കണ്ണൂർ :വാഹനാപകടത്തിൽ ചികിത്സയിലായിരുന്ന അഞ്ചു വയസ്സുകാരി മരിച്ചു.

 

മട്ടന്നൂർ നടുവനാട് വാഹനാപകടം: ചികിത്സയിലായിരുന്ന അഞ്ചു വയസ്സുകാരി മരിച്ചു.

മട്ടന്നൂർ :​മട്ടന്നൂർ നടുവനാട് ടൗണിന് സമീപമുണ്ടായ വാഹനാപകടത്തിൽ പരിക്കേറ്റ് ചികിത്സയിലായിരുന്ന അഞ്ചു വയസ്സുകാരി അന്തരിച്ചു. 

തലച്ചങ്ങാട്ടെ ശിവസൂര്യയിൽ പി. രാജേഷ് - റിജിഷ ദമ്പതികളുടെ മകൾ ഇലാന രാജേഷ് ആണ് മരണപ്പെട്ടത്.

​കഴിഞ്ഞ ചൊവ്വാഴ്ച രാവിലെയായിരുന്നു നടുവനാട് ടൗണിന് സമീപത്ത് വെച്ച് ഇലാനയ്ക്ക് അപകടം സംഭവിച്ചത്. 

അപകടത്തിന് പിന്നാലെ ഗുരുതരമായി പരിക്കേറ്റ കുട്ടിയെ ഉടൻ തന്നെ ആശുപത്രിയിൽ പ്രവേശിപ്പിക്കുകയും തീവ്രപരിചരണ വിഭാഗത്തിൽ ചികിത്സ നൽകി വരികയുമായിരുന്നു. 

ചികിത്സയിലിരിക്കെയാണ് മരണം സംഭവിച്ചത്.

​നടുവനാട് എൽ.പി. സ്കൂളിലെ എൽ.കെ.ജി വിദ്യാർത്ഥിനിയാണ് ഇലാന.