മുക്കാളി റെയിൽവേ സ്റ്റേഷനില് ട്രാക്കിലേക്ക് ടിപ്പര് മറിഞ്ഞു; ട്രെയിന് ഗതാഗതം സ്തംഭിച്ചു
മാഹി: മാഹിക്കും വടകരയ്ക്കും ഇടയില് മുക്കാളി റെയിൽവേ സ്റ്റേഷനില് റെയില്വേ ട്രാക്കിലേക്ക് ടിപ്പര് ലോറി മറിഞ്ഞു. ഇരു ഭാഗത്തേക്കും ട്രെയിന് ഗതാഗതം സ്തംഭിച്ചു. ഇന്ന് രാവിലെ ഏഴരയോടെയാണ് സംഭവം.
ട്രാക്കില് നിന്ന് ഉടന് തന്നെ ലോറി മാറ്റി ട്രെയിന് ഗതാഗതം സാധാരണ നിലയിലാക്കാനുള്ള ശ്രമം തുടരുകയാണ്. റെയില്വേ സ്റ്റേഷന്റെ പ്ലാറ്റ്ഫോം വികസന പ്രവര്ത്തനങ്ങള് നടന്ന് വരികയാണ്. പ്ലാറ്റ്ഫോമിലേക്ക് മണ്ണുമായി വന്ന ലോറിയാണ് അപകടത്തില്പ്പെട്ടത്.
നിയന്ത്രണം വിട്ട് ലോറി ട്രാക്കിലേക്ക് വീഴുകയായിരുന്നു. പിന്ഭാഗം ട്രാക്കിലും മുന്ഭാഗം പ്ലാറ്റ്ഫോമിലും കിടക്കുന്ന നിലയിലാണ് ലോറി.
Comments
Post a Comment