മാഹി ബൈപ്പാസില് നിര്ത്തിയിട്ടിരുന്ന ലോറിക്ക് പിന്നില് കാര് ഇടിച്ച് ഒരാള് മരിച്ചു
.jpg)
മാഹി ബൈപ്പാസില് നിര്ത്തിയിട്ടിരുന്ന ലോറിക്ക് പിന്നില് കാര് ഇടിച്ച് ഒരാള് മരിച്ചു. ശിവപ്രസാദാണ് (43) മരണപ്പെട്ടത്. ബൈപ്പാസിൽ ഈസ്റ്റ് പള്ളൂർ സിഗ്നൽ പോസ്റ്റിൽ ഇന്ന് പുലർച്ചെ 3.30 നായിരുന്നു സംഭവം.
ശിവപ്രസാദിന്റെ ഭാര്യ ദേവിശ്രീക്ക് കാലിന് പരിക്കേറ്റിട്ടുണ്ട്. പിന് സീറ്റിലായിരുന്ന മക്കള് പരിക്കേല്ക്കാതെ രക്ഷപ്പെട്ടു. കാസർകോഡ് സുള്ള്യക്കടുത്ത് പുത്തൂരിൽ നിന്ന് മരം കയറ്റി മലപ്പുറത്തേക്ക് പോകുകയായിരുന്ന ലോറി സിഗ്നൽ ലഭിക്കാനായി കാത്തുനില്ക്കുമ്പോഴായിരുന്നു നിയന്ത്രണം വിട്ട കാര് വന്നിടിച്ചത്. ഇടിയുടെ ആഘാതത്തിൽ ലോറി അൽപ്പം മുന്നോട്ട് നീങ്ങിയതായി ലോറി ഡ്രൈവർ പറഞ്ഞു.
പരിക്കേറ്റ ഭാര്യയെ തലശ്ശേരി ഇന്ദിരാഗാന്ധി ആശുപത്രിയില് പ്രവേശിപ്പിച്ചു. ശിവപ്രസാദിന്റെ മൃതദേഹം തലശ്ശേരി ജനറല് ആശുപത്രി മോര്ച്ചറിയിലേക്ക് മാറ്റി
Comments
Post a Comment