ഭര്ത്താവിന് വിദേശത്ത് ജോലി വാഗ്ദാനം ചെയ്ത് ഭാര്യയില് നിന്ന് ലക്ഷങ്ങള് തട്ടി; പ്രതി പിടിയിൽ
സുല്ത്താന്ബത്തേരി: ഭര്ത്താവിന് വിദേശത്ത് ജോലി വാഗ്ദാനം ചെയ്ത് ഭാര്യയില് നിന്ന് ലക്ഷങ്ങള് തട്ടിയെന്ന കേസില് ഡല്ഹി സ്വദേശിയെ നൂല്പ്പുഴ പൊലീസ് അറസ്റ്റ് ചെയ്തു. ദില്ലി ജാമിയ നഗര് സ്വദേശിയായ അര്ഹം സിദ്ധീഖിയെ (34) യാണ് ദില്ലിയിലെത്തി പിടികൂടിയത്. നെന്മേനി കോടതിപ്പടി സ്വദേശിനിയുടെ പരാതിയുടെ അടിസ്ഥാനത്തിലാണ് നടപടി.
ഈ കേസില് മുഖ്യപ്രതിയായ തലശ്ശേരി പാറാല് സ്വദേശിയായ ബദരിയ മന്സില് പി പി സമീര്(46) എന്നയാളെ ഇക്കഴിഞ്ഞ ജനുവരിയില് അറസ്റ്റ് ചെയ്തിരുന്നു. ഇയാള് ഇപ്പോള് റിമാന്ഡില് കഴിഞ്ഞു വരികയാണ്. ഇപ്പോള് പിടിയിലായ അര്ഹം സിദ്ദീഖിയും സമീറും ചേര്ന്ന് തട്ടിപ്പ് ആസൂത്രണം ചെയ്തുവെന്നാണ് പൊലീസ് കരുതുന്നത്. അര്ഹം സിദ്ധീഖിയുടെ അക്കൗണ്ടിലേക്കാണ് യുവതിയെ കൊണ്ട് സമീര് പണമയപ്പിച്ചിരുന്നത്. ബാങ്ക് അക്കൗണ്ട് രേഖകളും വിനിമയം നടത്തിയ രേഖകളും കേന്ദ്രീകരിച്ച് നടത്തിയ അന്വേഷണത്തിലാണ് അര്ഹം സിദ്ധീഖിയെ പിടികൂടിയത്.
Comments
Post a Comment