രണ്ടാം പരീക്ഷണ ഓട്ടത്തിൽ വന്ദേ ഭാരത് എക്സ്പ്രസ്സ് കാസർഗോഡ് എത്തി.
തിരുവനന്തപുരം: രണ്ടാം പരീക്ഷണ ഓട്ടത്തിൽ വന്ദേ ഭാരത് എക്സ്പ്രസ്സ് കാസർഗോഡ് എത്തി.പുലർച്ചെ 5:20 ന് തിരുവനന്തപുരത്ത് നിന്ന് പുറപ്പെട്ട ട്രെയിൻ 1:10 നാണ് കാസർഗോഡ് എത്തിയത്.7 മണിക്കൂർ 50 മിനിട്ടാണ് ട്രെയിൻ കാസർഗോഡ് എത്താൻ എടുത്ത സമയം.തിങ്കളാഴ്ചതെ പരീക്ഷണ യാത്രയിൽ തിരുവനന്തപുരത്ത് നിന്ന് 7 മണിക്കൂർ 10 മിനിറ്റ് കൊണ്ടാണ് കണ്ണൂരിൽ എത്തിയത്. കഴിഞ്ഞ തവണത്തെ കാൾ 17 മിനിറ്റ് നേരത്തെ ആണ് ഈ പ്രാവശ്യം കണ്ണൂരിൽ എത്തിയത്.
തിരുവനന്തപുരം മുതൽ കണ്ണൂർ വരെയായിരുന്നു വന്ദേ ഭാരത് പ്രഖ്യാപിച്ചിരുന്നത്.ആദ്യ ഘട്ട പരീക്ഷണ ഓട്ടവും നടത്തിയിരുന്നു.എന്നാൽ ഈ സമയം കാസർഗോഡ് ഉൾപ്പെട്ടിരുന്നില്ല.ട്രെയിൻ ഇന്ന് ഉച്ചയ്ക്ക് ശേഷം കാസർഗോഡ് നിന്നും പുറപ്പെട്ട് രാത്രി തിരുവനന്തപുരത്ത് എത്തും.
പ്രധാന മന്ത്രി 25 ന് വന്ദേ ഭാരത് ഔദ്യോഗികമായി ഫ്ളാഗ് ഓഫ് ചെയ്യുന്നതിന് മുന്നോടി യായാണ് ഈ പരീക്ഷണ ഓട്ടം.വരും ദിവസങ്ങളിലും പരീക്ഷണ ഓട്ടം ഉണ്ടാകുമെന്നാണ് റെയ്ൽവേ വൃത്തങ്ങൾ നൽകുന്ന സൂചന.
Comments
Post a Comment