സർക്കാർ ആശുപത്രിയില് ചികില്സക്കെത്തിയ ബാലികയെ പീഡിപ്പിച്ചെന്ന പരാതിയിൽ സുരക്ഷാ ജീവനക്കാരന് പോക്സോ കേസിൽ അറസ്റ്റില്
തളിപ്പറമ്പ്: തളിപ്പറമ്പ് ഗവ.താലൂക്ക് ആശുപത്രിയില് അമ്മയോടൊപ്പം ചികിത്സക്കെത്തിയ ബാലികയെ പീഡിപ്പിച്ചെന്ന പരാതിയിൽ പോക്സോ കേസ് ചുമത്തിസുരക്ഷാ ജീവനക്കാരനെ അറസ്റ്റുചെയ്തു. പയ്യാവൂര് പൊന്നുപറമ്പിലെ പ്രദീപനെയാണ് (47) തളിപ്പറമ്പ് എസ്.ഐ ദിനേശന് കൊതേരിയുടെ നേതൃത്വത്തില് അറസ്റ്റ് ചെയ്തത്.
കഴിഞ്ഞഡിസംബര്2 2ന് ആശുപത്രിയില് അമ്മയോടൊപ്പം ചികിത്സക്കെത്തിയ ഭിന്നശേഷിക്കാരിയായ പെണ്കുട്ടിയാണ് പീഡനത്തിനിരയായത്. കുട്ടിയെ ജ്യൂസ് വാങ്ങിത്തരാമെന്ന് പറഞ്ഞ് പുറത്തേക്ക് കൊണ്ടുപോയി പീഡിപ്പിച്ചതായാണ് രക്ഷിതാക്കളുടെ പരാതി. പൊലിസ് കേസെടുത്തതിന് ശേഷം ഒളിവിൽ പോയ കുറ്റാരോപിതനെപിടികൂടുകയായിരുന്നു. പരിയാരത്തെ കണ്ണൂർ മെഡിക്കൽ കോളേജ് ആശുപത്രിയിൽ വൈദ്യ പരിശോധനയ്ക്ക് വിധേയനാക്കിയ ശേഷമാണ് അറസ്റ്റ് രേഖപ്പെടുത്തിയത്.
Comments
Post a Comment