കുറുമാത്തൂർ വാർത്തകൾ, നാറാത്ത് വാർത്തകൾ, പാപ്പിനിശ്ശേരി വാർത്തകൾ

  മയ്യിൽ തുടർച്ചയായ രണ്ടാം വർഷവും തളിപ്പറമ്പ് സൗത്ത് ഉപജില്ല ശാസ്ത്രോത്സവം എൽ.പി. വിഭാഗം സാമൂഹ്യ ശാസ്ത്രമേളയിൽ കയരളം നോർത്ത് എ.എൽ.പി സ്കൂൾ ഓവറോൾ ചാമ്പ്യൻഷിപ് കരസ്ഥമാക്കി. മുഴുവൻ മത്സരങ്ങളിൽ എ ഗ്രേഡോടെ ഒന്നാം സ്ഥാനം കരസ്ഥമാക്കി 30 പോയിന്റുകളിൽ മുപ്പതും സ്വന്തമാക്കിയാണ് കിരീട നേട്ടം. വിജയികൾ: കൃഷ്ണദേവ് എസ് പ്രശാന്ത് (ക്വിസ്), ഫാത്തിമ പി.പി, കൃഷ്ണദേവ് എസ് പ്രശാന്ത് (ചാർട്ട്), ആയിഷ മെഹറിൻ, ആയിഷത്തുൽ മറിയം (ആൽബം നിർമ്മാണം). പറശ്ശിനിക്കടവ് ഹയർ സെക്കണ്ടറി സ്കൂളിൽ നടന്ന സമാപന സമ്മേളനത്തിൽ ആന്തൂർ നഗരസഭ ചെയർമാൻ പി മുകുന്ദനിൽ നിന്നും ട്രോഫി ഏറ്റുവാങ്ങി.

  കണ്ണപുരം, കീഴറയിലെ ഷൈമ രാമചന്ദ്രൻ (53) നിര്യാതയായി. ഭർത്താവ് :രാമചന്ദ്രൻ പള്ളിപ്പുറത്. മകൾ : ജിഷ്ണ  മരുമകൻ : ജിതിൻ ( ഏര്യം ) അച്ഛൻ : പരേതനായ ചന്തു പണിക്കർ ( പാപ്പിനിശ്ശേരി ) അമ്മ : ശാന്ത  സഹോദരങ്ങൾ : ഷൈജ, സുധി, ഷംന. സംസ്ക്കാരം വൈകുന്നേരം 5.30 ന്

  പെരളശേരി: കാടാച്ചിറ സെക്ഷൻ ഓഫീസിലെ കെ എസ്.ഇ.ബി ഉദ്യോഗസ്ഥൻ മമ്പറം പുഴയിൽ ചാടി മരിച്ചത് സഹപ്രവർത്തകർക്കും നാട്ടുകാർക്കും ഞെട്ടലായി. ശനിയാഴ്ച്ച രാവിലെയാണ് പഴയ പാലത്തിൻ്റെ മുകളിൽ നിന്നും കെ.എസ്.ഇ.ബി കാടാച്ചിറ സെക്ഷനിലെ സീനിയർ സൂപ്രണ്ട് എരുവട്ടി പാനുണ്ട സ്വദേശി കെ.എം. ഹരീന്ദ്രനാണ് മരിച്ചത്. ആളുകൾ നോക്കി നിൽക്കവെ ഇന്ന് രാവിലെ ഇയാൾ മമ്പറം പുഴയിലേക്ക് പഴയ പാലത്തിൽ നിന്നുമെടുത്തു ചാടുകയായിരുന്നു. നാട്ടുകാർ വിവരമറിയിച്ചതിനെ തുടർന്ന് ഫയർഫോഴ്സ് നടത്തിയ തെരച്ചിലിലാണ് മൃതദ്ദേഹം കണ്ടെത്തിയത്. പൊലിസ് ഇൻക്വസ്റ്റ് നടത്തി മൃതദേഹം പോസ്റ്റുമോർട്ടം നടപടികൾക്കായി ആശുപത്രി മോർച്ചറിയിലേക്ക് മാറ്റി.

കണ്ണൂര്‍: പ്രമുഖ നിയമ സ്ഥാപനമായ യാബ് ലീഗല്‍ സര്‍വീസ് സി.ഇ.ഒ. സലാം പാപ്പിനിശ്ശേരിക്കെതിരെയും, യു.എ.ഇയിലും ഇന്ത്യ ഉള്‍പ്പെടെയുള്ള വിദേശ രാജ്യങ്ങളിലുമുള്ള യാബ് ലീഗല്‍ സര്‍വീസിനെതിരെയും സോഷ്യല്‍ മീഡിയ പ്ലാറ്റ്ഫോമുകളിലൂടെ ഭീഷണിയും അപകീര്‍ത്തികരമായ കമന്റുകളും പോസ്റ്റ് ചെയ്തു ഭീഷണിപ്പെടുത്തിയ കേസില്‍ പ്രതി കണ്ണൂര്‍ തളിപ്പറമ്പ് നാട്ടുവയല്‍ സ്വദേശിയായ മുബഷിര്‍ മുഹമ്മദ് കുഞ്ഞിയെ (ഫാത്തിമ മന്‍സില്‍) കണ്ണൂര്‍ ടൗണ്‍ പോലീസ് സംഘം എറണാകുളത്ത് വെച്ച് അറസ്റ്റ് ചെയ്തു.  സലാം പാപ്പിനിശ്ശേരി നല്‍കിയ കേസുമായി ബന്ധപ്പെട്ട് ചോദ്യം ചെയ്യലിനായി ഹാജരാകാന്‍ കണ്ണൂര്‍ ടൗണ്‍ പോലീസ് നിരന്തരം മുബഷിറിനെ ബന്ധപ്പെട്ടിരുന്നു. എന്നാല്‍, പ്രതി സഹകരിക്കാതിരിക്കുകയും പോലീസ് സ്റ്റേഷനില്‍ ഹാജരാകാതിരിക്കുകയും ചെയ്തതിനെത്തുടര്‍ന്നാണ്, കണ്ണൂരില്‍ നിന്നുള്ള പോലീസ് ഉദ്യോഗസ്ഥര്‍ എറണാകുളത്ത് എത്തി ഇയാളെ അറസ്റ്റ് ചെയ്തത്. പരാതിയില്‍ നല്‍കിയിരിക്കുന്ന വിവരമനുസരിച്ച്, 2025 ഓഗസ്റ്റ് 31-ന് പരാതിക്കാരന്റെ പ്രൈവറ്റ് സെക്രട്ടറിക്ക് വാട്ട്‌സ്ആപ്പ് വഴി ഭീഷണി സന്ദേശങ്ങള്‍ അയച്ച ഇയാള്‍, തൊട്ടടുത്ത ദിവസം ഒരു യൂട്യൂബ് ചാനലില്‍ വന്ന വീഡിയോക്ക...

പയ്യന്നൂര്‍: ബി.ജെ.പി നേതാവ് ട്രെയിന്‍തട്ടി മരിച്ചു. തവിടിശ്ശേരി സ്വദേശിയും ഇപ്പോള്‍ അരവഞ്ചാലില്‍ കച്ചവടം ചെയ്യുന്നയാളുമായ തമ്പാന്‍ (56) ആണ് മരണപ്പെട്ടത്. ബി.ജെ.പി സംസ്ഥാനകൗണ്‍സില്‍ അംഗമാണ്.

കണ്ണൂർ: വാരത്ത് മയക്ക്‌മരുന്ന് വേട്ട. യുവാവ് അറസ്റ്റ് ചെയ്തു. വാരം കടാങ്കോട് രാമൻ കട പ്രദേശത്ത് എക്സൈസ് നടത്തിയ റെയ്‌ഡിൽ 10 ഗ്രാമോളം മെത്താഫിറ്റാമിനാണ് പിടികൂടിയത്. ഇരിക്കൂർ സിദ്ധീഖ് നഗർ സ്വദേശി കെ. ഹാഷിമിനെ എക്സൈസ് ഇൻസ്പെക്ടർ എസ് സിയാദിന്റെ നേതൃത്വത്തിൽ അറസ്റ്റ് ചെയ്തു. എക്സൈസ് കമ്മീഷണർ സ്ക്വാഡ് അംഗം ഗണേഷ് ബാബുവിന് ലഭിച്ച രഹസ്യവിവരത്തിൻ്റെ അടിസ്ഥാനത്തിൽ കേരള എടിഎസിന്റെ സഹായത്തോടെ പ്രതി നിരീക്ഷണത്തിലായിരുന്നു. മയക്ക്‌മരുന്ന് കടത്താനുപയോഗിച്ച ബൈക്കും പിടികൂടി.