മണിയൻ പിള്ള രാജു ഓടിച്ച കാറിടിച്ച് അപകടം; രണ്ട് യുവാക്കൾക്ക് ഗുരുതര പരിക്ക്
തിരുവനന്തപുരം: തലസ്ഥാനത്ത് നടനും നിർമാതാവുമായ മണിയൻ പിള്ള രാജു ഓടിച്ച ആഢംബര കാറിടിച്ച് രണ്ട് ബൈക്ക് യാത്രക്കാർക്ക് ഗുരുതര പരിക്ക്. വ്യാഴാഴ്ച രാത്രി 10ഓടെ വഴുതക്കാട് ശ്രീമൂലം ക്ലബിന് മുൻപിലായിരുന്നു അപകടം.
അപകടത്തിന് ശേഷം മണിയൻ പിള്ള രാജു വാഹനം നിർത്താതെ പോകുകയായിരുന്നു. നിവേദിത് കൃഷ്ണ, സൂരജ് എന്നീ യുവാക്കൾക്കാണ് അപകടത്തിൽ പരിക്കേറ്റത്. നിവേദിതിന് കാലുകൾക്കും സൂരജിന് നട്ടെല്ലിനും പൊട്ടലുണ്ടെന്നുമാണ് ലഭിക്കുന്ന വിവരം. ഇരുവരും സ്വകാര്യ മെഡിക്കൽ കോളജ് ആശുപത്രിയിൽ ചികിത്സയിലാണ്.
ഞാന് ആണ് വണ്ടി ഓടിച്ചിരുന്നത്; ബൈക്ക് വന്ന് കാറില് ഇടിക്കുകയായിരുന്നു; ടെന്ഷനായിപ്പോയി’; മണിയന്പിള്ള രാജു
തിരുവനന്തപുരം വഴുതക്കാട് ട്രിവാന്ഡ്രം ക്ലബിന് സമീപമുണ്ടായ വാഹനാപകടത്തില് പ്രതികരണവുമായി കാര് ഓടിച്ച നടന് മണിയന് പിള്ള രാജു.ബൈക്ക് വന്ന് കാറില് ഇടിക്കുകയായിരുന്നെന്ന് മണിയന്പിള്ള രാജു പറഞ്ഞു. അപകടത്തില് ബൈക്ക് യാത്രികരായ രണ്ട് പേര്ക്കാണ് പരുക്കേറ്റത്
ഞാന് ആണ് വണ്ടി ഓടിച്ചിരുന്നത്. ട്രിവാന്ട്രം ക്ലബ്ബില് ഇറങ്ങുകയായിരുന്നു. വഴുതക്കാട് ഭാഗത്ത് നിന്ന വണ്ടി വന്ന് ഇടിക്കുകയായിരുന്നു. സൈഡ് ബമ്പറിലാണ് ഇടിച്ചത്. സുഖമില്ലാതിരിക്കുകയായിരുന്നു. വല്ലാത്ത ടെന്ഷനായിപ്പോയി – മണിയന്പിള്ള രാജു പറഞ്ഞു.
Comments
Post a Comment