വാട്ടേഴ്‌സ് കേരള – കണ്ണൂർ ജില്ലാ സമ്മേളനം വിജയകരമായി സംഘടിപ്പിച്ചു

 

വാട്ടേഴ്‌സ് കേരളയുടെ കണ്ണൂർ ജില്ലാ സമ്മേളനം മാർച്ച് 5 വ്യാഴാഴ്ച വിജയകരമായി സംഘടിപ്പിക്കപ്പെട്ടു. ജില്ലയുടെ വിവിധ ഭാഗങ്ങളിൽ നിന്നായി എത്തിയ 65 അംഗങ്ങൾ സമ്മേളനത്തിൽ പങ്കെടുത്തു. സംഘടനയുടെ പ്രവർത്തനങ്ങൾ വിലയിരുത്തുകയും ഭാവി പ്രവർത്തനങ്ങൾക്ക് പുതിയ ദിശാബോധം നൽകുകയും ചെയ്ത സമ്മേളനം വിവിധ പരിശീലന ക്ലാസുകളും ചർച്ചകളും കൊണ്ട് ശ്രദ്ധേയമായി.

സമ്മേളനത്തിന്റെ ഭാഗമായി ജലശുദ്ധീകരണ മേഖലയുമായി ബന്ധപ്പെട്ട നിരവധി ടെക്‌നിക്കൽ ട്രെയിനിങ് ക്ലാസുകൾ സംഘടിപ്പിച്ചു. ക്ലാസ് നയിച്ചത് Dr. Madhavan Komath ആണ്. അദ്ദേഹം Centre for Water Resources Development and Management (CWRDM) ലെ റിട്ടയേർഡ് സയന്റിസ്റ്റാണ്. ജലത്തിന്റെ ഗുണമേന്മ, ജലമാലിന്യങ്ങൾ, ശുദ്ധീകരണ മാർഗങ്ങൾ, പുതിയ സാങ്കേതിക വിദ്യകൾ തുടങ്ങിയ വിഷയങ്ങളിൽ അദ്ദേഹം വിശദമായ പരിശീലനം നൽകി. പരിശീലനത്തിൽ പങ്കെടുത്തവർക്ക് സർട്ടിഫിക്കറ്റുകളും വിതരണം ചെയ്തു.

സമ്മേളനത്തിൽ വാട്ടേഴ്‌സ് കേരള പ്രസിദ്ധീകരിക്കാൻ പോകുന്ന സുവനീർ സംബന്ധിച്ച വിവരങ്ങൾ Prasanna Kumar (ചീഫ് എഡിറ്റർ) വിശദീകരിച്ചു. സംഘടനയുടെ പ്രവർത്തനങ്ങളും ജലശുദ്ധീകരണ മേഖലയിലെ അറിവുകളും ഉൾക്കൊള്ളുന്ന പ്രസിദ്ധീകരണമായിരിക്കും സുവനീർ എന്ന് അദ്ദേഹം അറിയിച്ചു.

കൂടാതെ ജലശുദ്ധീകരണ മേഖലയുമായി ബന്ധപ്പെട്ട വിവിധ വിഷയങ്ങളിൽ പ്രത്യേക ക്ലാസുകളും നടന്നു.

അയോണൈസർ (Ionizer) സംബന്ധിച്ച ക്ലാസ് Zero B കമ്പനിയുടെ ഡയറക്ടർ നയിച്ചു.

Lexpure വാട്ടർ പ്യൂരിഫയറിന്റെ പുതിയ സാങ്കേതിക വിദ്യകളെക്കുറിച്ച് നിഷ മാഡം ക്ലാസ് എടുത്തു.

Iron Removal Media ഉപയോഗിച്ച് ജലത്തിലെ ഇരുമ്പ് അളവ് കുറയ്ക്കുന്നതിനുള്ള സാങ്കേതിക വിദ്യയെക്കുറിച്ച് ഹരി സാർ വിശദമായ പരിശീലനം നൽകി.

സമ്മേളനത്തിൽ സംഘടനയുടെ പുതിയ ജില്ലാ ഭാരവാഹികളെ തെരഞ്ഞെടുക്കുകയും ചെയ്തു. പുതുതായി തെരഞ്ഞെടുക്കപ്പെട്ട ഭാരവാഹികൾ ചുവടെപ്പറയുന്നവരാണ്:

ജില്ലാ പ്രസിഡന്റ്: കുഞ്ഞുമോൻ

ജില്ലാ സെക്രട്ടറി: അംബികദാസ്

ജോയിൻ സെക്രട്ടറിമാർ: ഷഹീർ, ഷിജിൻ

വൈസ് പ്രസിഡന്റുമാർ: ഷിജു, നർജാസ്

ട്രഷറർ: രാകേഷ്

സ്റ്റേറ്റ് എക്സിക്യൂട്ടീവ്: റാഹിദ്

സ്റ്റേറ്റ് കമ്മിറ്റി അംഗങ്ങൾ: കലേഷ്, രതീഷ്

ജില്ലാ എക്സിക്യൂട്ടീവ് അംഗങ്ങൾ:

ഗിരീഷ്, തരുൺ, കമലുദീൻ, നിതിൻ, രോഹിത്

സമ്മേളനത്തിൽ സംസ്ഥാന നേതൃത്വത്തെ പ്രതിനിധീകരിച്ച് Anoop Madhavan (സംസ്ഥാന പ്രസിഡന്റ്) പങ്കെടുത്തു. കൂടാതെ സംസ്ഥാന കമ്മിറ്റി അംഗങ്ങളായ Alex, Deepak, Prasanna Kumar എന്നിവരും സമ്മേളനത്തിൽ സാന്നിധ്യം അറിയിച്ചു.

മുഖ്യാതിഥികളായി Sugunan (വ്യാപാരി വ്യവസായി സെക്രട്ടറി)യും Devasya Mecheri (വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ്)യും പങ്കെടുത്തു. സംഘടനയുടെ പ്രവർത്തനങ്ങളെ അവർ അഭിനന്ദിക്കുകയും ജലശുദ്ധീകരണ മേഖലയിലെ പ്രവർത്തകരുടെ ഐക്യത്തിന്റെ പ്രാധാന്യം അവർ ചൂണ്ടിക്കാട്ടുകയും ചെയ്തു.

സമ്മേളനത്തിന്റെ വാർത്താവിതരണത്തിനായി Malayala Manorama, Mathrubhumi, Deshabhimani എന്നീ പ്രമുഖ പത്രങ്ങളിൽ നിന്നുള്ള മാധ്യമപ്രവർത്തകരും പങ്കെടുത്തു.

വിവിധ വിഷയങ്ങളിൽ ചർച്ചകളും പ്രമേയങ്ങളും അവതരിപ്പിച്ച സമ്മേളനം അംഗങ്ങളുടെ സജീവ പങ്കാളിത്തത്തോടെ വിജയകരമായി സമാപിച്ചു.

കണ്ണൂർ ജില്ലാ സമ്മേളനത്തിൽ അവതരിപ്പിച്ച പ്രമേയങ്ങൾ

വാട്ടേഴ്‌സ് കേരള കണ്ണൂർ ജില്ലാ സമ്മേളനത്തിൽ ജലശുദ്ധീകരണ മേഖലയുമായി ബന്ധപ്പെട്ട പ്രധാന വിഷയങ്ങൾ ചർച്ച ചെയ്യുകയും രണ്ട് പ്രധാന പ്രമേയങ്ങൾ ഏകകണ്ഠമായി പാസാക്കുകയും ചെയ്തു.

1️⃣ ഹോൾസെയിൽ വില സംബന്ധിച്ച പ്രമേയം

കണ്ണൂർ ജില്ലയിൽ വാട്ടർ പ്യൂരിഫയർ ബിസിനസ് നിയമാനുസൃതമായി രജിസ്ട്രേഷൻ എടുത്ത് നടത്തുന്ന സ്ഥാപനങ്ങൾക്കും, രജിസ്ട്രേഷൻ ഇല്ലാതെ ബിസിനസ് നടത്തുന്നവർക്കും ഒരേ ഹോൾസെയിൽ നിരക്കിൽ സാധനങ്ങൾ വിതരണം ചെയ്യുന്ന പ്രവണത അവസാനിപ്പിക്കണം എന്ന ആവശ്യവുമായി ജില്ലാ സമ്മേളനം പ്രമേയം പാസാക്കി.

നിയമപരമായി രജിസ്ട്രേഷൻ എടുത്ത് നികുതികൾ അടച്ച് ബിസിനസ് നടത്തുന്ന സ്ഥാപനങ്ങൾക്ക് യഥാർത്ഥ ഹോൾസെയിൽ വിലയിൽ സാധനങ്ങൾ ലഭ്യമാക്കുകയും, രജിസ്ട്രേഷൻ ഇല്ലാതെ പ്രവർത്തിക്കുന്നവർക്കു അതിനേക്കാൾ കൂടിയ നിരക്കിൽ സാധനങ്ങൾ നൽകുകയും ചെയ്യണമെന്ന് ഹോൾസെയിൽ വ്യാപാരികളോട് സമ്മേളനം ആവശ്യപ്പെട്ടു.

ഇത് നിയമാനുസൃതമായി പ്രവർത്തിക്കുന്ന സ്ഥാപനങ്ങൾക്ക് സംരക്ഷണവും വ്യാപാര രംഗത്ത് സമത്വവും ഉറപ്പാക്കാൻ സഹായിക്കുമെന്നു സമ്മേളനം അഭിപ്രായപ്പെട്ടു.

ഈ പ്രമേയം റാഹിദ് അഴീക്കോട് അവതരിപ്പിച്ചു.

2️⃣ ജി.എസ്.ടി ഒഴിവാക്കണമെന്ന് ആവശ്യപ്പെട്ട പ്രമേയം

ജലശുദ്ധീകരണ ഉപകരണങ്ങൾ പൊതുജനാരോഗ്യവുമായി നേരിട്ട് ബന്ധപ്പെട്ട ഒരു അടിസ്ഥാന ആവശ്യമാണ് എന്നതിനാൽ, ഇത്തരം ഉപകരണങ്ങൾക്ക് നിലവിലുള്ള ജി.എസ്.ടി (GST) പൂർണമായും ഒഴിവാക്കണമെന്ന് സംസ്ഥാന സർക്കാറിനോടും കേന്ദ്ര സർക്കാറിനോടും ആവശ്യപ്പെടുന്ന പ്രമേയവും സമ്മേളനം പാസാക്കി.

ശുദ്ധജലം ഓരോ മനുഷ്യന്റെയും അടിസ്ഥാന അവകാശമാണ്. അതിനാൽ ജലശുദ്ധീകരണ ഉപകരണങ്ങൾക്ക് നികുതി ഒഴിവാക്കിയാൽ കൂടുതൽ ആളുകൾക്ക് ഈ ഉപകരണങ്ങൾ ഉപയോഗിക്കാൻ സാധിക്കുമെന്നും അതുവഴി പൊതുജനാരോഗ്യം മെച്ചപ്പെടുമെന്നും സമ്മേളനം വിലയിരുത്തി.

ഈ പ്രമേയം കലേഷ് അവതരിപ്പിച്ചു.