയിലായത്. മിശ്രിത രൂപത്തിലാക്കിയ സ്വർണം മൂന്ന് പാക്കറ്റുകളാക്കി വസ്ത്രത്തിനുള്ളില്‍ ഒളിപ്പിച്ച് കടത്താനാണ് യുവതി ശ്രമിച്ചത്. അഭ്യന്തര വിപണിയില്‍ ഒരു കോടി രൂപ വില വരും പിടിച്ചെടുത്ത സ്വര്‍ണ്ണത്തിന്. കഴിഞ്ഞ ദിവസം രാത്രി ദുബായില്‍ നിന്നെത്തിയ എയര്‍ ഇന്ത്യ എക്സ്പ്രസ്സ് വിമാനത്തിലാണ് യുവതി കാലികറ്റ് വിമാനത്താവളത്തിലിറങ്ങിയത്. കസ്റ്റംസ് പരിശോധനയ്ക്ക് ശേഷം വിമാനത്താവളത്തിന്‌ പുറത്തിറങ്ങിയ യുവതിയെ, മലപ്പുറം ജില്ലാ പോലീസ് മേധാവി എസ്.സുജിത് ദാസ് IPS ന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ പോലീസ് കസ്റ്റഡിയിലെടുക്കുകയായിരുന്നു. യുവതിയെ മണിക്കൂറുകളോളം പോലീസ് തുടര്‍ച്ചയായി ചോദ്യം ചെയ്തെങ്കിലും ആത്മ ധൈര്യം വിടാതെ യുവതി അതിനെയെല്ലാം പ്രതിരോധിച്ചുകൊണ്ടിരുന്നു. താന്‍ ഗോള്‍ഡ് ക്യാരിയറാണെന്നോ തന്‍െറ പക്കല്‍ സ്വര്‍ണ്ണമുണ്ടെന്നോ സമ്