🚒പൂച്ചയെ രക്ഷിക്കാനിറങ്ങി കിണറിൽ കുടുങ്ങിയ ആളെ അഗ്നിശമന സേന രക്ഷപ്പെടുത്തി
തളിപ്പറമ്പ്: പൂച്ചയെ രക്ഷിക്കാൻ കിണറ്റിൽ ഇറങ്ങിയ മധ്യവയസ്ക്കനെ തളിപ്പറമ്പ് അഗ്നിശമന സേന രക്ഷപ്പെടുത്തി. കാവുമ്പായി കൂട്ടുംമുഖത്തെ കരുവാൻ വളപ്പിൽ കെ.വി.അൻസാർ (42) ആണ് കിണറിൽ കുടുങ്ങിയത്. ഇന്ന് പുലർച്ചെ 12.20നാണ് സംഭവം. ചിറ്റുപറമ്പിൽ കെന്നഡി എന്നയാളുടെ കിണറിലാണ് പൂച്ച വീണത്. പൂച്ചയെ കരയിലേക്ക് കയറ്റിയെങ്കിലും ക്ഷീണം അനുഭവപ്പെട്ട അൻസാറിന് കയറാൻ കഴിഞ്ഞില്ല. വിവരമറിഞ്ഞ് തളിപ്പറമ്പ് അഗ്നിശമന നിലയത്തിൽ നിന്നും സീനിയർ ഫയർ ആൻ്റ് റെസ്ക്യു ഓഫീസർ എം.ബി.സുനിൽകുമാറിൻ്റെ നേതൃത്വത്തിലെത്തിയ സംഘമാണ് ഇയാളെ സുരക്ഷിതമായി കരയിൽ എത്തിച്ചത്.
Comments
Post a Comment