ചേലേരിയിലും കമ്പിലിലും വോട്ടഭ്യർത്ഥിച്ച് യു.ഡി.എഫ് സ്ഥാനാർത്ഥി ടി.കെ. ഗോവിന്ദൻ മാസ്റ്റർ

 

കൊളച്ചേരി: തളിപ്പറമ്പ് നിയോജകമണ്ഡലം യു.ഡി.എഫ് സ്വതന്ത്ര സ്ഥാനാർത്ഥി ടി.കെ. ഗോവിന്ദൻ മാസ്റ്റർ തിരഞ്ഞെടുപ്പ് പ്രചാരണത്തിന്റെ ഭാഗമായി ചേലേരി, കമ്പിൽ മേഖലകളിൽ പര്യടനം നടത്തി.

പ്രദേശത്തെ വിവിധ സ്ഥാപനങ്ങളിൽ നേരിട്ടെത്തിയാണ് അദ്ദേഹം വോട്ടർമാരുടെ പിന്തുണ തേടിയത്. കൊളച്ചേരി പഞ്ചായത്തിന്റെ പരിധിയിൽ വരുന്ന ഈ മേഖലകളിലെ വിവിധ വിദ്യാഭ്യാസ സ്ഥാപനങ്ങൾ, കച്ചവട സ്ഥാപനങ്ങൾ, ബാങ്കുകൾ ഉൾപ്പെടെയുള്ള ധനകാര്യ സ്ഥാപനങ്ങൾ എന്നിവിടങ്ങളിൽ സ്ഥാനാർത്ഥി സന്ദർശനം നടത്തി. സ്ഥാപനങ്ങളിലെ ജീവനക്കാരോടും നാട്ടുകാരോടും വോട്ടഭ്യർത്ഥിച്ച അദ്ദേഹത്തിന് മികച്ച പ്രതികരണമാണ് ജനങ്ങളിൽ നിന്നും ലഭിക്കുന്നത്.