തളിപ്പറമ്പ് : ശൈഖുനാ കടമ്പേരി ഇബ്രാഹിം മുസ്ലിയാർ രണ്ടാം ആണ്ട് അനുസ്മരണവും ദുആ മജ്ലിസും നടത്തി
തളിപ്പറമ്പ് : അസ്അദിയ്യ: ഫൗണ്ടേഷന്റെ ആഭിമുഖ്യത്തിൽ സമസ്ത ജില്ലാ മുശാവറ മെമ്പറും ജാമിഅ അസ്അദിയ്യ ഇസ്ലാമിയ്യ അറബിക് കോളേജ് സ്വദർ മുദരിസും പ്രമുഖ സൂഫീ വര്യരുമായിരുന്ന ശൈഖുനാ കടമ്പേരി ഇബ്രാഹിം മുസ്ലിയാരുടെ രണ്ടാം ആണ്ട് അനുസ്മരണവും ദുആ മജ്ലിസും കടമ്പേരി മദ്രസയിൽ നടന്നു. റഹീസ് അസ്അദി വാരത്തിന്റെ അദ്ധ്യക്ഷതയിൽ എസ്.എം.എഫ് ജില്ലാ ജന.സെക്രട്ടറി എ.കെ അബ്ദുൽ ബാഖി ഉദ്ഘാടനം ചെയ്തു. ജംഇയ്യത്തുൽ മുദരിസീൻ ജില്ലാ ജന. സെക്രട്ടറി മുഹമ്മദ് ശരീഫ് ബാഖവി മഖാം സിയാറത്തിന് നേതൃത്വം നൽകി. യൂസുഫ് ബാഖവി കണ്ണപുരം, കടമ്പേരി മഹല്ല് ഖത്തീബ് നൂർ മുഹമ്മദ് ഫൈസി, മഹല്ല് സെക്രട്ടറി സമദ് കടമ്പേരി, അസ്അദിയ്യ ഫൗണ്ടേഷൻ യു.എ.ഇ ചാപ്റ്റർ പ്രസിഡണ്ട് മുസമ്മിൽ അസ്അദി എന്നിവർ അനുസ്മരണ പ്രഭാഷണം നടത്തി. ഖത്മുൽ ഖുർആൻ ദുആ മജ്ലിസിന് സയ്യിദ് അബ്ദുൽ ഖാദർ ഫൈസി തങ്ങൾ പട്ടാമ്പി നേതൃത്വം നൽകി. ശൗഖത്തലി അസ്അദി ശ്രീകണ്ഠപുരം സ്വാഗതവും ശാദുലി അസ്അദി മാങ്കടവ് നന്ദിയും പറഞ്ഞു..
Comments
Post a Comment