കാട്ടാമ്പള്ളി പ്പെരുമയിൽ ഇഫ്താർ സംഗമവും യാത്രയയപ്പും ഇന്ന് .

 

കാട്ടാമ്പള്ളി: ഗവ: മാപ്പിള യു.പി.സ്കൂളിൽ വച്ച് എല്ലാ വർഷവും നടക്കുന്ന ഇഫ്താർ സംഗമം ഇന്ന് വൈകുന്നേരം 5 മണി മുതൽ നടക്കുകയാണ്. നാട്ടിലെ ആബാലവൃദ്ധം ഒത്തുചേരുന്ന കൂട്ടായ്മയിലേക്ക് എല്ലാവരും തയ്യാറെടുത്തിരിക്കയാണ്. അതോടൊപ്പം ഈ വർഷം കാട്ടാമ്പള്ളി ഗവ: മാപ്പിള സ്കൂളിൽ നിന്നും ദീർഘകാല സേവനത്തിനു ശേഷം വിരമിക്കുന്ന അധ്യാപകരായ ശ്രീ. അഹമ്മദ് നയ്യിർ,ശ്രീമതി.സുമ. ഇ പി. ,ശ്രീമതി.രമാവതി എന്നിവരെ കാട്ടാമ്പള്ളി പൗരാവലി ആദരിക്കുകയും ചെയ്യും. രക്ഷിതാക്കളും കുട്ടികളുമടക്കം ആയിരക്കണക്കിന് ആളുകളെത്തുന്ന ചടങ്ങിൽ ജനപ്രതിനിധികളും മതപണ്ഡിതരും സന്ദേശങ്ങൾ നൽകും. വിവിധ സംഘടനകളുടെ നേതൃത്വത്തിൽ നോമ്പുതുറ വിഭവങ്ങളും തയ്യാറാക്കും. സ്നേഹ സംഗമത്തിലേക്ക് എല്ലാവരെയും ക്ഷണിക്കുന്നു ...