ചേലേരി ::ബാലവേലക്കെതിരെ റെഡ് കാർഡ് ഉയർത്തി സ്കൂൾ വിദ്യാർത്ഥികൾ
ചേലേരി: ലോകകപ്പ് ആവേശത്തിനിടയിലും ബാലവേലക്കെതിരെ ബോധവൽക്കരണവുമായി സ്കൂൾ വിദ്യാർത്ഥികൾ. അന്താരാഷ്ട്ര ബാലവേല വിരുദ്ധ ദിനാചരണത്തിന്റെ ഭാഗമായി ചേലേരി എ യു പി സ്കൂൾ സോഷ്യൽ സയൻസ് ക്ലബ് അംഗങ്ങളാണ് ബാല വേലക്കെതിരെ ചുവപ്പ് കാർഡുകളുമായി സ്കൂൾ മുറ്റത്ത് ഒത്തുകൂടിയത്. ബാലവേലക്കെതിരെ ചുവപ്പ് കാർഡ് എന്നതാണ് അന്താരാഷ്ട്ര തൊഴിൽ സംഘടനയുടെ ഈ വർഷത്തെ സന്ദേശം.
വിദ്യാഭ്യാസമെന്നത് ഓരോ കുട്ടിയുടെയും അവകാശമാണെന്നും കുട്ടികളെ തൊഴിലിനായി ചൂഷണം ചെയ്യുന്നവർക്കെതിരെ ഓരോരുത്തരും തങ്ങളാലാവും വിധം ഇടപെടണമെന്നും പരിപാടി ഉദ്ഘാടനം ചെയ്ത പ്രധാനാധ്യാപിക എ അജിത ടീച്ചർ പറഞ്ഞു. പി വി ശ്രീകല ടീച്ചർ ബോധവൽക്കരണ സന്ദേശം നൽകി.
Comments
Post a Comment