കുറുമാത്തൂർ വാർത്തകൾ, നാറാത്ത് വാർത്തകൾ, പാപ്പിനിശ്ശേരി വാർത്തകൾ

ഇന്ന് ഉച്ചയോടെ ആണ് അപകടമുണ്ടായത്. കണ്ണൂർ - കൂത്തുപറമ്പ് ലാമ ബസ്സാണ് അപകടത്തിൽപ്പെട്ടത്. ചാല സ്കൂൾ ഗ്രൗണ്ടിന് സമീപമാണ് അപകടമുണ്ടായത്. നിരവധി യാത്രക്കാർക്ക് പരിക്കേറ്റു. പരിക്കേറ്റവരെ ആശുപത്രിയിൽ പ്രവേശിപ്പിച്ചു.

  മയ്യിൽ: പഴശ്ശി കാരക്കൂട് മുക്കിന് സമീപം സാന്ത്വന നിവാസിൽ കെ ഒ പി രമേശൻ (47) അന്തരിച്ചു. ഭാര്യ: ഒ പി സന്ധ്യ. മക്കൾ: സാനിയ, സാന്ത്വന (ഇരുവരും വിദ്യാർഥികൾ). ഇന്ന് ചൊവ്വ വൈകീട്ട് അഞ്ച് മുതൽ മയ്യിൽ കിളിയളത്തെ വീട്ടിലും തുടർന്ന് ഏഴ് മണി വരെ പഴശ്ശിയിലെ വീട്ടിലും പൊതുദർശനം. സംസ്കാരം കണ്ടക്കൈ ശാന്തിവനത്തിൽ.

  കണ്ണൂർ: Society for Human Investigation (SHI) കണ്ണൂർ ജില്ലാ കമ്മിറ്റി യോഗം ചേർന്ന് കമ്മിറ്റി പുനസംഘടിപ്പിച്ചു. ഒരു മാസത്തിനുള്ളിൽ അഞ്ച് താലൂക്ക് കമ്മിറ്റികൾ രൂപീകരിക്കാൻ തീരുമാനിച്ചു. കണ്ണൂർ ടൗണിൽ റോഡുകളിലെ സ്ലാബുകളുടെ അറ്റകുറ്റപ്പണികൾ വൈകുന്നതിനെ തുടർന്ന് കാൽനടയാത്രക്കാർക്കും പൊതുജനങ്ങൾക്കും അപകടസാധ്യത വർധിച്ചിരിക്കുകയാണെന്നും, ഇത് അടിയന്തിരമായി പരിഹരിക്കണമെന്നും യോഗം ആവശ്യപ്പെട്ടു. കൂടാതെ, വളർന്നുവരുന്ന മദ്യ–മയക്കുമരുന്ന് സംഘങ്ങളെ നിയന്ത്രിക്കാൻ സർക്കാർ സംവിധാനങ്ങൾ കൂടുതൽ ഫലപ്രദമായി ഇടപെടണമെന്നും SHI കണ്ണൂർ ജില്ലാ കമ്മിറ്റി ആവശ്യപ്പെട്ടു. യോഗത്തിൽ ജോയിൻ സെക്രട്ടറി സുചിത്ര സ്വാഗതം പറഞ്ഞു. പ്രസിഡന്റ് സുജിത് അധ്യക്ഷത വഹിച്ചു. സംസ്ഥാന കമ്മിറ്റി അംഗം സീന ഉദ്ഘാടനം ചെയ്തു. സെക്രട്ടറി അഡ്വ. എം. രാജീവൻ മുഖ്യപ്രഭാഷണം നടത്തി. ജോയിൻ സെക്രട്ടറി ഉത്തമൻ വേലിക്കൊത്ത് ക്ലാസെടുത്തു. വൈസ് പ്രസിഡന്റ് ജിജു നന്ദി പറഞ്ഞു.

കാട്ടാമ്പള്ളി കണിയറക്കൽ വീട്ടിൽ താമസിക്കുന്ന റാഫി മരണപ്പെട്ടു... (പുതിയതെരുവിൽ പച്ചക്കറി തൊഴിലാളി )...

  കാസർകോട്: കുടുംബവഴക്ക് ഒരു കുടുംബത്തെ മുഴുവൻ തകർത്ത ദുരന്തമായി മാറി. പിതാവിന്റെ വെട്ടേറ്റ് കൊല്ലപ്പെട്ട പ്ലസ് വൺ വിദ്യാർഥിനി ജുമൈലയ്ക്ക് പിന്നാലെ, സംഭവത്തിൽ ഗുരുതരമായി പരിക്കേറ്റ ബന്ധുവും മരിച്ചു. ജുമൈലയുടെ പിതാവ് ഉമ്മറിന്റെ ഭാര്യാസഹോദരിയുടെ ഭർത്താവായ ഷേഖ് അബ്ബയാണ് മരിച്ചത്. ഉമ്മറിന്റെ വെട്ടേറ്റ് മംഗളൂരുവിലെ ആശുപത്രിയിൽ ചികിത്സയിലിരിക്കെയാണ് മരണം സംഭവിച്ചത്. സംഭവവുമായി ബന്ധപ്പെട്ട് ജുമൈലയുടെ പിതാവ് ഉമ്മർ പൊലീസ് കസ്റ്റഡിയിലാണ്. തിങ്കളാഴ്ച വൈകിട്ട് അഞ്ചരയോടെയാണ് നാടിനെ നടുക്കിയ സംഭവം നടന്നത്. ഉമ്മറും കുടുംബവും ഉമ്മറിന്റെ ഭാര്യാസഹോദരിയുടെ വീട്ടിലായിരുന്നു താമസം.സ്വത്തിനെ ചൊല്ലി ഉമ്മറും ഭാര്യാസഹോദരിയുടെ ഭർത്താവും തമ്മിൽ വാക്കേറ്റം ഉണ്ടായതോടെയാണ് സംഘർഷം അക്രമത്തിലേക്ക് നീങ്ങിയത്. ഉമ്മർ ആയുധം ഉപയോഗിച്ച് ആക്രമണം നടത്തിയപ്പോൾ അത് തടയാൻ ശ്രമിച്ച മകൾ ജുമൈലയ്ക്കാണ് വെട്ടേറ്റത്. കഴുത്തിലും കാലിലും ഗുരുതരമായി പരിക്കേറ്റ ജുമൈലയെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കൊല്ലപ്പെട്ട ജുമൈല ഉമ്മറിന്റെ ഏക മകളായിരുന്നു. വിദേശത്ത് ജോലി ചെയ്തിരുന്ന ഉമ്മർ ലഹരിവസ്തുക്കൾ, കഞ്ചാവ് ഉൾപ്പെടെ...

  പൊറോലത്തെ സി.വി.രോഹിണി 67 ( ചോടോൻ വീട്) നിര്യാതയായി. ഭർത്താവ് പരേതനായ പി.സി.ജനാർദ്ദനൻ , മക്കൾ സി.വി.ലതിക , സി.വി. ലതീഷ് . മരുമക്കൾ പ്രശാന്തൻ (മുണ്ടേരി ), സവിത (തെരൂർ ). സംസ്കാരം വൈ. 3 മണിക്ക് പൊറോലം ശാന്തി വനത്തിൽ

  പെയിന്റിംഗ് ജോലിക്കിടെ താഴെ വീണ് പരിക്കേറ്റയാൾ മരിച്ചു ഇരിട്ടി: പെയിന്റിംഗ് ജോലിക്കിടെ ഒന്നാംനിലയില്‍ നിന്ന് വീണു പരിക്കേറ്റ് ചികില്‍സയിലായിരുന്ന മധ്യവയസ്‌ക്കന്‍ മരിച്ചു. പടിയൂര്‍ വട്ടപ്പാറയിലെ കിഴക്കേവള്ളിക്കാട്ടില്‍ പുലിക്കാട്ടില്‍ ആദ്യകാല വ്യാപാരി പരേതരായ മാത്യു-ഏലിയാമ്മ ദമ്പതികളുടെ മകന്‍ കെ.എം.ജോസ്(62)ആണ് മരിച്ചത്. ജനുവരി 27 ന് രാവിലെ 9 ന് തളിപ്പറമ്പ് മുയ്യം ചെപ്പിനൂലിലെ രാജേഷിന്റെ വീട്ടില്‍ പെയിന്റിംഗ് ജോലിക്കിടെയാണ് ജോസ് താഴെ വീണത്. കണ്ണൂരിലെ ശ്രീചന്ദ് ആശുപത്രിയില്‍ ചികില്‍സയിലായിരുന്ന ജോസ് ഇന്ന് രാവിലെ എട്ടിനാണ് മരണപ്പെട്ടത്. ഭാര്യ: താര. മക്കള്‍: അഖില്‍, അമൃത. മരുമക്കള്‍: റയന, ജിതിന്‍. സഹോദരങ്ങള്‍ ഡെയിസി, ഷര്‍ളി, സണ്ണി, ഷൈബി. സംസ്‌ക്കാരം നാളെ വൈകുന്നേരം നാല് മണിക്ക് മാങ്കുഴി സെന്റ് തോമസ് പള്ളിയില്‍.

  കൊളച്ചേരി : കരയാപ്പ്.കോയിലത്ത് അബ്ദുൾ സലാം ഹാജി  78 വയസ്സ് നിര്യാതനായി. ഭാര്യ ആമിന  മക്കൾ. ഉനൈസ് ആബിദ ആരിഫ  ആശിഫ നൂഞ്ഞേരി ജുമാമസ്ജിദ് കബർസ്ഥാനിൽ ജുമാ കബറടക്കം കഴിഞ്ഞു.

  നാറാത്ത് ആലിങ്കീഴിൽ ബസ്സ് സ്റ്റോപ്പിന് സമീപം ബൈക്കുകൾ കൂട്ടിയിടിച്ചു അപകടം. ആക്ടിവ ബൈക്കും ബുള്ളറ്റും ആണ് കൂട്ടിയിടിചാണ് അപകടം. അപകടത്തിൽ 2 പേർക്ക് പരിക്ക്. പരിക്ക് പറ്റിയവരെ സ്വകാര്യ ആശുപത്രിയിൽ പ്രവേശിപ്പിച്ചു.

  മഞ്ചേശ്വരം :മഞ്ചേശ്വരത്തെ നടുക്കി പെൺകുട്ടിയുടെ കൊലപാതകം. മഞ്ചേശ്വരത്തെ തുമിനാട് മകളെ പിതാവ് അതിക്രൂരമായി വെട്ടിക്കൊലപ്പെടുത്തി. 18 വയസുകാരി മറിയം ജുമൈലയാണ് കൊല്ലപ്പെട്ടത്. സംഭവത്തിൽ പിതാവ് ഉമ്മർ ഫാറൂഖിനെ പൊലീസ് കസ്റ്റഡിയിലെടുത്തു. പ്രതി മയക്കുമരുന്നിന് അടിമയാണെന്ന് നാട്ടുകാർ പറഞ്ഞു. ഇന്ന് വൈകുന്നേരമാണ് ക്രൂര മായകൊലപാതകം നടന്നത് വീടിനകത്ത് വെച്ചാണ് ജുമൈലയെ വെട്ടിക്കൊലപ്പെടുത്തിയത്. പ്രാഥമികമായി ലഭിക്കുന്ന വിവരമനുസരിച്ച്, കുടുംബവഴക്കിനെ തുടര്‍ന്നാണ് കൊലപാതകമെന്നാണ് അറിവ്. സ്വത്ത് തര്‍ക്കവും സ്വര്‍ണാഭരണവുമായി ബന്ധപ്പെട്ട തര്‍ക്കങ്ങളും ഉണ്ടായിരുന്നുവെന്നാണ് പുറത്തുവരുന്ന വിവരം. അതേ സമയം, നാട്ടുകാര്‍ പറയുന്നത് പിതാവ് സ്ഥിരമായി മയക്കുമരുന്ന് ഉപയോഗിക്കുന്ന ആളാണെന്നും അതിനെ തുടര്‍ന്നുണ്ടായ കൊലപാതകമാണെന്നുമാണ്. സംഭവത്തെക്കുറിച്ച് കൂടുതൽ അന്വേഷണം നടത്തിവരുന്നതായും പൊലീസ് വ്യക്തമാക്കി. വീടിനകത്ത് വെച്ച് നടന്ന വാക്കുതര്‍ക്കത്തിനൊടുവിൽ പിതാവ് പെണ്‍കുട്ടിയെ ഒന്നിലധികം തവണ വെട്ടുകയായിരുന്നു. നാട്ടുകാര്‍ പെണ്‍കുട്ടിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. ഈ വീട്ടിൽ സ്ഥിരമായി ...

  തളിപ്പറമ്പ് :കീഴാറ്റൂരിൽ പട്ടാപ്പകൽ വീട് കുത്തി തുറന്ന് കവർച്ച നടത്താൻ ശ്രമിച്ച മോഷ്ടാവിനെ നാട്ടുകാർ പിടികൂടി പോലീസിന് കൈമാറി. കീഴാറ്റൂർ കോടേശ്വരം ക്ഷേത്രത്തിന് സമീപത്തെ പി വി വിനോദ് കുമാറിന്റെ വീട്ടിൽ അതിക്രമിച്ച് കയറിയ കൊല്ലം സ്വദേശി എസ് ശിവൻ (35) ആണ് പിടിയിലായത്.  തിങ്കളാഴ്ച ഉച്ചയ്ക്ക് 12 മണിയോടെയാണ് സംഭവം. ​വീടിന്റെ പിൻഭാഗത്ത് നിന്നും അസ്വാഭാവിക ശബ്ദം കേട്ട് ഓടിയെത്തിയ അയൽവാസികളാണ് മോഷ്ടാവിനെ കണ്ടത്. വീടിന്റെ പിൻവാതിൽ ഇൻ്റർലോക്ക് കട്ട ഉപയോഗിച്ച് തകർക്കാൻ ശ്രമിക്കുകയായിരുന്നു ഇയാൾ. നാട്ടുകാരെ കണ്ടതോടെ ഓടി രക്ഷപ്പെടാൻ ശ്രമിച്ച പ്രതിയെ തടഞ്ഞ് വച്ച് തളിപ്പറമ്പ് പോലീസിന് കൈമാറുകയായിരുന്നു.

  ഇരിട്ടിയിൽ ബന്ധുവിട്ടിൽ വിരുന്നിനെത്തിയ യുവതി കുഴഞ്ഞു വീണു മരിച്ചു. വീരാജ് പേട്ടയിലെ പള്ളിയൽതൊടിയിൽ പി.എംമുബഷീറ ( 24 ) ആണ് കൂട്ടുപുഴ തൊട്ടിപ്പാലത്തിലെ ബന്ധുവീട്ടിൽ കുഴഞ്ഞുവീണ് മരിച്ചത്. വിരാജ് പേട്ടയിൽ നിന്ന് തൊട്ടിപ്പാലം ഭർതൃസഹോദരിയുടെ വീട്ടിൽ ശനിയാഴ്ച്ച വിരുന്നിന്നെത്തിയതായിരുന്നു യുവതി .ഞായറാഴ്ച്ച രാത്രിയോടെ കുഴഞ്ഞു വീഴുകയായിരുന്നു. ഉടൻ ബന്ധുക്കളും നാട്ടുകാരും ഇരിട്ടിയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. വീരാജ് പേട്ടപള്ളിയിൽ തൊടിയിൽ മൊയ്തീൻ - സുബൈദ ദമ്പതികളുടെ മകളാണ് ഭർത്താവ്: എ.എ.മുഹമ്മദ് റിയാസ് (പൊന്നപ്പ സന്ത) ഒന്നര വയസ്സുകാരി ഫാത്തിമ നൈസ ഏകമകളാണ് സഹോദരൻ: മുർഷിദ, പരേതനായ മുബഷീർ ഖബറടക്കം: ഇന്ന് വൈകിട്ട് വീരാജ് പേട്ട പൊന്നപ്പസന്ത ജുമാ മസ്ജിദ് ഖബർസ്ഥാനിൽ

  ഇരിക്കൂർ:  ബ്ലാത്തൂർ മുല്ലച്ചേരിയിൽ ആളൊഴിഞ്ഞ കശുമാവിൻ തോട്ടത്തിൽ സ്ത്രീയെയും പുരുഷനെയും മരിച്ച നിലയിൽ കണ്ടെത്തി. ബ്ലാത്തൂർ സ്വദേശി ഇഞ്ചിക്കാലിൽ നാരായണൻ (72), മണ്ണേരി ഉന്നതിയിലെ ചീകണ്ടി സുമ (47) എന്നിവരെയാണ് മരിച്ച നിലയിൽ കണ്ടെത്തിയത്. സുമയെ ഷെഡ്ഡിലും നാരായണനെ സമീപത്തുള്ള മാവിൻ കൊമ്പിൽ തൂങ്ങി മരിച്ച നിലയിലുമാണ് കണ്ടെത്തിയത്. കശുവണ്ടി പെറുക്കാൻ എത്തിയവർ നാരായണനെ തൂങ്ങി മരിച്ച നിലയിൽ ആദ്യം കണ്ടു. പിന്നീട് പരിശോധിച്ചപ്പോൾ സമീപത്തെ ഷെഡ്ഡിൽ സുമയെ മരിച്ച നിലയിലും കണ്ടെത്തുകയായിരുന്നു. ഉളിക്കൽ സിഐ ഡോളി വി എം, ഇരിക്കൂർ പൊലീസ് സ്റ്റേഷനിലെ എസ്ഐമാരായ അബ്ദുൽ നാസർ, എം സി മനോഹരൻ എന്നിവർ അടങ്ങുന്ന സംഘവും സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി മൃതദേഹങ്ങൾ പരിയാരം കണ്ണൂർ ഗവ. മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.  പരേതരായ കണ്ണൻ-പൈതൽ എന്നിവരുടെ മകനാണ് നാരായണൻ. ഭാര്യ: ശുശീല. മക്കൾ: സുജില, സുധിഷ്, സുനിത. സഹോദരങ്ങൾ: പരേതരായ കല്യാണി, മാധവി. മണ്ണേരി ഉന്നതിയിലെ പരേതനായ കെ ബാലന്റെ ഭാര്യയാണ് സുമ. മക്കൾ: ഭാവന, അമ്മു, കാവ്യ.

  ജീവനൊടുക്കാൻ സി.ജെ റോയ് നേരത്തെ പ്ളാനി ട്ടു : നിർണായക വിവരങ്ങൾ പുറത്ത് ബംഗ്ളൂര് :ജീവനൊടുക്കാനുള്ള തീരുമാനം നേരത്തെ തീരുമാനിച്ച് ഉറപ്പിച്ചിരുന്നു എന്ന സൂചനയാണ് കോൺഫിഡൻ്റ് ഗ്രൂപ്പ് ചെയർമാൻ സി.ജെ. റോയിയുടെ ഡയറിയിലെ വിവരങ്ങളിൽ നിന്നും ലഭിക്കുന്നത്. കുടുംബത്തോട് ക്ഷമചോദിച്ചതാണ് കുറിപ്പ് ആരംഭിക്കുന്നത്. കടുത്ത തീരുമാനം എടുക്കുകയാണെന്നും അതിന് മാപ്പ് ചോദിക്കുകയാണെന്നും കുറപ്പിലുണ്ട്. ഡയറിയിൽ എഴുതി തയ്യാറാക്കിയ കുറിപ്പ് കഴിഞ്ഞ ദിവസമാണ് കുടുംബത്തിന് ലഭിച്ചത് എന്നാണ് വിവരം. മരണശേഷം എങ്ങനെ ബിസിനസ് കൊണ്ടുപോകണമെന്നും ആരാണ് പിൻഗാമികളെന്നും ഉത്തരവാദിത്തങ്ങൾ എങ്ങനെ കൈകാര്യം ചെയ്യണമെന്നും അദ്ദേഹം വിശദീകരിക്കുന്നുണ്ട്. നിക്ഷേപകരുടെ താൽപ്പര്യങ്ങൾ സംരക്ഷിക്കണമെന്നും തുടക്കം മുതലുള്ള ആളുകളെ വഞ്ചിക്കരുതെന്നും കുറിപ്പിലുണ്ട്. ആത്മഹത്യാ കുറിപ്പിന് സമാനമായിട്ടുള്ള വിവരങ്ങളാണ് ഡയറിയിലുള്ളത്. അതിനാൽ മരിക്കാനുള്ള തീരുമാനം റോയ് നേരത്തെ തന്നെ ആലോചിച്ചുറപ്പിച്ചിരുന്നു എന്നാണ് സംശയം. മരണം സംഭവിച്ച വെള്ളിയാഴ്‌ച രാവിലെ റോയ് തന്റെ സഹോദരൻ സി.ജെ ബാബുവിനെ മൂന്ന് തവണ തുടർച്ചയായി ഫോണിൽ വിളിച്ചിരുന്നു. ഈ സമയത്ത് ബാബു താ...

  നാറാത്ത്:  ആലിങ്കീഴിൽ കാട്ടുവാടിക്ക് യുവജന വായനശാലക്ക് സമീപം താമസിക്കുന്ന പ്രദീപൻ 58  നിര്യാതനായി.   ഭാര്യ : സുജാത. മക്കൾ : ആദർശ്, ആകാശ്. സംസ്ക്കാരം : 12:30 പന്ന്യങ്കണ്ടി സമുദായ ശ്മാശാനത്തിൽ.

  പാപ്പിനിശ്ശേരി ഇ.എം.എസ് സ്മാരക ഹൈസ്കൂളിന് കിഴക്ക് അംഗൻവാടിക്ക് സമീപം പട്ടേരി ദേവകി (82) നിര്യാതയായി. മുൻ പി. ജി. പ്ലൈവുഡ് തൊഴിലാളി ആയിരുന്നു. അച്ഛൻ : പരേതനായ കുഞ്ഞമ്പു  അമ്മ : പട്ടേരി പാറു. ഭർത്താവ് : ഗോവിന്ദൻ മക്കൾ : സന്തോഷ്‌ കുമാർ, പ്രസീത. മരുമക്കൾ : ഷീജ, പരേതനായ ജയരാജൻ. സഹോദരങ്ങൾ :പരേതനായ നാരായണൻ, കൃഷ്ണൻ, കല്യാണി, ലക്ഷ്മണൻ. സംസ്ക്കാരം 10 മണിക്ക് ഹാജി റോഡ് സമുദായ ശ്മശാനത്തിൽ.

  പഴയങ്ങാടി താവം റെയിൽവേ മേൽപ്പാലത്തിൽ വാഹനാപകടം ടൂറിസ്റ്റ് ബസിന് പിറകിൽ ഇടിച്ച കാറിന് പിറകെ മറ്റൊരു ടൂറിസ്റ്റ് ബസ് ഇടിച്ചാണ് അപകടം അപകടത്തിൽ കാർ പൂർണ്ണമായും തകർന്നു

മസ്കത്ത്: കെട്ടിടത്തിൽ നിന്ന്  വീണ് മലയാളി വിദ്യാർഥി മസ്‌കത്തിൽ മരിച്ചു. ഇടുക്കി തൊടുപുഴ അമയപ്ര ഉടുമ്പന്നൂർ സ്വദേശി ജോർജ് മെക്കാട്ടിൽ ബിനുവിന്റെയും ബിന്ദു ജോർജിന്റെയും മകൻ ബേസിൽ ജോർജ് ആണ് മരിച്ചത് 12 വയസ്സായിരുന്നു പ്രായം. മസ്കത്തിലെ വാദി കബീറിലെ അപാർട്ട്മെന്റ് കെട്ടിടത്തിൽനിന്നാണ് വിദ്യാർഥി വീണത്... വാദി കബീർ ഇന്ത്യൻ സ്‌കൂളിലെ 7ാം ക്ലാസ് വിദ്യാത്ഥി ആയിരുന്നു ബേസിൽ. സംഭവത്തെക്കുറിച്ച് കൂടുതൽ അന്വേഷണം നടന്നുവരികയാണ്. തുടർ നടപടികൾക്കായി ആശുപത്രിയിലേക്ക് മാറ്റി..

 ഇസ്മയിൽ. കെ (കാര്യക്കാരന്റെ കത്ത് )74വയസ്സ്. നിര്യാതനായി.  ഖബർ അടക്കം രാവിലെ  മന്ന റഹ്മാനിയ മസ്ജിദ്  ഭാര്യ :നസീമ പി എം  മക്കൾ :ഷബീർ, നാസിമ്, നമീർ (മർഹും)നഷീദ, ഷെമീല.മരുമക്കൾ : താജുദ്ധീൻ, ആഷിഖ്. സഹോദരങ്ങൾ : കുഞ്ഞഹ്‌മദ്, സുബൈദ, റൗള.

കണ്ണൂർ :സംസ്ഥാന സർക്കാരിന്റെ വികസന-ക്ഷേമ പ്രവർത്തനങ്ങൾ ജനങ്ങളിലെത്തിക്കാൻ ലക്ഷ്യമിട്ട് ഇടതുപക്ഷ ജനാധിപത്യ മുന്നണി സംഘടിപ്പിക്കുന്ന വികസന മുന്നേറ്റ ജാഥകൾക്ക് ഇന്ന് തുടക്കം. മൂന്ന് മേഖലകളായി തിരിച്ച് നടത്തുന്ന പര്യടനങ്ങളിൽ ആദ്യത്തേതായ വടക്കൻ മേഖലാ ജാഥ ഞായറാഴ്ച ഉച്ചയ്ക്ക് മൂന്ന്മണിക്ക് മഞ്ചേശ്വരം മണ്ഡലത്തിലെ കുമ്പളയിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. സിപിഎം സംസ്ഥാന സെക്രട്ടറി എം.വി. ഗോവിന്ദനാണ് ജാഥാ ക്യാപ്റ്റൻ. കേരളം കൈവരിച്ച വികസന കുതിപ്പും എൽഡിഎഫ് സർക്കാരിന്റെ കരുതലും ചർച്ചയാക്കി ഭരണത്തുടർച്ചയ്ക്കുള്ള ജനവിധി തേടുക എന്നതാണ് ജാഥയുടെ പ്രധാന ലക്ഷ്യം. കാസർകോട് മുതൽ പാലക്കാട് വരെയുള്ള ആറ് ജില്ലകളിലൂടെയാണ് വടക്കൻ മേഖലാ ജാഥ കടന്നുപോകുന്നത്. ഫെബ്രുവരി 16-ന് പാലക്കാട് തരൂരിലാണ് പര്യടനം സമാപിക്കുക. സിപിഐ ദേശീയ സെക്രട്ടറിയേറ്റ് അംഗം പി. സന്തോഷ് കുമാർ എംപി മാനേജരായ ജാഥയിൽ മുന്നണിയിലെ വിവിധ കക്ഷി നേതാക്കൾ സ്ഥിരാംഗങ്ങളായി പങ്കെടുക്കും. ആദ്യ ദിനമായ ഇന്ന് വൈകിട്ട് അഞ്ച്മണിക്ക് കാസർകോട് മണ്ഡലത്തിലെ നുള്ളിപ്പാടിയിലാണ് സമാപനം. തുടർന്നുള്ള ദിവസങ്ങളിൽ ഉദുമ, കാഞ്ഞങ്ങാട്, തൃക്കരിപ്പൂർ എന്നിവിടങ്ങളി...

  നാറാത്ത് : ഓണപ്പറമ്പിൽ കെ വി സോമൻ (65)നിര്യാതനായി. ഭാര്യ : സുധ.കെ മക്കൾ :നിഷിത, നിഷാന്ത്  മരുമകൻ. സന്തോഷ്‌ (കണ്ണാടിപറമ്പ് ) സഹോദരങ്ങൾ : കൃഷ്ണൻ, നളിനി, പത്മിനി, പരേതരായ :കരുണൻ, നാരായണൻ, ഉണ്ണികൃഷ്ണൻ, കുഞ്ഞിക്കണ്ണൻ.  സംസ്‍കാരം ഇന്ന് ഞായർ 11 മണിക്ക് ഓണപ്പറമ്പ് സമുദായ ശ്മശാനത്തിൽ

പറശിനിക്കടവ് :ആന്തൂർ നഗരസഭയിലെ പറശിനിക്കടവിൽ നിർമിക്കുന്ന ബസ്‌സ്‌റ്റാൻഡ്‌ കോംപ്ലക്‌സിന്റെയും കൺവൻഷൻ സെന്ററിന്റെയും ഒന്നാംഘട്ട നിർമാണോദ്‌ഘാടനം എം വി ഗോവിന്ദൻ എംഎൽഎ നിർവഹിച്ചു. പറശ്ശിനിക്കടവ്‌ ബസ്‌സ്‌റ്റാൻഡ്‌ പരിസരത്ത്‌ നടക്കുന്ന ചടങ്ങിൽ ആന്തൂർ നഗരസഭാ ഡിജി കേരള 2.0 പൈലറ്റ്‌ പ്രൊക്ടിന്റെ ഉദ്‌ഘാടനവും അദ്ദേഹം നിർവഹിച്ചു. ആന്തൂർ നഗരസഭാ ചെയർപേഴ്‌സൺ വി സതീദേവി അധ്യക്ഷയായി. തദ്ദേശ ഭരണ വകുപ്പ് ജോയിൻ്റ് ഡയറക്ടർ ടി ജെ അരുൺ, ആന്തൂർ നഗരസഭാ സ്ഥിരം സമിതി അധ്യക്ഷരായ ഓാമന മുരളീധരൻ, കെ വി പ്രേമരാജൻ, പി ദീപ, കെ പി മോഹനൻ, എം ആമിന , ക‍ൗൺസിലർ കെ പി ഷീന, പി കെ ശ്യാമള‍, പി മുകുന്ദൻ, ഇംപാക്ട് കേരള പ്രൊജക്ട് കോർഡിനേറ്റർ സുമിത , ടി നാരായണൻ, എ എൻ ആന്തൂരാൻ, സമദ്‌ കടന്പേരി, എം വി ജനാർദ്ദനൻ എന്നിവർ സംസാരിച്ചു. നഗരസഭാ വൈസ്‌ ചെയർമാൻ പാച്ചേനി വിനോദ്‌ സ്വാഗതവും സെക്രട്ടറി കെ മനോജ്‌കുമാർ നന്ദിയും പറഞ്ഞു.

    തളിപ്പറമ്പ : സംസ്ഥാന സർക്കാരിൻ്റെ പ്ലാൻ ഫണ്ടിലുൾപ്പെടുത്തി ഒരു കോടി രൂപ ചെലവിട്ട് പന്നിയൂർ ഗവ എൽ പി സ്കൂളിനു വേണ്ടി നിർമിച്ച പുതിയ കെട്ടിടം എം വി ഗോവിന്ദൻ മാസ്റ്റർ എംഎൽഎ ഉദ്ഘാടനം ചെയ്തു. കുറുമാത്തൂർ പഞ്ചായത്ത് പ്രസിഡൻ്റ് എസ് പി രമേശൻ അധ്യക്ഷനായി. ബ്ലോക്ക് പഞ്ചായത്തംഗം പി മാധവൻ, വൈസ് പ്രസിഡൻ്റ് സി അനിത, പഞ്ചായത്ത് സ്ഥിരം സമിതി അധ്യക്ഷരായ കാനായി രാജൻ. കെ ഹൈദരാലി , വി രമ്യ, പിഡബ്ല്യുഡി എ ഇ ആഷിഷ് കുമാർ , എഇഒ കെ മനോജ്, തളിപ്പറമ്പ് നോർത്ത് ബിപിസി കെ ബിജേഷ് , ഹസ്ബീനാ മൊയ്തു, ഐ വി നാരായണൻ, കെ വി കെ അയൂബ് , ടി ജനാർദനൻ , എം ടി ജനാർദ്ദനൻ, പി ബീപാത്തു , കെ പി അബ്ദുൽ അസീസ്, എം ശോഭ എന്നിവർ സംസാരിച്ചു. വാർഡംഗം ടി പി സഈദ് സ്വാഗതവും കെ പി അബ്ദുൽ റഹ്മാൻ നന്ദിയും പറഞ്ഞു

പെരിങ്ങത്തൂർ: തെങ്ങു മുറിച്ചു മാറ്റുന്നതിനിടയിൽ അപകടത്തിൽപ്പെട്ടു പുഴയിലേക്ക് വീണു തൊഴിലാളി മരിച്ചു. പെരിങ്ങത്തൂർ പുളിയനമ്പ്രം ചെട്ടിയാംവീട്ടിൽ സി.വി. സജീവൻ (52) ആണ് മരിച്ചത്. ഇന്നലെ ഉച്ചയ്ക്ക് 12 മണിയോടെ പെരിങ്ങത്തൂർ ബോട്ട് ജെട്ടിക്ക് സമീപം വെച്ചാണ് അപകടം. തെങ്ങിൽ കയറി മണ്ട മുറിച്ചു കനം കുറക്കുതിനിടയിൽ തെങ്ങ് കടപ്പുഴകി പുഴയിലേക്ക് വീഴുകയായിരുന്നു.  അഛൻ: പരേതനായ കൃഷ്ണൻ. അമ്മ: പരേതയായ ജാനു . ഭാര്യ: റീന. മക്കൾ: സനയ, ശാൽവിൻ. സഹോദരങ്ങൾ: ലീല, കുമാരൻ (സിപി എം പുളിയനമ്പ്രം ബ്രാഞ്ചംഗം), വിജയൻ (സിപിഎം പുളിയനമ്പ്രം ബ്രാഞ്ചംഗം), സി. വി. രവീന്ദ്രൻ (സിപി എം സെൻട്രൽ പുളിയനമ്പ്രം ബ്രാഞ്ച് സെക്രട്ടറി). സംസ്ക്കാരം ഇന്ന് രാവിലെ 10ന് വീട്ടുവളപ്പിൽ.